Изъюров Иван Васильевич

Изъюров Иван Васильевич
Изъюров Иван Васильевич
Чужан лун	1910-ӧд вося рака тӧлысь 6-ӧд лун
Чужанін	Позтыкерӧс, Кӧрткерӧс район, Коми Республика, РСФСР[d];
Кулан лун	1995-ӧд вося тӧвшӧр тӧлысь 24-ӧд лун (84 арӧс)
Куланін	Сыктывкар, Рочму;
Страна	Рочму; Сӧветскӧй Социалистическӧй Республикаяслӧн Союз;
Мыйся уджыс	журналист, гижысь, вуджӧдчысь

Q5Изъюров Иван Васильевич

Изъюров Иван Васильевич (Изъюр Иван; 1910—1995) — коми гижысь, вуджӧдчысь.

Олан туй

Иван Изъюров чужӧма 1910-ӧд вося рака тӧлысь 6-ӧд лунӧ Вӧлӧгда губерняысь Усть-Сысольск уездса Позтыкерӧсын (ӧні — Кӧрткерӧс районса Позтыкерӧс сикт). Сыктывкарса мӧд тшупӧда школа помалӧм бӧрын уджалӧма Коми небӧг лэдзанінын, сэсся «Ударник» журналын.

И.В. Изъюров — Айму вӧсна Ыджыд тыш вылӧ ветлысь, тышкасьӧма Карел фронтын. Пехотинеч, миномётчик, связист, вӧлӧма сідзжӧ войнавывса корреспондентӧн — «Часовой Севера» да «Во Славу Родины» газетъясӧ гижӧма 30 гӧгӧр очерк да висьт.

Война бӧрын журналисталӧма «Красное знамя» газетын, «Войвыв кодзув» журналын, телевидениеса студияын.

Кулӧма 1995-ӧд вося тӧвшӧр тӧлысь 24-ӧд лунӧ. Гуалӧма Сыктывкарын.

Гижан удж

Иван Изъюровлӧн медводдза кывбуръяс да висьтъяс петавлісны «Ордым» журналын 1926-ӧд воын. Сёрӧнджык петісны «Тималӧн бригада» (1932) да «Доменьлӧн мыж» (1936) повесьтъяса небӧгъяс, «Шуд» (1935) висьт чукӧр.

1950—1990-ӧд воясся висьтъяслӧн, повесьтъяслӧн да очеркъяслӧн тематикаыс вель паськыд. «Кор дзоридзалӧ льӧм» да «Судзӧд меным ӧшкамӧшка» гижӧдъясын И. Изъюров зільӧ сетны сылӧн кадся олысьлысь портрет. 1979-ӧд воын республикаса драма театр пуктӧма сылысь «Морт коли ӧтнас» пьеса.

Челядьлы гижӧма «Миян Бикинь» повесьт, «Бурмортлӧн чунькытш» мойд, «Ылі туй петтӧдз» висьт.

И.В. Изъюрову комиӧдлӧма Н. В. Гогольлысь, А. М. Горькийлысь да В. В. Маяковскийлысь гижӧдъяссӧ.

«Север» журналса редколлегияӧ пырысьӧн.

1970-ӧд воын сылы сетісны «Коми АССР-са искусствоясын нимӧдана уджалысь» ним. И.А. Куратов нима Коми АССР-са канму премия босьтысь.

Небӧгъяс

Сиктса повестьяс / Ред. С. Морозов; серпасалiс А.С. Добряков. — Сыктывкар: Коми кн. изд-во, 1970. — 264 л.б.
Достань мне радугу: повести и рассказы: перевод с коми. — Москва: Современник, 1981. — 223 с. (Новинки «Современника»)

Ошканпасъяс

Коми АССР-са искусствоясын нимӧдана уджалысь (1970)
И.А. Куратов нима Коми АССР-са канму премия босьтысь

Ӧшмӧсъяс

Вежев А. А., Ванеева И. М. Иван Васильевич Изъюров // История коми литературы: в 3-х т. — Сыктывкар, 1981. — Т. 1. — С. 99—111.
Коми Республикаса вужвойтырлӧн небӧгаин
Мартынов В.И. Изъюров Иван Васильевич // Литераторы земли Коми: биобиблиографический словарь. — Сыктывкар, 2000. — С. 57—58.

Ыстӧдъяс