Уляшев Олег Иванович
| Олег Иванович Уляшев | |
|---|---|
 | |
| Чужан лун | 1964 вося лӧддза-номъя тӧлысь 21-ӧд лун |
| Чужанін | Коми АССР-ысь Кулӧмдін районса Вӧльдiн |
| Гражданство (подданство) | Россия |
| Уджсикас | гижысь, драматург, прозаик, фольклорист |
| Гижан кыв | Коми, роч кыв |
| Наградаяс |
1998 во - Коми Республикаса Почёт грамота; 1999, 2000 вояс - Коми Республикаса канму премия; 2009, 2016, 2022, 2023 вояс - «Эзысь борд» республикаса конкурсын вермысь; 2015 во - «Лучшая книга года» республикаса конкурсын вермысь; 2015 во - М.А. Кастрен котырлӧн «Ичӧт проза» нимпасын литературнӧй премия (Финляндия); 2015 во - Рӧдвуж уджтасын художествоа проза гижӧдъяс юкӧнын премия (Эстония). |
Уляшев Олег Иванович (1964-ӧд вося лӧддза-номъя тӧлысь 21-ӧд лун, Коми АССР-ысь Кулӧмдін районса Вӧльдiн сикт) — коми гижысь, фольклор да оласног туялысь, филология наукаяс кандидат[1][2].
Олантуй
• Уляшев О.И. чужӧма 1964-ӧд вося лӧддза-номъя тӧлысь 21-ӧд лунӧ Коми АССР-ысь Кулӧмдін районса Вӧльдiн сиктын.
• 1971—1979-ӧд воясӧ велӧдчӧма Вӧльдінса 8 класса школаын, сэсся — В. Т. Чисталёв нима Помӧсдінса шӧр школаын.
• 1983—1984-ӧд воясӧ уджалӧма Помӧсдін леспромхозса Вӧльдінса лесопунктын штабелёвщикӧн [3].
• 1988-ӧд воын помалӧма Сыктывкарса канму университетысь филология факультетса коми юкӧн.
• 1990—1994 воясын велӧдчис аспирантураын, веськӧдлысьяснас вӧлісны А.К. Микушев да Ю.Г. Рочев.
• Пырӧма уджавны СССР-са наукаяс академиялӧн Коми филиалысь Кыв, литература да история институтӧ (ӧні — Коми наука шӧрин): вӧлӧма литература да фольклор юкӧдын; ӧні — этнография секторын старшӧй научнӧй сотрудник[2].
• 2011-2016 — «Войвыв кодзув» журналын редактор [3].
Туялан удж
1997 воын дорйис Москваса М. Горький нима Мирӧвӧй литература институтын филология кандидат ним вылӧ диссертация «Иерархии цветовой символики в обрядовой поэзии и устной прозе коми-зырян» тема серти[4].
Уляшев О. пырӧдчис уна сикас наука проектӧ. Сідз, 1996 восянь уджаліс урал кывъя войтырлысь мифъяс туялан проектын. 1999-2010 воясӧ вӧліны ӧтувъя проектъяс: «Мӧд Россия», «Выль эскӧмъяс», «Йӧзкост медицина. Тӧдысьяс», «Урал кывъя войтыръяслӧн обрядъяс», «Урал войтыръяслӧн литература», «Коми культураын ань да мужичӧй» да с.в.[3].
Уляшев О. И. гижис 300 гӧгӧр наука удж, на пиысь 8 монография[3][5]:
• Уляшев, О. И. Образ Стефана Пермского в традиционных представлениях коми : докл. на заседании Президиума Коми НЦ УрО РАН / О. И. Уляшев. – Сыктывкар : Коми НЦ УрО РАН, 1997. – 20 с. (Научные доклады / Коми науч. центр УрО РАН; вып. 385).
• Уляшев, О. И. Онтология сказки / О. И. Уляшев, И. И. Уляшев. – Сыктывкар : Изд-во СГУ, 1997. (ISBN 5-87237-185-3).
• Уляшев, О. И. Цвет в представлениях и фольклоре коми / О. И. Уляшев. – Сыктывкар : Изд-во Коми НЦ УрО РАН, 1999. – С. 156. (ISBN 5-89606-050-5).
