Леонтьев Валерий Яковлевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Леонтьев.
Валерий Леонтьев
Valery Leontiev at Laima Rendez Vous Jurmala 2017 (2) (cropped).jpg
Медшӧр юӧр
Тырвыйӧ ним Валерий Яковлевич Леонтьев
Чужан лун 1949-ӧд вося рака тӧлысь 19-ӧд лун(1949-03-19)[1] (77 арӧс)
Чужанін  Коми АССР-са Усвавом сикт, РСФСР, СССР
Страна

 СССР →

 Россия
Уджсикас сьылысь, актёр, композитор, танцор
Уджалан вояс 1971 во — 2023 во
Сьылан гӧлӧс тенор[d] и баритон[d]
Жанръяс диско, эстрада, данс-поп, поп-рок, электропоп, выль волна
Коллективъяс ВИА «Эхо»
Лейблъяс «Мелодия» (1980—1991), SBI Records (1994), APEX Records (1995—1996), Dana Music (1997—1998), «Студия Валерия Леонтьева» (1999—2008), «Монолит» (2009—2017),EMI (2019 — ӧ. к.)
Наградаяс
Автограф
Изображение автографа
leontiev.ru
Логотип РУВИКИ.Медиа Медиафайлы на РУВИКИ.Медиа

Леонтьев Валерий Яковлевич (1949-ӧд вося рака тӧлысь 19-ӧд лун[1], Усвавом, Коми Автономнӧй Сӧветскӧй Социалистическӧй Республика) — сӧветскӧй да россияса сьылысь, композитор да актёр; Россия Федерацияса нимйӧза артист (1996)[2], Коми Республикаса нимйӧза артист, Украина ССР-са нимӧдана артист (1987), Ленинскӧй комсомоллӧн премияа лауреат (1985). Унаысь босьтлӧма «Звуковая дорожка», «Овация» да «Золотой граммофон» шылад премияяс[3].

Гижис 30-ысь унджык альбом, на пиысь унаӧс вузавлісны миллионъясӧн[4]. «Дело вкуса» да «Грешный путь» альбомъяс тиражысь сетӧма World Music Awards премия («Best selling Soviet Artist of the Year»)[5]. «Песня года» фестивальын участвуйтысь да лауреат[6]. 2021 воын вӧлі «Голос 60+» вокальнӧй шоулӧн жюриӧ пырысьяс лыдын[7].

СМИ-ын Валерий Леонтьевӧс мукӧддырйи шуӧны россияса поп-музыкаын мегакодзулӧн да легендаӧн[8][9][10].

2024 вося рака тӧлысьын Леонтьевлӧн представитель юӧртіс, мый сьылысь эновтӧ сценасӧ.

Олантуй

Ортсыса серпасъяс
Леонтьев бать-мамкӧд
Леонтьевлӧн Майя чой
Валерий Леонтьев гӧтырыскӧд

Валерий Леонтьев чужӧма Коми АССР-са Усвавом сиктын 1949 вося рака тӧлысь 19-ӧд лунӧ кӧр видзысьяслӧн семьяын. Батьыс, Яков Степанович Леонтьев (кувсис 1979 воын), вӧліс помор рӧдысь Кардор обласьтысь, мамыс Екатерина Ивановна Леонтьева (нывдырся овыс Клюц) (1906—1996) чужис Украинаын[11]. Челядьдырйиыс кольӧма Кардор обласьтын Холмогор районса Вылыс Матигоры сиктын[12]. 1961 воын семьяыс вуджӧма овны Иваново обласьтса Юрьевец карӧ, кӧні помалӧма школа. Валерий кӧсйӧма лоны океан туялысьӧн да пырны велӧдчыны Дальневосточнӧй университетӧ, но сьӧм тырмытӧм вӧсна эновтчӧма тайӧ мӧвпсьыс. 1966 воын документъяссӧ мӧдӧдӧма ГИТИС-ӧ, бӧръя здукъясас вежӧма мӧвпсӧ да документъясӧ босьтӧма бӧр.

Юрьевецӧ воӧм бӧрын уджалӧма кирпич заводын подсобнӧй рабочӧйӧн, йӧв заводын операторӧн, шабді кыан фабрикаын тесёмщик-смазчикӧн, почталёналӧма, электрикалӧма, вурсьӧма. Сэсся сьылысь вуджӧма Вӧркутаӧ, кӧні пырӧма горнӧй институтлӧн Ленинградса филиалӧ, лаборанталӧма мупытшса сооружениеяслӧн туясян институтын.

1972 вося косму тӧлысь 9-ӧд лунӧ Воркутаын шахтёръяслӧн да стрӧительяслӧн культура керкаын вӧлӧма Валерий Леонтьевлӧн медводдза асшӧр концерт. Тайӧ жӧ воас Сыктывкарын «Карнавал на Севере» сьыланкывйӧн вермӧма «Песня-72» регионса конкурс. Вермӧмысь козин пыдди вӧлӧма Георгий Виноградовлӧн эстраднӧй искусствоса творческӧй мастерскӧйын велӧдчӧм (Москва). Велӧдчӧмсӧ эновтӧма да бергӧдчӧма гортас. 1973—1979 воясын сьылӧма томуловлӧн «Мечтатели» эстраднӧй ансамбльын, а сэсся Коми республикаса филармониялӧн «Эхо» ансамбльын.

