Размыслов Ананий Прокопьевич

Размыслов Ананий Прокопьевич
Размыслов Ананий Прокопьевич
Чужан лун	1915-ӧд вося вӧльгым тӧлысь 6-ӧд лун
Чужанін	Сотчӧмвыв, Паль сикт овмӧдчӧмин[d], Сыктывдін район, Коми Республика, РСФСР либӧ ; Яренск уезд, Вӧлӧгда губерния, Россияса империя[d];
Кулан лун	1943-ӧд вося кӧч тӧлысь 30-ӧд лун (27 арӧс)
Куланін	Кременчуг[d], Полтава обласьт[d], Украина ССР[d], Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз;
Мыйся уджыс	гижысь, вуджӧдчысь, поэт

Размыслов Ананий Прокопьевич (1915-ӧд вося вӧльгым тӧлысь 6-ӧд лун, Сотчӧмвыв, Коми Республика или Яренск уезд, Вӧлӧгда губерния — 1943-ӧд вося кӧч тӧлысь 30-ӧд лун, Кременчуг^[d], Полтава обласьт^[d]) — коми гижысь, вуджӧдчысь.

Олантуй

Ананий Прокопьевич Размыслов чужӧма Вӧлӧгда губерняын Яренск уездса Сотчӧмвыв грездын (ӧні пырӧ Сыктывдін районса Паль сикт улӧ) 1915-ӧд вося вӧльгым тӧлысь 6-ӧд лунӧ. 1931-ӧд воын помалӧма Емдінса II тшупӧда школа да пырӧма литературнӧй уджалысьяслӧн курсъяс вылӧ, кутӧма уджавны Коми небӧг лэдзанінын редакторӧн. 1933—1937 воясӧ велӧдчӧма Вӧлӧгдаса автодорожнӧй техникумын, уджалӧма автотуй вӧчигӧн техникӧн. 1940-ӧд восянь уджалӧма «Коми комсомолец» газетын^[1].

1941-ӧд вося сора тӧлысь 9-ӧд лунӧ ас кӧсйӧм серти мунӧма Айму вӧсна Ыджыд тыш вылӧ. Тышкасьӧма Рытыввыв, Воронеж да Степь фронтъясын. Старшӧй лейтенант А. Размыслов усьӧма 1943-ӧд вося кӧч тӧлысь 30-ӧд лунӧ Украинаын Полтава обласьтса Ыджыд Кохновка сикт бокын. Гуалӧма Ыджыд Кохновка сиктын. Война бӧрын выль пӧв гуалӧма ӧтувъя гуын.

Гижан удж

Ананий Размыслов йӧзӧдчӧма 1931-ӧд восянь. Ёнджыкасӧ гижӧма вӧр-ва да радейтчӧм йылысь. Ловъя дырйиыс петавлӧма сӧмын ӧти кывбур чукӧр — «Медводдза любовь» (1941).

А. Размыслов уна вуджӧдчӧма. Вуджӧдӧма роч кыв вылӧ И. Куратовлысь да мукӧдъяслысь кывбуръяс. Комиӧдӧма А. С. Пушкинӧс, В. Маяковскийӧс, Б. Брюсовӧс, С. Есенинӧс, И. Чавчавадзеӧс, К. Хетагуровӧс да мукӧдӧс^[2].

Украина кыв вылӧ вуджӧдӧмӧн сылӧн кывбуръясыс петӧмаӧсь Украинаын «Заряница» («Асыв кыа») торъя небӧгӧн.

Небӧгъяс

Комиӧн

• Размыслов А. Медводдза любов: поэма. — Сыктывкар: Комигиз, 1941. — 34 л.б.
• Размыслов А. Стихъяс: кывбуръяс. — Сыктывкар: Комигиз, 1950. — 72 л.б.
• Размыслов А. Кывбуръяс. — Сыктывкар: Коми кн. изд-во, 1961. — 80 л.б.
• Размыслов А. Медводдза любовь: кывбуръяс, поэма, вуджӧдӧм / Дасьтіс Васютов М. Ю. — Сыктывкар: Коми кн. изд-во, 1990. — 104 л.б.

Украина кывйӧн

• Размыслов А. Заряница. (украина кыв вылын)

Комиӧдӧм небӧг

• Барто А. Застава вылын. — Сыктывкар: Комигиз, 1940. — 16 лб.

Паметь

• А. П. Размыслов нимӧн шуӧма Кохновка сиктын улича.
• 2025 воын Куратов нима литературнӧй музейын восьтісны А. Размысловлы сиӧм «Мед лоас… победалöн лирика» выставка^[3].

Пасйӧдъяс

↑ Ельцова Е. Ананий Прокопьевич Размыслов // Писатели Коми: биобиблиогр. слов.: в 2 т. Том II. — Сыктывкар, 2022. — С. 321—328.
↑ Размыслов Ананий Прокопьевич (рус.). НБРК. Шыӧдчан кадпас: 2025-1106.
↑ В Литературном музее И.А. Куратова откроется выставка памяти поэта-фронтовика Анания Размыслова (рус.). Регион (22 косму тӧлысь 2025). Шыӧдчан кадпас: 6 вӧльгым тӧлысь 2025.

Литература

• Коми Республикаса национальнӧй небӧгаинын А. П. Размыслов йылысь.
• Сыктывдін районса библиотека сайтын А. П. Размыслов йылысь.
• FU-lab сайтын А. П. Размыслов йылысь.

[1] Ельцова Е. Ананий Прокопьевич Размыслов // Писатели Коми: биобиблиогр. слов.: в 2 т. Том II. — Сыктывкар, 2022. — С. 321—328.

[2] Размыслов Ананий Прокопьевич (рус.). НБРК. Шыӧдчан кадпас: 2025-1106.

[3] В Литературном музее И.А. Куратова откроется выставка памяти поэта-фронтовика Анания Размыслова (рус.). Регион (22 косму тӧлысь 2025). Шыӧдчан кадпас: 6 вӧльгым тӧлысь 2025.

[1]

[2]

[3]