Сентюрин Владимир Иванович

Босьтӧма Рувикиысь
Владимир Иванович Сентюрин
Сентюрин В.И..jpg
Чужан лун 1918 вося тӧвшӧр тӧлысь 20-ӧд лун
Чужанін  Павлодар[1], Семипалатинск обласьт, Россия[2]
Кулан лун 1997 вося моз тӧлысь 5-ӧд лун
Куланін  Москва, Россия
Канму  СССР
Войска сикас пехота,
СССР-са ПДМ-лӧн пытшкӧсса вӧйска
Служитан вояс 1938—1979
Звание
Генерал-лейтенант
Часьт 62-ӧд гвардейскӧй стрелковӧй дивизия
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой
Ленин орден Гӧрд Дӧрапас орден Айму вӧсна Ыджыд тышса орден Орден Трудового Красного Знамени
Орден Трудового Красного Знамени Гӧрд Кодзув орден RUS Medal of Zhukov ribbon.svg «Тышын заслугаясысь» медаль
Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «1941—1945 воясся Айму вӧсна Ыджыд тышын Германияӧс вермӧмысь» медаль SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg
SU Medal Forty Years of Victory in the Great Patriotic War 1941-1945 ribbon.svg RUS Medal 50 Years of Victory in the Great Patriotic War 1941-1945 ribbon.svg SU Medal For the Capture of Vienna ribbon.svg

SU Medal Veteran of the Armed Forces of the USSR ribbon.svg

SU Medal 30 Years of the Soviet Army and Navy ribbon.svg SU Medal 40 Years of the Armed Forces of the USSR ribbon.svg SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg
SU Medal 70 Years of the Armed Forces of the USSR ribbon.svg «Вывті бура уджалӧмысь» I тшупӧда медаль «Вывті бура уджалӧмысь» II тшупӧда медаль
ПДМ-ын нимӧдана уджалысь Советская гвардия «Айму вӧсна Ыджыд тышын Вермӧмлы 25 во» морӧсвыв пас

Сентюрин Владимир Иванович (1918 вося тӧвшӧр тӧлысь 20-ӧд лун, Павлодар — 1997 вося моз тӧлысь 5-ӧд лун, Москва) — гвардияса майор, Айму вӧсна Ыджыд тышын участвуйтысь, Комиысь Сӧветскӧй Союзса Герой (1943). ПДМ-лӧн пытшкӧсса вӧйскаса генерал-лейтенант (1972)[3].

Олантуй

Владимир Сентюрин чужис 1918 вося тӧвшӧр тӧлысь 20-ӧд лунӧ Павлодарын. Шӧр школа помалӧм бӧрын уджалӧма Украина ССР-лӧн Харьков обласьтса «Лозоватка» совхозын шоперӧн.

1938 вося вӧльгым тӧлысьын босьтӧмаӧсь служитны Гӧрд Армияӧ. 1941 воын сійӧ помаліс Тамбовса пехотнӧй училище. 1941 вося сора тӧлысь 28-ӧд лунсянь — Айму вӧсна Ыджыд тыш вылын. Воюйтіс 287-ӧд стрелкӧвӧй дивизияса 870-ӧд стрелкӧвӧй полкса пулемётнӧй взводса командирӧн, сэсся Брянск да Рытыввыв фронтъяс вылын 137-ӧд стрелкӧвӧй дивизияса 409-ӧд стрелкӧвӧй полкса ротаса командирӧн да батальонса командирӧс вежысьӧн. Участвуйтіс Смоленск понда да Москва вӧсна тышъясын. 1942 вося урасьӧм толысьын сьӧкыда ранитчӧма. Нёль тӧлысь бурдӧдчис Энгельс карса госпитальын[4].

1942 вося ода-кора тӧлысьын бӧр воис фронт вылӧ, а лӧддза-номъя тӧлысьын индісны 127-ӧд стрелкӧвӧй дивизиялӧн 547-ӧд стрелкӧвӧй полкса батальонса командирӧн (1943 вося тӧвшӧр тӧлысьын боевӧй могъяс образцӧвӧя олӧмӧ пӧртӧмысь да уна йӧза героизмысь полклы да дивизиялы вӧлі сетӧма СССР-са оборона наркомлӧн приказӧн гвардейскӧй званиеяс, да кутісны шусьыны 182-ӧд гвардейскӧй стрелкӧвӧй полкӧн да 62-ӧд гвардейскӧй стрелкӧвӧй дивизияӧн). Участвуйтіс Сталинградса тышын, Острогожско-Россошанскӧй да Харьковскӧй наступательнӧй операцияясын, 1943 вося Харьков понда тышъясын[4].