1979—1990 воясын Валерий Леонтьев уджалӧма Горький да Ворошиловград (ӧні — Луганск) филармонияясын. 1979 воын пырӧдчӧма том сьылысьяслӧн ставсоюзса конкурсӧ, мый вӧлі мунӧ Ялтаын, да лоӧма вермысьӧн. Сьылӧма 12-минута кузьта «Памяти гитариста» баллада (кывъясыс Роберт Рождественскийлӧн).

1987 воын помалӧма Крупская нима Ленинградса культура институтын режиссёр юкӧн.

Исполнительскӧй карьера

1960 вояс

• 1966 — Юрьевец карын уджвывса ветеранъяслӧн xopын солист.
• 1968 — Вӧркута кар: художественнӧй самодеятельностьын участник.
• 1969 — Шахтёръяслӧн ДК стрӧитысьяслӧн художественнӧй самодеятельность коллектив, Ю. Милютинлӧн «Цирк зажигает огни» опереттаын участвуйтӧм.

1970 вояс

• 1972 вося косму тӧлысь 9-ӧд лунӧ Вӧркутаса шахтёръяслӧн да стрӧитчысьяслӧн культура дворечын Валерий Леонтьевлӧн вӧлі медводдза сольнӧй концерт. Тайӧ жӧ воас сійӧ вермис Сыктывкарын «Сьыланкыв-72» регионса конкурсын («Карнавал на Севере» сьыланкывйӧн). Конкурсын вермӧмысь призӧн вӧлі Москваын «Георгий Виноградовлӧн эстраднӧй искусствоса творческӧй мастерскӧйын» велӧдчӧм. Но Леонтьев велӧдчӧмсӧ эз помав да 1973 воын бӧр локтіс Сыктывкарӧ, уджаліс татчӧс филармонияын солистӧн да лоис «Мечтатели» группаын солистӧн, регыд мысти нимсӧ вежисны «Эхо» вылӧ.
• 1974 — «Радость в пути» уджтасын «Мечтатели» ансамбльса солист.
• 1978 воын помаліс Ленинградса культура институтлысь заочнӧй отделение[13]. 1979 воын вуджис Горьковскӧй филармонияӧ условиеӧн, мый сійӧс мӧдӧдасны ставсоюзса конкурс вылӧ Ялтаӧ. Рождественский Робертлӧн кывбуръяс вылӧ Давид Тухмановлысь «Памяти гитариста» 12 минутаа баллада сьылӧмысь Леонтьевлы вичмис медводдза премия став страна пасьта транслируйтан конкурсын. Водзӧ ӧтув уджаліс Тухмановкӧд: Игорь Шаферанлӧн кывбуръяс вылӧ «Ненаглядная сторона», Леонид Дербенёвлӧн кывбуръяс вылӧ «Там в сентябре»[14] (медводдзаысь телеэкран вылын «Музыкальный киоск» программаын) да мукӧд. Тухмановлӧн «Танцевальный час на солнце» сьыланкыв вайис Леонтьевлы медводдза премия «Золотой Орфей» фестиваль вылын (Болгария, 1980)[13].

1980 вояс

1981 воын артист участвуйтӧ «Ереван — 81» музыкальнӧй фестивальын, кӧні шедӧдӧ популярносьтысь приз. Суйӧрсайса прессаын ӧткодялісны сьылысьӧс суйӧр сайын тӧдса Мик Джаггеркӧд, мый вӧсна сэкся эстрада вылын кыптіс ыджыд зык. Кывзысьясӧн пыдди пуктӧм, но чинаясӧн мустӧмтӧм Валерий Леонтьев веськалӧ опалаӧ 1985 воӧдз. Но ставыс вежсис, кор Леонтьевлӧн творчествоӧн кутіс интересуйтчыны композитор Давид Тухманов. Тайӧ мастеркӧд ӧтув уджалӧмыс восьтіс сьылысьлы ыджыд сцена вылӧ туй.

1982 воын Леонтьевлӧн казялӧмаӧсь гӧлӧс связкаяс вылысь доброкачественнӧй пыкӧс. Валерий майшасис, мый оз вермы сьывны, но гӧлӧсыс бӧр воис, и сійӧ водзӧ выступайтіс.

1983 вося сора тӧлысь 28 лунсянь 1995 воӧдз уджаліс Ворошиловградса филармонияын эстраднӧй жанрын солист-вокалистӧн, «Эхо» вокально-инструментальнӧй ансамбльлӧн художественнӧй веськӧдлысьӧн, а сідзжӧ гижис аслас репертуарысь некымын сьыланкывлы шыладсӧ. Вӧлі сетӧма Ленинскӧй комсомоллысь премия (1985), 1987 воын Леонтьевлы сетӧмаӧсь Украинаса ССР-са нимӧдана артистлысь ним.

1980-ӧд воясӧ заводитчис Раймонд Паулскӧд уджалан кадколаст, медся активнӧй 1984—1986 воясӧ («Зелёный свет», «Гиподинамия», «Годы странствий», «Затмение сердца», «Исчезли солнечные дни» да мукӧд), «Россия» ГЦКЗ-ын Паулслӧн «Святая к музыке любовь» уджтасын участвуйтӧм. «Прощание с мамой» сьыланкывсянь заводитчис Лора Квинткӧд ӧтувъя удж. Быд во дасьтылісны выль сьыланкывъяс, премьерасӧ нуӧдлісны Ленинградын «Октябрьскӧй» концертасян залын, а 1980-ӧд вояс шӧрсянь Москваын «Россия» ГЦКЗ-ын: «Я просто певец» (1982), «Бегу по жизни» (1984), «Наедине со всеми» (1985), «Звёздный сюжет» (1986), «Признание» (1987), «Мне кажется, что я ещё не жил» (1990) да мукӧд. Театр йылысь важся мечта вайӧдіс Леонтьевӧс рок-операӧ. «Россия» ГЦКЗ-ын вӧлі «Джордано» опералӧн премьера (1988, шылад Квинт, ст. В. Кострова, реж. В. Дружинин), кӧні Леонтьев ворсіс куим роль: Джордано, Шут, Сатана[13].

