Кулӧмдін уезд
| Кулӧмдін уезд | |
|---|---|
| Страна |
 СССР |
| Губерния | Коми (Зыряна) асвеськӧдлан обласьт |
| Шӧрин | Кулӧмдін |
| Йӧз (1926) | 56 400 морт |
| Олысь лыд (кв. км му вылын) | 0,5 морт/км² |
| Ыджда | 123 916 км² |
| Лӧсьӧдӧма | 1922 |
| Бырӧдӧма | 1929 |
 |
|
Кулӧмдін уезд (рочӧн Усть-Куломский уезд) — Коми (Зыряна) асвеськӧдлан обласьтын уезд (1922—1929 воясын).
История
Кулӧмдін уезд артмӧдӧма 1922 вося косму тӧлысьö Коми обласьтсӧ 4 уезд вылӧ — Усть-Сысольск, Емдін, Кулӧмдін да Изьва-Печора вылӧ — юкӧм йылысь РСФСР-са ВЦИК-лӧн 1922 во ода-кора тӧлысь 2-ӧд лунся Декрет подув вылын[1]. Юрсиктӧн лои Кулӧмдін сикт.
1926 воӧ Кулӧмдін уезд вӧлі пырӧ 28 вӧлӧсьт: Аныб (Аныбскӧй), Важкуръя (Вашкурскӧй), Висер (Богородскӧй), Визябӧж (Визябожскӧй), Вомын (Вомынскӧй), Воч (Вочевскӧй), Дереваннӧй (Деревянскӧй), Изьвайыв (Изваильскӧй), Керчомья (Керчемскӧй), Кӧрткерӧс (Корткеросскӧй), Кулӧмдін (Усть-Куломскӧй), Маджа (Маджскӧй), Мордін (Мординскӧй), Мылдін (Троицко-Печерскӧй), Мыс (Мыелдинскӧй), Немдін (Усть-Немскӧй), Нёбдін (Небдинскӧй), Одыб (Нившерскӧй), Пезмӧг (Пезгомскӧй), Пожӧг (Пожегодскӧй), Позтыкерӧс (Позтыкеросскӧй), Помӧсдін (Помоздинскӧй), Пӧддельнӧй (Подъельскӧй), Руч (Ручевскӧй), Саваяг (Савино-Борскӧй), Шойнаты (Сторожевскӧй), Тшугӧр (Щугорскӧй), Ыджыдвидз (Большелужскӧй)[2].
1926 воын уездын оліс 56,4 сюрс морт. Ставныс — сиктса олысьяс. Уездлӧн ыдждаыс — 123 916 км²[3].
1929 вося сора тӧлысь 15-ӧд лунӧ ВЦИК примитіс «Войвыв крайса кытшъяслӧн да районъяслӧн тэчасног да налӧн шӧринъяс йылысь» декрет, мый серти Коми асвеськӧдлан обласьт юксис ӧкмыс район вылӧ: Визинса (шӧриныс — Визин сикт), Изьва-Печора (Изьва сикт), Луздор (Абъячой сикт), Шойнаты (Шойнаты сикт), Удора (Кослан сикт), Емдін (Емдін сикт), Кулӧмдін (Кулӧмдін сикт), Сыктыв (Сыктывдін), Чилимдін (Чилимдін сикт). Бырӧдӧм Кулӧмдін уезд пыдди лӧсьӧдӧма Кулӧмдін район[4].
Пасйӧдъяс
- ↑ История административно-территориального деления Коми АССР 1917-1990 гг. (рус.). Центральный государственный архив Республики Коми. Шыӧдчан кадпас: 22 йирым тӧлысь 2025.
- ↑ Территориальное и административное деление Союза ССР на 1-е января 1926 года. — М.: Главное управление коммунального хозяйства НКВД, 1926. — 284 с. — 4000 экз.
- ↑ Всесоюзная перепись населения 1926 г. РСФСР и её регионы. Населенные места. Наличное городское и сельское население. (рус.). Шыӧдчан кадпас: 22 йирым тӧлысь 2025. Архивируйтӧма 4 рака тӧлысь 2016.
- ↑ Краткая характеристика административно-территориального деления Республики Коми в 1918-1992 гг. (рус.). Архивы России. Шыӧдчан кадпас: 22 йирым тӧлысь 2025.
Литература
- Территориальное и административное деление Союза ССР на 1-е января 1926 года. — М.: Главное управление коммунального хозяйства НКВД, 1926. 284 с. (тираж 4000)
- Всесоюзная перепись населения 1926 г. РСФСР и ее регионы. Населенные места. Наличное городское и сельское население.