Михайлов Олег Алексеевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Михайлов.
Михайлов Олег Алексеевич
(ширина картинки, по умолчанию 200px)px
Чужан лун 1987-ӧд вося тӧвшӧр тӧлысь 6-ӧд лун(1987-01-06) (39 арӧс)
Чужанін
Гражданство  СССР →  Россия
Мыйся уджыс Россия Федерацияса VIII созывса Государственнӧй Думаын депутат
Велӧдчӧм
Партия КПРФ
Логотип РУВИКИ.Медиа Медиафайлы на РУВИКИ.Медиа

Михайлов Олег Алексеевич (1987 вося тӧвшӧр тӧлысь 6-ӧд лун, Печӧра, Коми АССР, РСФСР, СССР) — россияса политик да канморт, Россия Федерацияса VIII созывса Государственнӧй Думаын депутат, КПРФ-ӧ пырысь. Биология наукаяс кандидат. Коми РО-лӧн КПРФ комитетса медводдза секретар (2014 восянь). Коми Республикаса Каналан Сӧветса депутат (2015—2021).

Олантуй

Михайлов О. А. чужис 1987 вося тӧвшӧр тӧлысь 6-ӧд лунӧ Коми АССР-са Печӧра карын. 2009 воын помаліс Сыктывкарса канму университетысь биология факультет «экология» специальносьт серти. 2009—2012 воясын вӧлі Россияса Наукаяс Академиялӧн Коми наука шӧринса биология институтын аспирантӧн. Бӧрынджык дорйис биология кузя кандидатскӧй диссертация. Уджаліс Коми наука шӧринса биология институтын:
• 2010 во — лаборант-исследователь;
• 2011—2012 воясын — старшӧй лаборант-исследователь;
• 2012—2013 воясын — младшӧй научнӧй сотрудник;
• 2014—2022 воясын — научнӧй сотрудник.

КПРФ-ӧ пырис 2007 воӧ, участвуйтӧ бӧрйысьӧмъясын тайӧ партиясяньыс 2008 восянь. 2011 вося рака тӧлысь 13-ӧд лунӧ бӧрйисны «Сыктывкар» муниципальнӧй юкӧнлӧн Сӧветса депутатӧн, прӧйдитіс КПРФ-лӧн лыддьӧг серти (вӧлі территориальнӧй группаясысь ӧтиын лидерӧн). 2014 вося урасьӧм тӧлысьын бӧрйисны Сыктывкарса Сӧветӧн веськӧдлысьӧс вежысьӧн, а 2014 вося йирым тӧлысь 25-ӧд лунӧ бӧрйисны КПРФ Коми Комитетса медводдза секретарӧн[1]. Выльысь бӧрйисны тайӧ чинӧ 2017, 2018, 2021 да 2024 воясын[2].

2015 вося кӧч тӧлысь 13-ӧд лунӧ медводдзаысь бӧрйисны Коми Республикаса Каналан Сӧветӧ депутатӧн, бӧрйысьӧмъяс дырйи КПРФ-лӧн лыддьӧгын босьтіс мӧд места; Каналан Сӧветын пырис социальнӧй политика комитетӧ. Участвуйтіс Шиес[ru] станцияын строительнӧй полигонлы паныд протестъяс котыртӧмын[3].

2020 воын вӧзйис пырӧдчис Коми Республикаса Юралысьӧс бӧрйысьӧмӧ, но вӧлі киритӧма бӧрйысьӧмъясысь муниципальнӧй фильтр прӧйдиттӧм вӧсна. Сы дор кольӧм муниципалитетса нёль депутатлысь кырымпассӧ лыддисны туйтӧмӧн, сы вӧсна мый тайӧ депутатъясыс водзджык гӧлӧсуйтісны мӧд кандидат вӧсна. Михайлов таысь мыжаліс регионса юралысьлысь могъяс олӧмӧ пӧртысь Владимир Уйбалӧн штабсӧ[4], коді водзӧ вылӧ вермис бӧрйысьӧмъясын. Коми Республикаса Каналан Сӧветса депутатъясӧс бӧрйигӧн вӧлі медводзын КПРФ-лӧн лыддьӧгын, коді чукӧртіс 14,81 % гӧлӧс да босьтіс куим мандат. Каналан Сӧветын Михайлов О. юрнуӧдіс КПРФ-лӧн фракцияӧн, кытчӧ пырисны нёль депутат (лыддьӧг серти мунысь куимысь ӧтдор ӧтиӧс босьтісны ӧти мандата кытшын) да лоис вӧр-ва озырлун, вӧр-ваӧн вӧдитчӧм да экология комитетса членӧн.