Том Валерий Леонтьев бӧрйис аслыс «югыд югӧр» образ. Сійӧ вӧлі «Субӧта рытся лихорадка»  (рус.) (коми стильын векньыдик еджыд костюма, зэлыда пукалысь комбинезонъяса, эзысь скини, лэбалысь блузаа да каблука кӧмкота. «Песня года-91» фестиваль вылын петкӧдчӧм могысь пасьталіс бордӧвӧй металлик рӧма лосины да ыджыд сеткаа футболка. Бӧрынджык новліс винил шорты да кучик бандажъяс[15].

1985 воын Валерий Леонтьев «Человек-магнитофон», «Затменье сердца», «Полюбите пианиста» сьыланкывъясӧн пырӧдчис Андрей Вознесенскийлӧн «Витражных дел мастер» кывбуръяс вылӧ сьыланкывъяса фильм-концертӧ.

1986 вося лоддза-номъя тӧлысьын вӧлі Зелена Гура карын (Польша) сӧветскӧй сьыланкыв конкурс вылын гӧсьтӧн.

Перестройка дырйи 1987 воын СССР-са просвещение министерствоын видлалісны Сӧветскӧй Союзлысь «Евровидение» европейскӧй сьыланкыв конкурсын участвуйтӧм. СССР-са просвещение кузя министр Георгий Веселов вӧзйис мӧдӧдны Валерий Леонтьевӧс. Но тайӧ идеясӧ эз поддержитны КПСС ЦК-ын да Горбачёв. Просвещение министерствоын унджыкыс шуисны, мый СССР абу на дась татшӧм радикальнӧй воськовъяс вылӧ[16].

1990 вояс

1991 воын Леонтьев босьтіс World Music Awards  (рус.) (коми премия кыдзи медбур сьылысь да СССР-ын звуконосительяс вузалӧм серти лидер[17].

1997 воын композитор Ю. Чернавскийкӧд АӦШ-ын гижис «По дороге в Голливуд» да «Санта-Барбара» альбомъяс. Сэки жӧ Голливудын вӧлі снимайтӧма «По дороге в Голливуд» клип[13].

1992 восянь 1998 воӧдз уджаліс Алла Духовалӧн «Тодес» балеткӧд. 1998 восянь уджаліс аслас «Опасные связи» балеткӧд.

1998 вося рака тӧлысь 28-ӧд лунӧ Кремльсянь неылын «Кодзувъяслӧн изэрд» вылын кыпыда пуктісны Валерий Леонтьевлысь кодзувсӧ. 2009 воын Леонтьев нима кодзув петкӧдчис Витебскын Славянскӧй базарлӧн «Кодзувъяс аллеяын».

1998 вося сора тӧлысь 21-ӧд лунӧ вӧлі Витебскын «Славянский базар» фестиваль дырйи Леонтьевлӧн сольнӧй концерт.

1999 воын вӧліс Леонтьевлӧн 50 во тырӧмлы сиӧм «Фотограф сновидений» шоу (реж. Гарнизов, художник Гримм), кӧні паськыда вӧдитчисны лазернӧй эффектъясӧн, экранӧн, «лэбысь» артисткӧд фокусъясӧн. Проектыс вӧлі композитор Владимир Евзеровлӧн, коді вӧзйис А. Блоклӧн, А. Ахматовалӧн, М. Цветаевлӧн, Р. Бернслӧн кывбуръяс вылӧ сьыланкывъяс[13].

XXI нэм

2004 вося косму тӧлысь 10 да 11 лунъясӧ Государственнӧй Кремлёвскӧй дворечын Леонтьев участвуйтіс Д. Ф. Тухмановлӧн «Притяжение любви» ыджыд авторскӧй концертъясын.

Валерий Леонтьев 2020-ӧд воын

Ассьыс став концертъяссӧ да йӧктан шоуяссӧ Леонтьев пуктыліс ачыс. Сылӧн оригинальнӧй костюмъясыс сідзжӧ авторскӧйӧсь. Леонтьев тӧдса и кыдзи актёр. Сійӧ ворсіс «На чужом празднике», «Захочу-полюблю» да мукӧд киноясын. Унаысь Леонтьев петкӧдчыліс экранъяс вылын олӧм да творчество йылысь документальнӧй кино геройӧн.

2021 вося кӧч тӧлысь 3 лунсянь йирым тӧлысь 1 лунӧдз — «Гӧлӧс. 60+» (Медводдза канал) проектын наставник[18].

2022 вося косму тӧлысь 9-ӧд лунӧ пасйис творческӧй уджлы 50 во.

2024 вося рака тӧлысь 19-ӧд лунӧ, 75 арӧс тыран лунӧ, Леонтьевлӧн представитель юӧртіс, мый сьылысь эновтӧ сценасӧ[19]. Но бӧрынджык сьылысьлӧн личнӧй сайт вылын петіс юӧр, мый ноябрын сійӧ петкӧдчас Игорь Крутӧйлӧн юбилейнӧй концертъяс вылын[20].