1943 вося кӧч тӧлысьын Степнӧй фронтса 37-ӧд армиялӧн 62-ӧд гвардейскӧй стрелкӧвӧй дивизияса 182-ӧд гвардейскӧй стрелкӧвӧй полкса батальонса командир гвардияса майор Владимир Сентюрин петкӧдліс асьсӧ геройӧн Днепр вӧсна тышын. 1943 вося кӧч тӧлысь 28-ӧд лунӧ Сентюринлӧн батальон шквал би улын медводдзаяс лыдын вуджис Днепр вомӧн Украина ССР-лӧн Кировоград обласьтса Онуфриевскӧй районса Куцеволовка сикт дорын, вӧтліс немечьясӧс берегдорса траншеяясысь да босьтіс Днепр рытыввыв берегвывса плацдарм. Противниклы ас садяс воны сеттӧг, войся атакаӧн вӧтліс немечьясӧс «Коммунар» колхоз усадьбаысь, кӧні враг дасьтысис дыр кежлӧ дорйысьӧм вылӧ. Босьтӧм позицияяс вылӧ мыджсьӧмӧн Сентюринлӧн батальоныс кутіс босьтӧм плацдармсӧ, танкъяс отсӧгӧн бӧрыньтӧдіс сизим немецкӧй контратака[5][4].

СССР-са Медвылыс Сӧвет Президиумлӧн 1943 во ӧшым тӧлысь 20-ӧд лунся Индӧдӧн «Днепр ю бура форсируйтӧмысь, Днепр юлӧн рытыввыв берегын плацдарм зумыда босьтӧмысь да та дырйи повтӧмлун да геройство петкӧдлӧмысь» гвардияса майор Владимир Иванович Сентюринлы сетӧма Сӧветскӧй Союзса Геройлысь ним Ленин орден да 3527 №-а «Зарни Кодзув» медаль сетӧмӧн[4].

Водзӧ тышкасис аслас полкын 2-ӧд Украинскӧй фронт вылын, участвуйтіс Нижнепровскӧй, Корсунь-Шевченковскӧй, Уманско-Ботошанскӧй наступайтана операцияясын. Лоис полкса командирӧс вежысьӧн. 1944 вося сора тӧлыссянь велӧдчис М. В. Фрунзе нима РККА-лӧн Военнӧй академия бердын курсъяс вылын, помаліс 1945 вося урасьӧм тӧлысьын.

1945 вося косму тӧлысьын гвардияса майор Сентюринӧс индӧмаӧсь 2-ӧд Украинскӧй фронтса 46-ӧд армияын 49-ӧд гвардейскӧй стрелкӧвӧй дивизияса 149-ӧд гвардейскӧй стрелкӧвӧй полкса командирӧн. Участвуйтіс Вена да Прага вылӧ настуйтана операцияясын.

Война помасьӧм бӧрын водзӧ служитіс. 1946 воын вуджӧдӧмаӧсь Сӧветскӧй армияысь СССР-са канму безопасносьт министерстволӧн да СССР-са пытшкӧсса делояс министерстволӧн пытшкӧсса вӧйскаӧ. 1947 вося йирым тӧлысьӧдз служитіс СССР-са пытшкӧсса делояс министерстволӧн конвой войскаяслӧн 50-ӧд дивизияса 399-ӧд полкса командирӧс вежысьӧн (дивизияыс видзис Коми АССР-ын объектъяс). 1947 вося йирым тӧлысь 1 лунсянь 1951 вося кӧч тӧлысь 3-ӧд лунӧдз уджаліс Инта карын (Коми АССР) пытшкӧсса делояс министерстволӧн конвой войскалӧн 50-ӧд дивизияса 399-ӧд полкса командирӧс вежысьӧн[3]. 1947 восянь велӧдчис, а 1951 воын помаліс СССР-са канму безопасносьт министерстволысь Военнӧй институт. 1947 воын пырис ВКП(б)-ӧ.

1951 вося арсянь служитіс СССР-са канму безопасносьт министерстволӧн 20-ӧд отделын Эстония ССР-ын, участвуйтіс «вӧрса вокъяс» националистическӧй формированиеяскӧд тышын. 1952 вося кӧч тӧлыссянь — Беларусь ССР-са пытшкӧсса делояс министерстволӧн конвой охранаса 4-ӧд отделса 48-ӧд отрядса командир, 1954 вося косму тӧлыссянь — СССР-са пытшкӧсса делояс министерстволӧн пытшкӧсса да конвой охранаса 12-ӧд отделса 22-ӧд Минскса отрядса командир, 1955 вося косму тӧлыссянь — Беларусь ССР-ын 12-ӧд отделса 70-ӧд отрядса командир, 1956 вося ӧшым тӧлыссянь 1959 вося кӧч тӧлысьӧдз служитіс СССР-са пытшкӧсса делояс министерстволӧн пытшкӧсса да конвой охранаса 10-ӧд Ташкентса отделса начальникӧн, генерал-майор (1958). Сэсся выльысь мӧдӧдӧма велӧдчыны.