2021 вося косму тӧлысьӧ Михайлов да Уйба ёна вензисны йӧз водзын. Коми Республикаса Каналан Сӧветын губернаторлӧн быдвося доклад бӧрын Михайлов ёся дивитіс вӧчӧм уджсӧ, шуис Уйбаӧс «трусӧн». Уйба кост дырйи матыстчис депутат дінӧ да кутіс грӧзитчыны сійӧс нӧйтны, матькис да увтыртіс[5][6][7]. Сійӧ жӧ лунӧ рытнас тайӧ сёрниыслӧн аудиогижӧдыс веськаліс ӧтуввезйӧ. Депутат вӧзйис Уйбалы разьны конфликтсӧ йӧз водзын веськыд дебатъясын, но губернатор таысь ӧтдортчис[8].

Кыкысь вӧзйылісны КПРФ-сянь Государственнӧй Думаӧ лыддьӧг серти да Сыктывкарса ӧти мандата кытшын бӧрйысигӧн. 2016 воын босьтіс кытшын вит пиысь нёльӧд места, чукӧртіс 13,03 %. 2021 воын Михайлов вӧсна кипасаліс 32,36 прӧчент бӧрйысьысь; рекордсӧ пуктіс Изьва районса Чика грезд — сэні сы вӧсна гӧлӧсуйтіс 73,85 % бӧрйысьысь. Государственнӧй Думаын пырис КПРФ-лӧн фракцияӧ да экология, вӧр-ва озырлун да гӧгӧртас видзӧм кузя комитетӧ.

Санкцияяс

2023 вося урасьӧм тӧлысь 25-ӧд лунӧ пыртӧма Евросоюзса став странаяслӧн санкция лыддьӧгӧ[9][10]. 2023 вося урасьӧм 24-ӧд лунӧ пыртӧма Канадаса санкция лыддьӧгӧ[11][12]. Сідзжӧ сулалӧ АӦШ-са да Выль Зеландияса войтыркостса санкцияяс улын[13].

Бӧрйысьӧмъяслӧн бӧртас

«Сыктывкар» ККМ Сӧветӧ депутатӧс 14 №-а ӧти мандата бӧрйысян кытшын содтӧд бӧрйӧм (2008.03.02)[14]
Кандидат Партия Кипасаліс %
Евгений Королев Единая Россия 3 499 43,47 %
Олег Михайлов КПРФ 1 483 18,42 %
Александр Щиголев Асьсӧ вӧзйӧм 949 11,79 %
Леонид Линьков ЛДПР 701 8,71 %
Сергей Кокорин Асьсӧ вӧзйӧм 634 7,88 %
2 №-а ӧти мандата бӧрйысян кытшын Коми Республикаса Каналан Сӧветса депутатӧс бӧрйӧм (2011.03.13)[15]
Кандидат Партия Кипасаліс %
Людмила Афанасьева Единая Россия 7 635 34,33 %
Олег Михайлов КПРФ 5 503 24,74 %
Геннадий Мошегов ЛДПР 4 193 18,85 %
Наталья Бордюг Справедливая Россия 3 185 14,32 %
4 №-а ӧти мандата бӧрйысян кытшын Коми Республикаса Каналан Сӧветса депутатӧс содтӧд бӧрйӧм (2012.10.14)[16]
Кандидат Партия Кипасаліс %
Светлана Литвина Единая Россия 5 185 61,38 %
Олег Михайлов КПРФ 1 497 17,72 %
Александр Щиголев Справедливая Россия 957 11,33 %
Алексей Колегов Асьсӧ вӧзйӧм 477 5,65 %
2 №-а ӧти мандата бӧрйысян кытшын Коми Республикаса Каналан Сӧветса депутатӧс бӧрйӧм (2015.09.13)[17]
Кандидат Партия Кипасаліс %
Марина Истиховская Единая Россия 13 306 47,43 %
Алексей Канев Справедливая Россия 6 301 22,60 %
Олег Михайлов КПРФ 3 239 11,62 %
Геннадий Мошегов ЛДПР 2 704 9,70 %
Сыктывкарса 18 №-а ӧти мандата бӧрйысян кытшын Государственнӧй Думаса депутатӧс бӧрйӧм (2016.09.18)[18]
Кандидат Партия Кипасаліс %
Иван Медведев Единая Россия 103 296 36,91 %
Татьяна Саладина Справедливая Россия 49 496 17,69 %
Иван Филипченко ЛДПР 43 914 15,69 %
Олег Михайлов КПРФ 36 463 13,03 %
Леонид Литвак Коммунисты России 26 820 9,58 %
Сыктывкарса 18 №-а ӧти мандата бӧрйысян кытшын Государственнӧй Думаса депутатӧс бӧрйӧм (2021.09.19)[19]
Кандидат Партия Кипасаліс %
Олег Михайлов КПРФ 81 407 32,36 %
Ольга Савастьянова Единая Россия 67 531 26,84 %
Татьяна Саладина СРЗП 23 257 9,24 %
Андрей Никитин ЛДПР 21 186 8,42 %
Виктор Филипчук Новые люди 19 060 7,58 %
Иван Рубан Коммунисты России 16 926 6,73 %
Виктор Бетехтин Зелёная альтернатива 9 105 3,62 %

Общественнӧй удж

• том дырйи зіля пырӧдчис корсьысян уджӧ;
• «Коми войтыр» ӧтмунӧмса Сыктывкар юкӧнлӧн делегат.