2025 вося сора тӧлысьын СМИ юӧртіс, мый Леонтьев 2025 вося моз тӧлысь помын кӧсйӧ петкӧдчыны Казаньын «Новая волна» фестиваль вылын[21].

Ас олӧм

Валерий Леонтьевлӧн гӧтырыс (неофициальнӧя 1972 восянь, официальнӧя 1998 восянь) — Людмила Яковлевна Исакович (чужис 1953 воын), Сыктывкарысь «Эхо» ансамбльӧн вӧвлӧм веськӧдлысь. Исакович олӧ Майамиын 1992 восянь, шырӧ понъясӧс, грумер[22]. Челядь гозъялӧн абу[23].

2024 вося лӧддза-номъя тӧлысьын «Московский комсомолец» газетлы интервьюын Леонтьев шуис, мый сылӧн абу мукӧд страналӧн гражданствоыс[24]:

Да, менам ӧти гражданство, и сійӧ — россияса.

Творчество

Концертъяс

• 9.04.1972 — медводдза сольнӧй концерт «Шахтёръяслӧн культура керкаын», Вӧркута[25];
• 1973—1979 — Коми АССР-са Сыктывкарса филармонияын солист;
• 1978 — медводдзаысь петӧма «Октябрьскӧй» Ыджыд концертнӧй заллӧн сцена вылӧ
• 1979 — Ялтаын социалистическӧй содружество странаясысь сьыланкывъяс медбура сьылӧм вылӧ «Крымские зори» ставсоюзса конкурсын вермӧм;
• 1980 — «Золотой Орфей» эстраднӧй сьыланкывъяслӧн XVI войтыркостса фестиваль вылын «Танцевальный час на солнце» (Д. Тухманов) сьыланкывйӧн 1 премияа лауреат;
• 1980 — Москваын медводдза концертъяс (Лужники, Эстрада театр, ЦДКЖ);
• 1980 — «От Олимпии до Лужников»; «Гори огонь Олимпиады» программаясын Эстрада театрын участвуйтӧм;
• 1981 — медводдза сольнӧй концертъяс «Октябрьскӧй» залын, Ленинград;
• 1981 — медводдзаысь «Песня года» фестиваль финалын;
• 1981 — «Ереван — 81» конкурс-фестивальын участвуйтӧм;
• 1983 — Ворошиловградса филармонияын солист;
• 1983 — «Я просто певец» концерт (18 аншлага концерт Ленинградын);
• 1984 — «Бегу по жизни» концерт;
• 1985 — «Наедине со всеми» концерт;
• 1986 — «Звёздный сюжет» ";
• 1987 — «Избранное» концерт;
• 1988, лӧддза-номъя тӧлысь — 1989, вӧльыгм тӧлысь — рок-опера «Джордано», 50 концертысь унджык Москваын и Ленинградын. Леонтьев ворсіс 3 шӧр роль — Джордано Бруно, Шут и Сатана;
• 1988 — «Дело вкуса» шоу, гастрольнӧй тур Индияын;
• 1988—1989 — СССР-са каръясті гастрольнӧй тур. Шуам, Новосибирскын вӧлі 27 концерт[26], а Алма-Атаын — 33 сольнӧй концерт;
• 1990 — «Мне кажется, что я ещё не жил» шоу. Гастрольяс АӦШ-ын, Индияын, Германияын, Израильын;
• 1993 — «Полнолуние» шоу — медводдза супер-шоу Россияын;
• 1994 — «Красавица и Казанова» шоу;
• 1996 — «По дороге в Голливуд» шоу, Гастрольяс АӦШ-ын, Канадаын, Германияын, Израильын;
• 1998 — Кодзувъяслӧн изэрд вылын концерт;
• 1999 — «Фотограф сновидений» шоу;
• 2001 — «Безымянная планета» шоу;
• 2002 — «Золушка» мюзиклын Король;
• 2003 — «Шестая жизнь» концерт тур (Россия, Украина, АӦШ, Германия, Израиль);
• 11-14.03.2004 — сольнӧй концертъяс «Октябрьский» залын, гастрольяс Россияын, Украинаын, АӦШ-ын, Израильын;
• 2004, 12 марта — 300-ӧд сольнӧй концерт Петыркарын;
• 2005 — «Валерий Леонтьев представляет…» концерт (Россия, Украина, Беларусь, Казахстан, Эстония, Латвия, Литва, Израиль);
• 2006—2008 — гастрольяс Россияын, Украинаын, Беларусьын, Латвияын, Казахстанын, Узбекистанын, Кыргызстанын, Азербайджанын, Израильын;
• 2009—2010 — «Люблю, скучаю, жду» юбилейнӧй шоу. Гастрольяс Россиын, Украинаын, Беларусьын, Латвияын, Казахстанын, Узбекистанын, Кыргызстанын, Азербайджанын, Израильын, Австралияын;
• 21-22.10.2011 — Государственнӧй Кремлёвскӧй дворечын юбилейнӧй концерт («Лучший навсегда!» шоу);
• 2012 — «Лучший навсегда!» шоуӧн гастрольяс (Россия, Украина, АӦШ);
• 21-22.10.2012 — Кремлёвскӧй съездса дворечын юбилейнӧй концерт («По многочисленным просьбам…» шоу);
• 2013 — гастрольяс Россияын, Украинаын, Казахстанын;
• 19, 21, 22.03.2014 — юбилейнӧй концертъяс Петыркарын; 28.03.2014 — Государственнӧй Кремлёвскӧй дворечын юбилейнӧй концерт, косму тӧлысь — Ылі Асыввывті тур, ода-кора тӧлысь — Израиль, сора-моз тӧлысь — Краснодар край, Крым;
• 2015 — «Новая волна» конкурс вылын В.Леонтьевлӧн творческӧй рыт, Сочи;
• 10.03.2019 — Государственнӧй Кремлёвскӧй дворечын юбилейнӧй концерт;
• 2019 вося рака тӧлысь 19-ӧд лунӧ 70 арӧс тырӧмкӧд йитӧдын Валерий Леонтьевлы сетӧмаӧсь позянлун вӧчны Петыркарын Петропавловскӧй крепостьын луншӧр кадӧ пушкаысь традиционнӧй лыйӧм. Леонтьевӧдз медбӧръяӧн вӧлі Россияса президент Владимир Путин[27];
• 2019—2022 — «Я вернусь…» юбилейнӧй шоуӧн гастрольяс.

