Канова Наталья Фёдоровна

Канова Наталья Фёдоровна
Чужан лун	1963-ӧд вося моз тӧлысь 31-ӧд лун(1963-08-31) (63 арӧс)
Чужанін	Аквад, Емдін сикт овмӧдчӧмин[d], Емдін район, Коми АССР, РСФСР, Сӧветскӧй Социалистическӧй Республикаяслӧн Союз
Мыйся уджыс	сьылысь

Канова Наталья Фёдоровна (1963-ӧд вося моз тӧлысь 31-ӧд лун, Аквад, Коми АССР) — коми сьылысь, Коми Республикаса нимӧдана уджалысь.

Олантуй

Наталья Канова чужӧма 1963 вося моз тӧлысь 31-ӧд лунӧ Коми АССР-ын Емдін районса Аквад грездын. 1995-ӧд воын помалӧма В. Т. Чисталёв нима Коми Республикаса культура колледж, лоӧма йӧзкостса хорӧн веськӧдлысьӧн. Уджысь орӧдчытӧг 1998-ӧд воын помалӧма Петыркарса культура да искусство канму академия «хормейстер-фольклорист» специальносьт серти. Та бӧрын веськӧдліс йӧзкостса сьылан ансамбльӧн Сыктывкарса 21 №-а школаын.

20 во гӧгӧр уджаліс Ю. А. Спиридонов нима Коми Республика Юралысь бердса искусствояс гимназияын, веськӧдліс велӧдчысьяслӧн «Зиль-Зёль» йӧзкостса сьыланкыв ансамбльӧн. Веськӧдліс «Эжвинские зори» йӧзкостса хорӧн (Эжваса Бумажникъяслӧн культура керкаын).

2018 восянь уджалӧ Сыктывкарса Коми культура шӧринын артист-вокалистӧн — сценавывса нуӧдысь мастерӧн, веськӧдлӧ «Зарни туис» йӧзкостса шылад ансамбльӧн.

Сьылӧм

Наталья Канова сьылӧ коми да роч йӧзкостса да авторъяслысь сьыланкывъяс.

Петкӧдчылӧма йӧзкостса сьыланкыв сьылысьяслӧн «Юрган» регионъяскостса конкурсын, республикаса мукӧд конкурсын да фестивальын.

Наградаяс

• Валентина Есева нима Коми Республикаса Веськӧдлан котырлӧн премиа босьтысь;
• Коми Республикаса нимӧдана уджалысь;
• Йӧзкостса сьыланкыв сьылысьяслӧн ставроссияса, регионъяскостса конкурсъясын лауреат.

Пасйӧдъяс