Коняшкин Максим Михайлович

Коняшкин Максим Михайлович
Чужан лун	1924-ӧд вося вӧльгым тӧлысь 18-ӧд лун(1924-11-18)
Чужанін	Новые Выселки[d], Спасск уезд[d], Пенза губерния[d], РСФСР, Сӧветскӧй Социалистическӧй Республикаяслӧн Союз
Кулан лун	2000-ӧд вося рака тӧлысь 27-ӧд лун(2000-03-27) (75 арӧс)
Куланін	Запорожье[d], Запорожский район[d], Украина
Канму	СССР
Войска сикас	артиллерия
Служитан вояс	1942—1945
Звание
Тышъяс/вӧйнаяс	Айму вӧсна Ыджыд тыш .
Наградаяс да премияяс

Коняшкин Максим Михайлович (1924 вося вӧльгым тӧлысь 18-ӧд лун, Новые Выселки сикт, Мордовия — 2000 вося рака тӧлысь 27-ӧд лун, Запорожье) — Айму вӧсна Ыджыд тышын участвуйтысь, Комиысь Сӧветскӧй Союзса Герой, младшӧй сержант.

Олантуй

Максим Коняшкин чужис 1924 вося вӧльгым тӧлысь 18-ӧд лунӧ Новые Выселки сиктын. Помаліс абу тыр шӧр школа, сы бӧрын уджаліс колхозын. 1942 вося ода-кора тӧлысьын Коняшкинӧс босьтісны Гӧрд Армияӧ. 1943 вося урасьӧм тӧлыссянь — Айму вӧсна Ыджыд тыш вылын. Участвуйтіс тышъясын Рытыв-Войвыв, Брянскӧй, Степнӧй да 2-ӧд Украинскӧй фронтъяс вылын.

1944 вося февраль кежлӧ младшӧй сержант Максим Коняшкин вӧлі 2-ӧд Украинскӧй фронтса 53-ӧд армиялӧн 16-ӧд артиллерийскӧй дивизияса 49-ӧд кокни артиллерийскӧй бригадаса 1431-ӧд кокни артиллерийскӧй полкын орудиеса наводчикӧн. Петкӧдліс асьсӧ геройӧн Украина ССР-ысь Черкасск обласьт мездігӧн. 1944 вося урасьӧм тӧлысь 11-ӧд лунӧ Звенигородка станция да Скалеватка грезд гӧгӧрын Конашкин бырӧдіс 4 танк да бронетранспортёр. Водзӧ кык лунӧн Коняшкин бырӧдіс нӧшта 2 танк, 2 бронетранспортёр да немецкӧй пехота взвод гӧгӧр. Сэсся Коняшкин ранитчис, сылӧн орудиеыс жугаліс, но сійӧ водзӧ тышкасис, водзсаліс враглысь контратакасӧ.

СССР-са Медвылыс Сӧвет Президиумлӧн 1944 во кӧч тӧлысь 13-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» младшӧй сержант Максим Коняшкинлы вӧлі сетӧма Сӧветскӧй Союзса Геройлысь ним Ленин орденӧн да 2264 №-а «Зарни Кодзув» медальӧн.

Максим Михайлович Коняшкин вӧлі Москваса Гӧрд изэрд вылын 1945 вося лӧддза-номъя тӧлысь 24-ӧд лунӧ Победалӧн историческӧй парадса участвуйтысьӧн.

Вӧйна помасьӧм бӧрын Коняшкинӧс демобилизуйтӧмаӧсь. 1950-1970 воясӧ оліс Коми АССР-са Вӧркута кар кытшса Елецкӧй посёлокын. Уджаліс кӧрт туй вылын Елецкӧй юкӧн туйвывса пос мастерӧн. Бӧрынджык вуджис Запорожьеӧ, кӧні уджаліс Запорожскӧй комбинатса ЖБИ-ын. Водзмӧстчис общественнӧй уджын.

Куліс 2000 вося рака тӧлысь 27-ӧд лунӧ, гуалӧма Капустян шойнаын Запорожьеын.

Наградаяс

• Сӧветскӧй Союзса Герой (1944.09.13);
• Ленин орден (1944.09.13);
• «Зарни Кодзув» медаль (1944.09.13);
• Айму вӧсна Ыджыд тышса I тшупӧда орден;
• III тшупӧда Слава орден;
• медальяс.

Паметь

• Запорожьеын сувтӧдӧмаӧсь сылысь бюст;
• Зубово-Полянскӧй районса Юрковка посёлокын и Мордовский Пимбур сиктса школаын пуктӧмаӧсь мемориальнӧй пӧвъяс;
• 2014 воын мемориальнӧй пӧв пуктӧма Елецкӧй (Вӧркута кар кытш) посёлокса керкаын, кӧні оліс М.М. Коняшкин;
• «История Героя Воркуты – Коняшкин Максим Михайлович» видеосюжет: «История Героя Воркуты – Коняшкин Максим Михайлович»:
• 1970 вося 27 №-а «Наш край» киножурналысь юкӧн: «Воркута. Они защищали Родину! Часть I»

Пасйӧдъяс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои-освободители Черкасщины. — Днепропетровск: Промінь, 1980.
• Геройская быль. — Саранск: Мордкиз, 1985.
• Герои на все времена: Наши земляки – Герои Советского Союза. – Воркута, 2005.
• Фотолетопись Республики Коми – Сыктывкар ООО «Коми Республиканская Типография», 2011
• Войцеховская, К. А. Герой Советского Союза М.М. Коняшкин : проект. работа. [ Текст ] / Карина Анатольевна Войцеховская ; МОУ «СОШ № 43» . – Воркута, 2018 . – 7 с.