Дискография

Студийнӧй альбомъяс:

№ Во Страна Ним Формат Лейбл Ыстӧгъяс
1 1983  СССР Муза LP Мелодия [28]
2 1984  СССР Диалог LP [29]
3 1984  СССР Премьера LP [30]
4 1986  СССР Дискоклуб 16(Б) LP [31]
5 1986  СССР Бархатный сезон LP [32]
6 1988  СССР Я — просто певец LP [33][34]
7 1990  СССР Дело вкуса CD, LP [35][36]
8 1990  СССР Грешный путь CD, LP [34]
9 1993  Россия Ночь CD, LP SNC records [37][38]
10 1993  Россия Полнолуние CD, LP Aprelevka Sound Inc [37][39]
11 1994  Россия У ворот Господни LP [40]
12 1995  США По дороге в Голливуд CD APEX Records [41]
13 1998  Россия Санта-Барбара CD DANA Music [42]
14 1999  Россия Канатный плясун CD АРС Records [43]
15 1999  Россия Каждый хочет любить CD VL-Studio [44]
16 2001  Россия Августин CD [45]
17 2003  Россия Кленовый лист CD [46]
18 2004  Россия Ночной звонок CD Grand Records [47]
19 2005  Россия Падаю в небеса… CD [48]
20 2009  Россия Годы странствий CD Aprelevka Sound Inc [48]
21 2011  Россия Художник CD Monolit Records [48]
22 2014  Россия Любовь-капкан CD [49]
23 2017  Россия Это любовь CD Gamma Music [50]
24 2019  Россия Я вернусь… CD [51]
25 2021  Россия На крыльях любви CD [52]

Фильмография

Во Ним Роль
1981 ф На чужом празднике Олег
1983 ф Последний довод королей (сьылӧ)
1985 ф Не ходите, девки, замуж камео
1989 ф [Захочу — полюблю Дон Хуанлӧн ёрт
1991 ф Экстрасенс Китаеч
1997 ф Старые песни о главном 3 «Африк Симон» / лорд Бэкингем
2000 ф Старые песни о главном. Постскриптум «Шарль Азнавур»
2002 ф Золушка Король

Шылада кинояс

• 1979 — «Крымские зори»;
• 1979 — «Olümpiaregati tähed / Звёзды олимпийской регаты» фильм-концерт;
• 1984 — «Я с тобой не прощаюсь»;
• 1984 — «Ветры Балтики» ETV;
• 1985 — «Витражных дел мастер»;
• 1986 — «Клоун с осенью в сердце»;
• 1986 — «Как стать звездой»;
• 1987 — «Валерий Леонтьев» (фильм);
• 1990 — «Валерий Леонтьев. Дай мне уйти с тобой»;
• 1991 — «Поёт Валерий Леонтьев»;
• 1991 — «Made in India»;
• 1996 — «Карнавальная ночь 2»;
• 1997 — «Субботний вечер с Валерием Леонтьевым»;
• 1997 — «Такой разный Валерий Леонтьев»;
• 1997 — «Парад парадов представляет Валерий Леонтьев»;
• 2004 — «Мои корабли» фильм-концерт;
• 2009 — «Больше, чем жизнь»;
• 2009 — «Бенефис Валерия Леонтьева „Книга судьбы“»;
• 2012 — «Юбилейный концерт Валерия Леонтьева „Лучший навсегда!“»;
• 2012 — «Мчится время будто всадник».

Документальнӧй фильмъяс да телепередачаяс

• 2000 — «Обратная сторона Валерия Леонтьева»;
• 2003 — «Три мелодии для фильма Валерия Леонтьева»;
• 2009 — «Валерий Леонтьев: „Утерянный смех“»;
• 2009 — «Валерий Леонтьев в Коми»;
• 2010 — «Валерий Леонтьев. „Я ещё не жил“»[53];
• 2021 — «Валерий Леонтьев. „Наивно это и смешно“»[54].

Сьыланкывъяс

Валерий Леонтьев — аслас репертуарысь некымын сьыланкывлӧн автор. Унджык композицияас гижис шыладсӧ, этшаджык — кывъяссӧ[55].

Сьыланкывъяс, кӧні сійӧ композитор

Шыладсӧ став сьыланкыв дорӧ гижӧма Юрий Варумкӧд ӧтвылысь.
• Выставка собак (кывъяс — Симон Осиашвили);
• Запомни их летящими (кывъяс — Николай Денисов);
• Знакомая сказка (кывъяс — Николай Денисов);
• Игра № 1 (кывъяс — Николай Денисов);
• Костры (кывъяс — Николай Денисов);
• Кукарача (кывъяс — Николай Денисов);
• Монголия (тӧдтӧм автор);
• Небоскрёбы (кывъяс — Евгений и Розита Давыдовъяс);
• Продавец цветов (кывъяс — Симон Осиашвили);
• Я вышел к микрофону (кывъяс — Николай Денисов);
• Я не люблю (кывъяс — Михаил Герцман).