• Ильина, И. В. Мужчина и женщина в традиционной культуре коми / И. В. Ильина, О. И. Уляшев. – Сыктывкар : Изд-во Коми НЦ УрО РАН, 2009. – 222 с. (ISBN 978-5-89606-373-5).
• Уляшев, О. И. Хроматизм в фольклоре и мифологических представлениях пермских и обско-угорских народов / О. И. Уляшев. – Екатеринбург : Изд-во УрО РАН, 2011. – 422 с. (ISBN 978-5-7691-2173-9).
• Anna-Leena Siikala & Oleg Ulyashev. Hidden Rituals and Public Performances: Traditions and Belonging among the Post-Soviet Khanty, Komi and Udmurts. – Helsinki : SKS : Studia Fennica Folkloristica 19. – 2011. – P. 368. (ISBN 978-952-222-307-4; ISSN 1235-1946).
• Уляшев, О. И. Иерархии цветовой символики в обрядовой поэзии и устной прозе коми-зырян : дис. … канд. филол. наук / О. И. Уляшев. – Сыктывкар–Москва, 1998. – 238 лл. + 6 таблиц.
• Уляшев, О. И. Иерархия цветовой символики в обрядовой поэзии и устной прозе коми-зырян : автореф. дис. … канд. филол. наук / О. И. Уляшев. – Сыктывкар–Москва, 1998.
Гижан удж
1977-ӧд воын йӧзӧдӧма медводдза гижӧдсӧ: «Чушканзі» журналын петӧма кань йылысь басня.
Студенталігӧн йӧзӧдлӧма кывбуръяс, мойдъяс республикаса журналъясын, газетъясын да мукӧд ӧтувъя чукӧрын. Пырӧдчӧма «ПИТОН» литературнӧй чукӧрӧ (Первое интеллектуальное творческое объединение начинающих) (1981-1985)[6], сэсся «Ордым» котырӧ (1988-1990)[7][8].
1988-ӧд восянь йӧзӧдчӧ «Войвыв кодзув» да «Арт» журналъясын, кӧні сідзжӧ петавлӧны литературно-критическӧй статьяяс.
1991-ӧд воын ветлӧма Эстмуӧ этнофутуристъяслӧн конгресс вылӧ. Сы бӧрти петӧма «Водптицная дорога» (Тарту, 1995) небӧг, кытчӧ пырӧма сылӧн 10 кывбур. Прозаа гижӧдъясыс тшӧтш пырисны коми литература учебникъясӧ [8][6].
1990—2000-ӧд воясӧ топыда уджалӧма Коми Республикаса фольклор театркӧд (ӧні — Коми Республикаса вужвойтырлӧн шылада-драмаа театр). Театрыс 1991-ӧд воын медводдзаӧн пуктӧма О. И. Уляшевлысь «Енколаяс йылысь поэма» серти спектакль. Сэсся пуктӧмаӧсь «Куллерво» (финн кывйысь вуджӧдӧма, 1993), «Гытсан» (1994); «Коми сиктын важнога свадьба» (С. Мезенцевкӧд ӧтвылысь) да «Рӧштвоса ворсӧмъяс» (Л. Оплеснинакӧд ӧтвылысь, 1996), «Эзысь шабді» (С. Горчаковакӧд ӧтвылысь, 1998), «Йӧла гор» (1999)[8][2].
«Эзысь шабді» лирическӧй комедияысь О. И. Уляшевлы сетӧма Коми Республикаса канму премия искусство юкӧнын (1999 во).
2015-ӧд воын «Излань зыран, зарни зыран» небӧгсӧ шуӧма республикаса конкурсын медбур небӧгӧн. Тайӧ жӧ небӧгсьыс вичмӧма М. А. Кастрен котырлӧн «Ичӧт проза» нимпасын литературнӧй премия (Финляндия) да Рӧдвуж уджтасын премия художествоа проза гижӧдъяс юкӧнын премия (Эстония).