1961 воын помаліс СССР-са Вооружённӧй вынъяслӧн Генеральнӧй штаблысь Военнӧй академия. 1961 вося кӧч тӧлыссянь — РСФСР-са пытшкӧсса делояс министерстволӧн Ленинградын да Ленинград обласьтын пытшкӧсса да конвой охраналӧн 13-ӧд отделса начальник. 1968 вося йирым тӧлыссянь — СССР пытшкӧсса делояс министерстволӧн пытшкӧсса войскаяслӧн главнӧй управлениеса начальникӧс медводдза вежысь, управлениеса начальникӧн сійӧ воясӧ вӧлі генерал-полковник И. К. Яковлев. 1979 вося лӧддза-номъя тӧлысьын генерал-лейтенант В. И. Сентюрин муніс запасӧ.

Оліс Москваын. Кувсис 1997 вося моз тӧлысь 5-ӧд лунӧ, дзебӧмаӧсь Москваса Троекуровскӧй шойнаын[4].

Наградаяс

• Сӧветскӧй Союзса Герой (1943.12.20);
• Ленин орден (1943.12.20);
• «Зарни Кодзув» медаль (1943.12.20);
• Айму вӧсна Ыджыд тышса I тшупӧда орден (1985.03.11);
• Гӧрд Дӧрапас орден (1942.12.23);
• кык Уджвывса Гӧрд Дӧрапас орден (1967.11.04);
• Гӧрд Кодзув орден (1943.04.12);
• медальяс[4].

Паметь

Беларусь Республикалӧн пытшкӧсса делӧяс кузя министрлӧн 1999.05.03 лунся 190-л/с №-а тшӧктӧдӧн Сӧветскӧй Союзса Герой генерал-лейтенант В. И. Сентюринӧс индӧма Беларусь Республикаса Военнӧй академиялӧн пытшкӧсса войска факультетса 1 курсса Почёта салдатӧн.

Пасйӧдъяс

  1. ↑ Некымын автор чайтӧм серти, тайӧ сорсьӧм, и збыльысь В. Сентюрин чужис Павлоград карын.
  2. ↑ Збыльысь 1918 вося тӧвшӧр тӧлысьын Павлодар вӧлі Алаш автономия кипод улын, найӧ эз примитны Сӧвет власьт и лыддисны асьсӧ Россия юкӧнӧн.
  3. ↑ 1 2 Репортаж 40. Наш Герой — гвардии майор пехоты Сентюрин Владимир Иванович
  4. ↑ 1 2 3 4 5 6 Сентюрин Владимир Иванович (рус.). Сайт «Герои страны».
  5. ↑ Наградной лист на присвоение В. И. Сентюрину звания Героя Советского Союза. // ОБД «Память народа».

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Сентюрин, Владимир Иванович // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко; ред. Г. В. Николенко, К. К. Чернышев. — Днепропетровск : Промiнь, 1983. — С. 427—429. — 567 с. — (Герои Советского Союза). — ББК 63.3(2Ук)722.78.
• Энциклопедия Криворожья : [укр.] : у 2 т. / Сост. В. Ф. Бухтияров. — Кривой Рог : Явва, 2005. — Т. 2. Л—Я. — 816 с. : ил., портр. — 2500 экз. — ISBN 966-96328-2-X (т. 2. Л—Я).
• Книга памяти Республики Коми. Т. 11 / составители В. М. Котельников, А. М. Калимова, А. А. Карпов. — Сыктывкар, 2013.
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Герои Отечества : cб. документ. очерков МВД России / М-во внутренних дел Рос. Федерации; [редкол.: Соловьев, Е. Б. и др.]. — М., 2004.
• Семенов, В. А. Жизнь и Победа. — СПб, 2015.
• Страна назвала их Героями. — М., 1983.
• Мошляк, И. Н. Вспомним мы пехоту. — М., 1978.

Ыстӧгъяс

Босьтӧма "https://kv.ruwiki.ru/w/index.php?title=Сентюрин_Владимир_Иванович&oldid=471624"-ысь