Сьыланкывъяс, кӧні сійӧ поэт

• Прикоснись (шылад — Алексей Гарнизов / кывъяс — Валерий Леонтьев и Николай Денисов);
• Рождение дня (шылад — Лора Квинт / кывъяс — Валерий Леонтьев и Владимир Костров).

Наградаяс

1991 воын Валерий Леонтьев шедӧдӧма The World Music Awards премия, кыдзи медбур сьылысь, СССР-ын сьыланкывъяссӧ медуна вузалысь. Унаысь босьтӧма World Music Awards, ZD Awards, «Овация»  (рус.) (коми, «Золотой граммофон»  (рус.) (коми премияяс. 1980—2001 воясӧ унаысь вермылӧма «Певец года» да «Шоу года» нимпасъясын.

Valery-Leontiev1.jpg

Витысь шедӧдӧма «Овация» россияса национальнӧй премия, на лыдын — 1998 воын «Ловъя легенда» нимпасын; кӧкъямысысь босьтӧма «Шылада туй» («Звуковая дорожка») премия, на лыдын — 2009 воын «Легенда» нимпасын.

СССР-са

• Ленинса комсомол премия (1985) — томулов пӧвстын сӧветскӧй эстрадаса сьыланкыв паськӧдӧмысь да ыджыд сьылан сямысь;
• Украина ССР-са нимӧдана артист (1987).

Россияса

• Россияса нимйӧза артист (1996 вося рака тӧлысь 9-ӧд лун);
• «Айму водзын заслугаясысь» IV тшупӧда орден (2005 вося рака тӧлысь 19-ӧд лун) — шылада искусство сӧвмӧдӧмӧ ыджыд пайысь;
• Почёт орден (2009) — Аймуын эстрадаса искусство сӧвмӧдӧмӧ ыджыд пай пуктӧмысь да уна вося сьылан уджысь;
• Ёртасян орден (2014 вося рака тӧлысь 31-ӧд лун) — уджын ыджыд вермӧмысь, Россияса социальнӧй да экономическӧй олӧм сӧвмӧдӧмӧ пай пуктӧмысь, гуманитарнӧй юкӧнын уджысь, пӧрадок ёнмӧдӧмысь, оланпас дасьтӧмын зільӧмысь да общественнӧй водзмӧстчӧмысь, уна вося бур уджысь;
• Коми Республикаса нимйӧза артист (2009);
• Якутияса Почёта гражданин (2014);
• «Эскӧмысь да шаньлунысь» медаль (2010);
• Москва Правительстволӧн премия литература да искусство юкӧнын (1996);
• Россия МВД-са премия литература да искусство юкӧнын (1999).

Мукӧд канмуса

• Беларусь Президентлӧн «Искусство пыр — мирлань да гӧгӧрвоӧмлань» премия (сетӧма Александр Лукашенко 2009 вося сора тӧлысь 12-ӧд лунӧ)

Йӧзкотырлӧн

• «Россия ловзьӧдӧмысь. XXI нэм» орден (2003);
• Михаил Ломоносов орден (АБОП, 2007);
• Пётр Великийлӧн I тшупӧда орден (АБОП, 2007).

«Песня года» фестивальын

Во Финал
1981 «Ненаглядная сторона»
1983 «Полёт на дельтаплане», «Сердце человека» (ВИА «Надежда»)
1984 «Затмение сердца»
1985 «Три минуты», «Наедине со всеми»
1986 «Сожалею», «Лето, прощай»
1987 «Белая ворона»
1988 «Афганский ветер», «Доктор Время»
1989 «Грешный путь», «Маргарита»
1990 «Память», «Белый снег»
1991 «Я заводной»
1992[56] «Мулатка-шоколадка»
1993 «Воздуха глоток», «Казанова»
1994 «Исповедь»
1995 «Танго разбитых сердец»
1996 «Человек дождя», «Сокровища Чёрного моря»
1997 «Санта-Барбара», «Один билет»
1998 «Канатный плясун», «Ты меня не забывай»
1999 «Мой двадцатый век», «Каждый хочет любить», «Зелёный свет», «Вернисаж» (Л. Вайкулекӧд)
2000 «Казанова», «Волчья страсть», «Августин»
2001 «Кленовый лист», «Настройщик»
2002 «Миллионы ангелов», «Шери»
2003 «Ночной звонок», «Танцуй со мной»,
2004 «Ягодка», «Я улетаю»
2005 «Исчезли солнечные дни»
2006 «Воздушные замки»
2007 «Криминаль Танго»
2008 «Помоги»
2009 «Музыка Кубы»
2010 «А любовь жива»
2011 «Маргарита»
2012 «Там в сентябре», «Ненаглядная сторона», «Куда уехал цирк», «Вероока», «Ягодка», «Сокровища Чёрного моря», «Полёт на дельтаплане», «Маргарита», «Исчезли солнечные дни», «Каждый хочет любить», «Разноцветные ярмарки», «Казанова», «Зелёный свет», «Ты меня не забывай» сьыланкывъясысь попурри
2013 «Любовь капкан»
2014 «Уполномочена небом»
2015 «Паромщик»
2016 «Это любовь»
2017 «Ветер скрипач»
2018 «Мы спасены»
2019 «Пожалей меня»
2020 «На крыльях любви»
2021 «Аэроплан»

Мукӧдтор

Валерий Леонтьевлысь нимсӧ сетӧма Сизима кодзув созвездиеын ичӧт планеталы. Нима кодзув пуктӧма Москваын «Кодзувъяслӧн эрдын» (1998) да Витебск карса Славяна базарын «Кодзувъяслӧн аллеяын» (2009).