О. И. Уляшев гижӧ уна жанрын, комиӧн и рочӧн, ачыс вуджӧдчӧ да серпасалӧ небӧгъяссӧ [6]. 2012-ӧд восянь пырӧ Рочмуса гижысь котырӧ.
Небӧгъяс
• Кӧмтӧм нывкалы: кывбуръяс. — Сыктывкар: Коми небӧг лэдзанін, 2001. — 24 л.б. («Ӧтувъя керка» чукӧр)
• Орд ордым: висьтъяс, ворсанторъяс, кывбуръяс. — Сыктывкар: Коми небӧг лэдзанін, 2006. — 160 л.б.
• Мойд дзебас: посни челядькӧд уджалысьяслы отсӧг. — Сыктывкар: ГАОУДПО (пк) С РК «КРИРО», 2013. — 48 л.б.
• Излань зыран, зарни зыран. — Сыктывкар: ООО «Издательство Кола», 2014. — 96 л.б.
• Кад пыр верзьӧмӧн: висьтъяс. — Сыктывкар: «Анбур» ИКК, 2019. — 248 л.б.
• Зарни бобув. Кывбуръяс. — Сыктывкар: «Коми йӧзӧдчан керка» КР-са АУ, 2021. — 224 л.б.
Наградаяс
• М.А. Кастрен котырлӧн «Ичӧт проза» нимпасын литературнӧй премия (2015)[9]
• Коми Республикаса канму премия искусство юкӧнын (1999) [3] ;
• Коми Республикаса канму премия наука юкӧнын (2000) [3]
• «Эзысь борд» республикаса конкурсын вермысь (2009 — проза, 2016 — поэзия, 2022 — публицистика, 2023 — драматургия)[3];
• «Лучшая книга года» республикаса конкурсын вермысь (2015);
• М.А. Кастрен котырлӧн «Ичӧт проза» нимпасын литературнӧй премия (Финляндия) (2015);
• художествоа проза гижӧдъяс юкӧнын Рӧдвуж войтырлӧн уджтасын премия (Эстония) (2015).
Ӧшмӧсъяс
• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000.
• Коми гижысь котыр сайтын О. И. Уляшев йылысь
Ыстӧгъяс
- ↑ Горинова Н. Олег Иванович Уляшев // Писатели Коми: биобиблиографический словарь. Том II. — Сыктывкар, 2022. — С. 627-633.
- ↑ 1 2 3 21 июня 1964 года родился Уляшев Олег Иванович, коми писатель, фольклорист, ученый. Национальная библиотека Республики Коми. Шыӧдчан кадпас: 14 урасьӧм тӧлысь 2024.
- ↑ 1 2 3 4 5 6 7 Уляшева Л.И., Чаланова Н.А., Ковалева Т.И. Олег Иванович Уляшев: биобиблиографический указатель. — Сыктывкар: Коми республиканская типография, 2024. — 140 с.
- ↑ Уляшев, Олег Иванович. Иерархия цветовой символики в обрядовой поэзии и устной прозе коми-зырян : автореферат дис. ... кандидата филологических наук : 10.01.09 / Ин-т языка, литературы и истории Коми. - Москва, 1998. - 19 с.
- ↑ УЛЯШЕВ ОЛЕГ ИВАНОВИЧ. К 60-ЛЕТНЕМУ ЮБИЛЕЮ. Библиографический указатель. – Сыктывкар: ФИЦ Коми НЦ УрО РАН, 2024. – 48 с
- ↑ 1 2 3 Уляшев Олег Иванович. Культурная карта Республики Коми. Шыӧдчан кадпас: 14 урасьӧм тӧлысь 2024.
- ↑ Олег Иванович Уляшев, писатель, фольклорист, ученый. Усть-Куломская межпоселенческая библиотека. Шыӧдчан кадпас: 14 урасьӧм тӧлысь 2024.
- ↑ 1 2 3 Уляшев Олег Иванович. Национальная электронная библиотека Республики Коми. Шыӧдчан кадпас: 14 урасьӧм тӧлысь 2024.
- ↑ Коми ученый получил первую премию литературного конкурса Общества Кастрена // «Комиинформ» юӧр сетан агентство (2015.10.21; рочӧн)