Доронин Михаил Павлович

Доронин Михаил Павлович
Доронин Михаил Павлович
Чужан лун	1902-ӧд вося кӧч тӧлысь 4-ӧд лун
Чужанін	Шыладор, Придаш сикт овмӧдчӧмин[d], Сыктывдін район, Коми Республика, РСФСР либӧ ; Усть-Сысольск уезд, Вӧлӧгда губерния, Россияса империя[d];
Кулан лун	1939-ӧд вося ӧшым тӧлысь 13-ӧд лун (37 арӧс)
Куланін	Магадан[d], Ола кар кытш[d], Улыс Амур обласьт[d], Хабаровск край, РСФСР, Сӧветскӧй Социалистическӧй Республикаяслӧн Союз либӧ ; Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз;
Мыйся уджыс	общественнӧй удж вӧчысь, редактор, гижысь, поэт

Доронин Михаил Павлович (Шыладорса Миш, Йӧнӧ Епим Миш; 1902-ӧд вося кӧч тӧлысь 4-ӧд лун^[1], Шыладор, Коми Республика или Усть-Сысольск уезд, Вӧлӧгда губерния — 1939-ӧд вося ӧшым тӧлысь 13-ӧд лун, Магадан^[d], Хабаровск край или Сӧветскӧй Социалистическӧй Республикаяслӧн Союз) — нималана коми поэт, критик. СССР-са гижысь котырӧ пырысь 1934 восянь.

Олантуй

Михаил Доронин чужӧма Вӧлӧгда губерняысь Усть-Сысольск уездса Шыладор сиктын 1902 вося кӧч тӧлысь 4-ӧд лунӧ.

1921 воын помалӧма сӧветскӧй партийнӧй школа. Уджалӧма вӧлӧсьтса исполкомын делопроизводительӧн да секретарӧн. Служитӧма Гӧрд Армияын. Демобилизация бӧрас уджалӧма Емдін уездса большевик партия комитетын пропагандистӧн. 1927 восянь — Михаил Доронин Удора районса исполкомын веськӧдлысь.

1930-ӧд вояс пансигӧн велӧдчӧма редакторъяслӧн да газетса уджалысьяслӧн курсъяс вылын. 1930-ӧд восянь уджалӧ Коми обласьтса газетын да Коми небӧг лэдзанінын. СССР-са Гижысь котырын 1934 восянь. 1935 восянь веськӧдлӧма Коми гижысь котырӧн да редакторалӧма «Ударник» журналын.

Кыдзи и уна мукӧд гижысьӧс, Шыладорса Мишӧс мыждісны «буржуазнӧй национализмын» да «сепаратизмын», вӧтлісны партияысь да репрессируйтісны. Сійӧс арестуйтӧмаӧсь 1937-ӧд вося йирым тӧлысь 7-ӧд лунӧ. 1938-ӧд вося сора тӧлысь 7-ӧд лунӧ СССР-са НКВД-лӧн торъя сӧвешанньӧ пуксьӧдӧма сійӧс 5 во кежлӧ. Сыкӧд ӧти кадӧ вӧлі пуксьӧдӧмаӧсь Иван Изъюровӧс да Нёбдінса Витторӧс. М. П. Доронин кулӧма Магаданын СССР-са НКВД-лӧн Севвостоклагерса бурдӧдчанінын 1939 вося ӧшым тӧлысь 13-ӧд лунӧ. Коми СССР-са Вылыс ёрдлӧн шуӧмӧн реабилитируйтӧма 1956-ӧд вося моз тӧлысь 3-ӧд лунӧ.

Гижан удж

Михаил Доронин гижӧма кывбуръяс («Паш Колялы», «Узьтӧм войясӧ», «Талун», «Ва катчӧс мӧдӧдчис», «Кык во визьясӧн кыскалӧ плуг…»), но асьсӧ ёнджыка петкӧдлӧма кыдзи критик, гижӧма критическӧй статья, пасйӧд да рецензия жанръясын.

1934-ӧд воын вӧлӧма сӧветскӧй гижысьяслӧн медводдза Ставсоюзса съездлӧн делегатӧн.

Пасйӧдъяс

↑ ¹ ² Доронин Михаил Павлович

Литература

Полещиков В. М. Михаил Доронин (1902—1939) // Репрессированные литераторы. — Сыктывкар, 2008. — С. 198—201.
Дёмин В. Н. Михаил Павлович Доронин // Писатели Коми: биоблиографический словарь: в 2- т. / Науч. ред. В. Н. Дёмин. — Сыктывкар, 1995. — Т. 1. — С. 134—136.
Зиявадинова О. Михаил Павлович Доронин // Писатели Коми: биоблиографический словарь: в 2- т. — Сыктывкар: "Анбур, 2017. — Т. 1. — С. 255—257.
Сыктывдінса шӧр библиотека система

[_369864d8befedfa6-1] ¹ ² Доронин Михаил Павлович

[1]