Пасйӧдъяс

  1. ↑ 1 2 Internet Movie Database (англ.) — 1990.
  2. ↑ Награждён указом президента России № 366 от 9 марта 1996 года. Шыӧдчан кадпас: 8 моз тӧлысь 2025. Архивируйтӧма 8 урасьӧм тӧлысь 2019.
  3. ↑ В Кремле прошла юбилейная церемония вручения премии «Золотой граммофон» (рус.). Шыӧдчан кадпас: 8 моз тӧлысь 2025. Архивируйтӧма 6 ода-кора тӧлысь 2018.
  4. ↑ Продюсер Валерия Леонтьева опроверг информацию об уходе певца со сцены | Культура и шоу-бизнес | Лента новостей «РИА Новости». Шыӧдчан кадпас: 8 моз тӧлысь 2025. Архивируйтӧма 15 сора тӧлысь 2010.
  5. ↑ World Music Awards — 1991 | Winners & Nominees. Шыӧдчан кадпас: 8 моз тӧлысь 2025. Архивируйтӧма 23 тӧвшӧр тӧлысь 2015.
  6. ↑ Валерий Леонтьев - Вдвоём с тобой | Песня года 2005 (рус.). ok.ru. Шыӧдчан кадпас: 8 моз тӧлысь 2025.
  7. ↑ "Злодейство"; Леонтьев рассказал, что делает жюри на шоу "Голос 60+" (рус.). Шыӧдчан кадпас: 8 моз тӧлысь 2025. Архивируйтӧма 16 рака тӧлысь 2023.
  8. ↑ Валерий Леонтьев: секс, шампанское и рок-н-ролл (рус.). Московский комсомолец (17 рака тӧлысь 2010). Шыӧдчан кадпас: 8 моз тӧлысь 2025.
  9. ↑ В Саратове Валерий Леонтьев скрывался от поклонников (рус.). Комсомольская правда (19 вӧльгым тӧлысь 2008). Шыӧдчан кадпас: 8 моз тӧлысь 2025.
  10. ↑ Валерий Леонтьев. Книга судьбы (рус.). Вечерняя Москва (2 ӧшым тӧлысь 2009). Шыӧдчан кадпас: 8 моз тӧлысь 2025.
  11. ↑ «Манси — одна из народностей, населяющих Крайний Север, но никакого отношения к ней не имею: мама — с Украины, а отец — помор». // Фрагмент передачи «В гостях у Гордона» (13 рака тӧлысь 2012). Шыӧдчан кадпас: 8 моз тӧлысь 2025. Архивируйтӧма 6 рака тӧлысь 2016.
  12. ↑ Валерий Leoнтьев в Архангельске: два взгляда на звезду. Шыӧдчан кадпас: 8 моз тӧлысь 2025.
  13. ↑ 1 2 3 4 5 Уварова Е. Д. Эстрада в России. XX век. Энциклопедия. — Олма-Пресс, 2004. — ISBN 5-224-04462-6.
  14. ↑ Вечный двигатель инженера Тухманова. Шыӧдчан кадпас: 8 моз тӧлысь 2025. Архивируйтӧма 30 лӧддза-номъя тӧлысь 2020.
  15. ↑ Почему Валерий Леонтьев — наш Дэвид Боуи и Джон Бон Джови? Собака.ru. Шыӧдчан кадпас: 8 сора тӧлысь 2025. Архивируйтӧма 21 рака тӧлысь 2019.
  16. ↑ Леонтьев должен был представлять СССР на Евровидение-87 :: NoNaMе. Шыӧдчан кадпас: 8 моз тӧлысь 2025. Архивируйтӧма оригинала 4 рака тӧлысь 2016 года.
  17. ↑ Исповедь Мистера Sold Out: Валерий Леонтьев сделал откровенные признания (рус.). Московский комсомолец. Шыӧдчан кадпас: 8 моз тӧлысь 2025. Архивируйтӧма 7 ода-кора тӧлысь 2019.
  18. ↑ Страница телепередачи «Голос 60+» (четвёртый сезон) (рус.). www.1tv.ru. Первый канал. Шыӧдчан кадпас: 8 моз тӧлысь 2025. Архивируйтӧма 28 кӧч тӧлысь 2021.
  19. ↑ Валерий Леонтьев ушел со сцены (рус.). РБК (19 рака тӧлысь 2024). Шыӧдчан кадпас: 8 моз тӧлысь 2025.
  20. ↑ Юбилейный концерт Игоря Крутого (рус.). Валерий Леонтьев. Шыӧдчан кадпас: 8 моз тӧлысь 2025.
  21. ↑ Леонтьев возвращается в Россию: СМИ узнали о планах певца выступить в Казани, Росбалт (3 сора тӧлысь 2025). Шыӧдчан кадпас: 3 сора тӧлысь 2025.
  22. ↑ Загадочная жена Валерия Леонтьева: как выглядит женщина, которой он верен уже 40 лет (рус.) (19 сора тӧлысь 2019). Шыӧдчан кадпас: 8 моз тӧлысь 2025.
  23. ↑ Казанова с браком (рус.). Московский комсомолец. Шыӧдчан кадпас: 8 моз тӧлысь 2025. Архивируйтӧма 18 косму тӧлысь 2018.
  24. ↑ Леонтьев сделал жесткое заявление по поводу гражданства и концертов: «Не позволю манипулировать именем», Московский комсомолец (30 июня 2024). Шыӧдчан кадпас: 16 йирым тӧлысь 2024.
  25. ↑ Красный день календаря. Обсуждение на LiveInternet — Российский Сервис Онлайн-Дневников. Шыӧдчан кадпас: 21 сора тӧлысь 2015. Архивируйтӧма 22 сора тӧлысь 2015.
