Доронин Павел Григорьевич
| Доронин Павел Григорьевич | |
|---|---|
 | |
| Чужан лун | 1904-ӧд вося тӧвшӧр тӧлысь 25-ӧд лун |
| Чужанін |
|
| Кулан лун | 1967-ӧд вося тӧвшӧр тӧлысь 12-ӧд лун (62 арӧс) |
| Страна | |
| Мыйся уджыс | школаын велӧдысь, туялысь, гижысь, поэт |
Доронин Павел Григорьевич (1904-ӧд вося тӧвшӧр тӧлысь 25-ӧд лун, Проньдор (Сыктывдін район), Коми Республика или Усть-Сысольск уезд, Вӧлӧгда губерния — 1967-ӧд вося тӧвшӧр тӧлысь 12-ӧд лун) — коми гижысь, критик, фольклор да история туялысь. СССР-са гижысь котырӧ пырысь 1939 восянь[1].
Олантуй
Павел Доронин чужӧма Вӧлӧгда губерняысь Усть-Сысольск уездса Проньдор грездын 1904-ӧд вося тӧвшӧр тӧлысь 25-ӧд лунӧ. 1915—1918-ӧд воясӧ велӧдчӧма Гамса кык класса велӧдысьяслӧн школаын. 1921-ӧд воын велӧдчӧма Йӧзкостса велӧдӧмлӧн Усть-Сысольскса институтын, сэсся — Москваса канму университетлӧн история-этнография факультетын. Уджалӧма велӧдысьӧн, Коми небӧг лэдзанінын редакторӧн[2].
Вӧлӧма Айму вӧсна Ыджыд тыш вылын. Война бӧрын уджалӧма Германияын сӧветскӧй комендатураясын.
1946 восянь СССР-са наукаяс академиялӧн Коми филиалын научнӧй сотрудник, 1949 восянь — «Войвыв кодзув» журналын да Коми АССР бердын СССР-са Литфондын сотрудник, 1962—1967 воясӧ — выльысь научно-исследовательскӧй удж вылын[2].
Сылӧн научнӧй да литературнӧй интересъясын — коми йӧзлӧн история: Биармия теория артмӧм да сӧвмӧм, XIV—XVII нэмъясын комияслӧн овмӧдчӧм, Коми мулӧн Москваса княжество бердӧ пырӧм, коми гижӧд да литература артмӧм. Кыдзи уна опыта историк-архивист П. Г. Доронин лӧсьӧдіс коми войтырлӧн история кузя документъяслысь ыджыд библиография, а сідзжӧ «Октябрьскӧй социалистическӧй революцияӧдз комияслӧн гижӧд да литература» ыджыж удж, кодӧс видзӧны Коми наука шӧринлӧн архивын[2].
Кулӧма 1967 вося тӧвшӧр тӧлысь 12-ӧд лунӧ.
Гижан удж
1927-ӧд восянь йӧзӧдлӧма кывбуръяс, 1930-ӧд восянь — висьтъяс, 1935-сянь — литературно-критическӧй гижӧдъяс. 1936-ӧд воын йӧзӧдӧма «Парма сьӧлӧмын» медводдза коми романлысь юкӧнъяссӧ[3].
Павел Доронинӧс шуӧны коми литератураын роман жанрын медводдза гижысьӧн. 1939-ӧд восянь пырӧ СССР-са гижысь котырӧ.
Туялӧма Иван Куратовлысь олӧмсӧ, Коми мулысь история да фольклорсӧ. Павел Доронинӧн чукӧртӧм коми мойдъяссӧ вӧлі йӧзӧдӧма 2004-ӧд воын «Мойд небӧг. Книга сказок» небӧгын.
Небӧгъяс
• И. А. Куратовлӧн творчество. — Сыктывкар, 1939.
• Изваильские партизаны. — Сыктывкар, 1957.
• Парма сьӧлӧмын. — Сыктывкар, 1968.
• Мойд небӧг. Книга сказок: Сказки, собранные Павлом Дорониным (К 100-летию со дня рождения П. Г. Доронина, ученого-историка, писателя, литературного критика, фольклориста) / Сост. О. И. Уляшев, В. М. Кудряшова, И. А. Плосков. — Сыктывкар: Коми кн. изд-во, 2004. — 464 с.
Наградаяс
Пасйӧдъяс
- ↑ Доронин Павел Григорьевич (рус.). Культурная карта Республики Коми. Шыӧдчан кадпас: 4 кӧч тӧлысь 2025.
- ↑ 1 2 3 Доронин Павел Григорьевич (рус.). НБРК. Шыӧдчан кадпас: 4 кӧч тӧлысь 2025.
- ↑ Доронин Павел Григорьевич (рус.). Сыктывдинская ЦБС. Шыӧдчан кадпас: 4 кӧч тӧлысь 2025.
Литература
• Доронин Павел Григорьевич
• Ванеева И. М. Коми романлӧн медводдза воськовъяс // Войвыв кодзув. 1983. — 10 №.
• Кудряшова В. М. Павел Григорьевич Доронин — очерк биографии и творчества // Фольклористика Коми / Тр. ИЯЛИ Коми НЦ УрО РАН. — Сыктывкар: Изд-во Коми НЦ УрО РАН, 2002. — Вып. 63. — С. 146—153.