Наградаяс

• Россия Федерацияса оборона министерстволӧн «За активный поиск» морӧсвыв пас (2011);
• «Сыктывкар» кар кытшса администрациясянь аттьӧалӧм (2013);
• Сыктывкар кар кытшса Сӧветлӧн аттьӧалӧм (2015);
• Коми Республикаса Каналан Сӧветлӧн аттьӧалӧм (2018);
• «Корсьысян движениеын отличиеысь» III тшупӧда морӧсвыв пас (2018);
• Коми Республикаса Каналан Сӧветлӧн Почёт грамота (2019);
• «Партия водзын заслугаясысь» КПРФ-лӧн орден (2022).

Пасйӧдъяс

  1. ↑ Олег Михайлов | ВКонтакте (рус.). vk.com. Шыӧдчан кадпас: 3 лӧддза-номъя тӧлысь 2022. Архивируйтӧма 20 косму тӧлысь 2022.
  2. ↑ Руководство. Биография первого секретаря. Коми республиканское отделение КПРФ. Шыӧдчан кадпас: 2 косму тӧлысь 2025.
  3. ↑ Депутат-коммунист Госсовета Коми Олег Михайлов — о мусорных протестах, сравнении с Навальным и популизме, kprf.ru (7 ода-кора тӧлысь 2019). Архивируйтӧма 25 кӧч тӧлысь 2021 вося. Шыӧдчан кадпас: 25 кӧч тӧлысь 2021.
  4. ↑ Дарья ЮДИНА. Олега Михайлова не зарегистрировали для выборов главы Коми (рус.). komi.kp.ru (6 моз тӧлысь 2020). Шыӧдчан кадпас: 3 лӧддза-номъя тӧлысь 2022. Архивируйтӧма 9 вӧльгым тӧлысь 2021.
  5. ↑ Кулагин В. «Пошли выйдем. Я тебя урою»: что привело к конфликту депутата и главы Коми. Газета.ру (30 косму тӧлысь 2021). Шыӧдчан кадпас: 2 косму тӧлысь 2025.
  6. ↑ Полоротов А. «Уйбе за 60 лет… я не бью стариков»: депутат-коммунист объяснил, почему отказался поговорить «по-мужски» с главой Коми. Daily Storm (30 косму тӧлысь 2021). Шыӧдчан кадпас: 2 косму тӧлысь 2025.
  7. ↑ «Поговорю по-мужски». Конфликт главы Коми и депутата дошел до угроз и оскорблений. 360.ru (30 косму тӧлысь 2021). Шыӧдчан кадпас: 2 косму тӧлысь 2025.
  8. ↑ Губернатор и парламентарий предложили друг другу выйти, Коммерсантъ (30 косму тӧлысь 2021). Архивируйтӧма 25 кӧч тӧлысь 2021 вося. Шыӧдчан кадпас: 25 кӧч тӧлысь 2021.
  9. ↑ ЕС ввел санкции против Рошаля, Москальковой и сенатора Вороны (рус.). РБК. Шыӧдчан кадпас: 26 урасьӧм тӧлысь 2023.
  10. ↑ European Union. Official Journal of the European Union L59I // European Union. — 2023. — 25 урасьӧм тӧлысь (т. Volume 66). — ISSN 1977-0677.
  11. ↑ Накрылись кленовым листом: Канада ввела новые санкции против имеющих отношение к войне россиян, предприятий и организаций (рус.). Девятый канал (25 урасьӧм тӧлысь 2023). Шыӧдчан кадпас: 10 рака тӧлысь 2023.
  12. ↑ Global Affairs Canada. Regulations Amending the Special Economic Measures (Russia) Regulations. GAC (28 вӧльгым тӧлысь 2022). Шыӧдчан кадпас: 10 рака тӧлысь 2023.
  13. ↑ МИХАЙЛОВ Олег Алексеевич - биография, досье, активы (рус.). Война и санкции. Шыӧдчан кадпас: 20 тӧвшӧр тӧлысь 2023.
  14. ↑ Центральная избирательная комиссия Российской Федерации. www.komi.vybory.izbirkom.ru.
  15. ↑ Центральная избирательная комиссия Российской Федерации. www.komi.vybory.izbirkom.ru.
  16. ↑ Центральная избирательная комиссия Российской Федерации. www.komi.vybory.izbirkom.ru.
  17. ↑ Центральная избирательная комиссия Российской Федерации. www.komi.vybory.izbirkom.ru.
  18. ↑ Центральная избирательная комиссия Российской Федерации. www.komi.vybory.izbirkom.ru.
  19. ↑ Центральная избирательная комиссия Российской Федерации. www.komi.vybory.izbirkom.ru.

Ыстӧгъяс

Босьтӧма "https://kv.ruwiki.ru/w/index.php?title=Михайлов_Олег_Алексеевич&oldid=471204"-ысь