Рочев Владимир Парфёнович
| Рочев Владимир Парфёнович | |
|---|---|
| Парша Володь | |
| Чужан лун | 1948 вося тӧвшӧр тӧлысь 1 лун |
| Чужанін | Коми Республика, Изьва район, Вертеп сикт |
| Кулан лун | 2025 вося тӧвшӧр тӧлысь 31-ӧд лун |
| Страна | |
| Мыйся уджыс | рационализатор, механизатор |
| Ошканпасъяс да премияяс |
|
Рочев Владимир Парфенович (1948 вося тӧвшӧр тӧлысь 1 лун, Изьва районса Кипъёва сикт/Вертеп сикт — 2025 вося тӧвшӧр тӧлысь 31-ӧд лун, Изьва районса Вертеп сикт) — медводдза класса тракторист, механизатор, рационализатор, СССР-са донор (1984), общественник, уджвывса ветеран.
Олантуй
Чужис 1948 вося тӧвшӧр тӧлысь 1 лунӧ Изьва районса Кипъёва сиктын, оліс и уджаліс Вертеп сиктын. Мамыс – Рочева Сусанна Прокопьевна, батьыс – Рочев Парфён Алексеевич, семьяныс вӧлі уна челядя.
1965 воын помаліс Красноборса кӧкъямыс класса школа,
сы бӧрын 8 во уджаліс колхозын му вӧдитан юкӧнын.
1968 воын велӧдчис Мокчойын 4 тӧлысся видз-му техника курсъяс вылын.
1973 восянь уджаліс трактористӧн «За мир» Вертепса колхозлӧн механизируйтӧм бригадаын.
1980 восянь уджаліс РММ мастер-наладчикӧн.
1989 восянь – Красноборса сельпо, сторож-кочегар.
1997 восянь – Красноборса совхозын механикъяслӧн бригадир.
2000 восянь – пенсия вылын. Но ӧнӧдз вӧчӧ киӧн унатор - дадьяс, додьяс да с.в.[1].
Куліс 2025 вося тӧвшӧр тӧлысь 31-ӧд лунӧ Изьва районса Вертеп сиктын дыр висьӧм бӧрын.
Рационализаторскӧй вӧзйӧмъяс
• Механическӧй лэбын (17.04.1981 вося 17 №-а рационализаторскӧй вӧзйӧм вылӧ эскӧдангижӧд);
• ТСИ-3Б транспортёрлӧн пӧката ленталӧн чорыдлун содтӧм (12.09.1979 вося 11 №-а рационализаторскӧй вӧзйӧм вылӧ эскӧдангижӧд);
• Картупель кор идралан ротоднӧй агрегат (15.10.1979 вося 10 №-а рационализаторскӧй вӧзйӧм вылӧ эскӧдангижӧд).
Наградаяс
• «За трудовую доблесть» медаль (СССР Верховнӧй Сӧвет Президиумлӧн 1973 вося ӧшым тӧлысь 11-ӧд лунся Индӧд) (1974 во);
• «Победитель социалистического соревнования» пас (1978 во);
• «Ударник девятой пятилетки» пас (1976 во);
• «Ударник десятой пятилетки» пас (1980 во);
• «Ударник коммунистического труда» пас (1979 во);
• «За достигнутые успехи в развитии народного хозяйства СССР» СССР-са ВДНХ бронза медаль (1984 во);
• «Ударник социалистического труда» пас (1985 во);
• Профсоюзъясын зіля уджалӧмысь Профсоюзъяслӧн Коми областнӧй сӧветлӧн Почёт грамота (1977 во).