  26. ↑ Виниловое видео: «Маргарита» — 1989 год. Обсуждение на LiveInternet — Российский Сервис Онлайн-Дневников. Шыӧдчан кадпас: 8 моз тӧлысь 2025. Архивируйтӧма 22 сора тӧлысь 2015.
  27. ↑ В честь юбилея Валерия Леонтьева прогремели пушечные выстрелы Петропавловской крепости (рус.). Московский комсомолец. Шыӧдчан кадпас: 8 моз тӧлысь 2025. Архивируйтӧма 7 ода-кора тӧлысь 2019.
  28. ↑ Муза. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  29. ↑ Диалог. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  30. ↑ Премьера. Шыӧдчан кадпас: 8 моз тӧлысь 2025. Архивируйтӧма оригинала 30 рака тӧлысь 2017 года.
  31. ↑ Дискоклуб. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  32. ↑ Бархатный сезон. Шыӧдчан кадпас: 8 моз тӧлысь 2025. Архивируйтӧма оригинала 18 моз тӧлысь 2016 года.
  33. ↑ Логотип RuTube Валерий Леонтьев грампластинка «Я – просто певец», Мелодия, С60 26737 004, 1988
  34. ↑ 1 2 Я — просто певец. Шыӧдчан кадпас: 8 моз тӧлысь 2025. Архивируйтӧма оригинала 8 косму тӧлысь 2018 года.
  35. ↑ Дело вкуса. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  36. ↑ Дело вкуса. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  37. ↑ 1 2 Ночь. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  38. ↑ Ночь. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  39. ↑ Полнолуние<. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  40. ↑ У ворот Господних. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  41. ↑ По дороге в Голливуд. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  42. ↑ Санта-Барбара. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  43. ↑ Канатный плясун. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  44. ↑ Каждый хочет любить. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  45. ↑ Августин. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  46. ↑ Кленовый лист. Шыӧдчан кадпас: 8 моз тӧлысь 2025. Архивируйтӧма оригинала 30 рака тӧлысь 2017 года.
  47. ↑ Ночной звонок. Шыӧдчан кадпас: 8 моз тӧлысь 2025. Архивируйтӧма оригинала 28 рака тӧлысь 2017 года.
  48. ↑ 1 2 3 новинки. Шыӧдчан кадпас: 8 моз тӧлысь 2025. Архивируйтӧма оригинала 20 ӧшым тӧлысь 2016 года.
  49. ↑ «Любовь-капкан» (Валерий Леонтьев) в Apple Music. Шыӧдчан кадпас: 8 моз тӧлысь 2025.
  50. ↑ «Это любовь» (Валерий Леонтьев) в Apple Music. Шыӧдчан кадпас: 8 моз тӧлысь 2025.
  51. ↑ «Я вернусь...» (Валерий Леонтьев) (рус.). Yandex Music. Шыӧдчан кадпас: 19 моз тӧлысь 2025.
  52. ↑ «На крыльях любви» (Валерий Леонтьев) в Yandex Music (неопр.).
  53. ↑ «Валерий Леонтьев. Я ещё не жил». Документальный фильм (рус.). www.1tv.com. Первый канал (2010). Шыӧдчан кадпас: 8 моз тӧлысь 2025. Архивируйтӧма 15 кӧч тӧлысь 2021.
  54. ↑ «Валерий Леонтьев. Наивно это и смешно». Телепередача (рус.). www.1tv.ru. Первый канал (18 кӧч тӧлысь 2021). Шыӧдчан кадпас: 8 моз тӧлысь 2025. Архивируйтӧма 1 йирым тӧлысь 2021.
  55. ↑ Реестр произведений российских правообладателей | Общероссийская общественная организация «Российское авторское общество» (РАО) (рус.). rao.ru. Шыӧдчан кадпас: 8 моз тӧлысь 2025. Архивируйтӧма 15 лӧддза-номъя тӧлысь 2021.
  56. ↑ Под названием «Хит-парад Останкино 92»

Литература

  • Юриков А. П. «Валерий Леонтьев. Биография». Изд. И. В. Захаров, 1998. 192 стр., тираж 20000 экз., ISBN 5-8159-0002-8; ISBN 978-5-8159-0002-8.
  • Юриков А. П. «Сколько стоит Валерий Леонтьев?». Изд. «Советский композитор», 1990. 48 стр.
  • Федоткина Т. «Грешный ангел: В. Леонтьев». Изд Дума, 2009. 425 стр., ISBN 5-91546-006-2, ISBN 978-5-91546-006-4.

Ыстӧгъяс

Босьтӧма "https://kv.ruwiki.ru/w/index.php?title=Леонтьев_Валерий_Яковлевич&oldid=482557"-ысь