Сыктывкарса епархия
| Сыктывкарса епархия | |
|---|---|
.jpg) Степанлӧн вичко Сыктывкарын | |
| Страна |
 Россия |
| Вичко | Роч православнӧй вичко |
| Лӧсьӧдан кадпас | 1995.10.07 |
| Веськӧдлӧм | |
| Юркар | Сыктывкар |
| Кафедра вичко | Степанлӧн вичко |
| Иерарх |
Архиепископ Сыктывкарса да Коми-Зырана Питирим (Волочков) ( 1995.12.19 — 2025.06.24) |
| Статистика | |
| Благочинньӧ | 19 |
| Храмъяс | 156 |
| Манастыръяс | 6 |
| Площадь | 416 774 км² |
| Йӧз | 872 057 морт |
| syktyvkar.eparchia.ru | |
 Медиафайлы на РУВИКИ.Медиа | |
Сыктывкарса епархия (рочӧн Сыктывкарская епархия) — Коми Республикаса лунвылын Роч православнӧй вичколӧн епархия.
Кафедра кар — Сыктывкар. Кафедра вичко — Степанлӧн вичко.
История
Коми муын православнӧй эскӧмлы подувсӧ пуктіс вежа Перымса Степан ХІV нэмлӧн мӧд джынйын. Сійӧ лӧсьӧдіс комилы анбур, вуджӧдіс некымын зэв тӧдчана вичко служитан небӧг, заводитіс ассьыс бурсьылӧмсӧ 1376 воын Пырас (Котлас) сиктын Совдорсянь 20 верст сайын. 1383 воын Степанӧс вӧлі пуктӧма коми епископӧн, мыйӧн вӧлі котыртӧма Перымса епархия, шӧриныс вӧлі Емдінын[1].
XIX-ӧд — XX-ӧд нэм заводитчигӧн ӧнія епархиальнӧй шӧрин, Сыктывкар, шусьыліс Усть-Сысольскӧн да вӧлі Вӧлӧгда губерняса да епархияса ӧти нима уездлӧн шӧринӧн. Ӧнія Коми Республикалӧн войвыв районъясыс пырлісны Кардор губерняӧ да епархияӧ.
1917 во бӧрын заводитісны пӧдлавны-жуглавны вичкояс, вичко стрӧитӧм вӧлі дугӧдӧма, и 1941 вося ода-кора тӧлысь кежлӧ эз коль ни ӧти уджалысь вичко. Сӧмын Айму вӧсна Ыджыд тыш бӧрын вӧлі лэдзӧма восьтыны куим вичко.
1980-ӧд вояс помын заводитісны ловзьӧдны православнӧй приходъяс.
1995 вося йирым тӧлысь 7-ӧд лунӧ Роч Православнӧй вичколӧн Вежа Синодлӧн шуӧм серти вӧлі котыртӧма Коми Республикаын выль епархия да торйӧдӧма Кардорса епархияысь[1].
2016 вося косму тӧлысь 16-ӧд лунӧ Сыктывкарса епархияысь торйӧдӧма Вӧркутаса епархия[1].
Епископъяс
- Питирим (Волочков) (1995.12.19 — 2025.06.24).
Вичко кытшъяс
Епархия торйӧдӧма 19 вичко кытш вылӧ[2]:
• Сыктывкарса Шӧр благочинньӧ;
• Сыктывкарса Эжва благочинньӧ;
• Сыктывкарса Гӧрд Затон благочинньӧ;
• Сыктывдінса Войвыв благочинньӧ;
• Сыктывдінса Лунвыв благочинньӧ;
• Кӧрткерӧсса благочинньӧ;
• Кулӧмдінса Рытыввыв благочинньӧ;
• Кулӧмдінса Асыввыв благочинньӧ;
• Сыктывса благочинньӧ;
• Луздорса благочинньӧ;
• Койгортса благочинньӧ;
• Емдінса благочинньӧ;
• Княжпогостса благочинньӧ;
• Удораса благочинньӧ;
• Сосногорскса благочинньӧ;
• Укваса благочинньӧ;
• Укваса Юсайса благочинньӧ;
• Мылдінса благочинньӧ;
• Тюрьмаса благочинньӧ.
Манастыръяс
Сыктывкарса епархияын 6 манастыр[1]:
• Трӧича да Степан нима Уллянаса манастыр;
• Емдінса Михаил Архангеллӧн мужичӧй манастыр;
• Важкуръяса Рӧштво Вежа Богородича мужичӧй манастыр;
• Ыбса Серафимовскӧй ань манастыр;
• Волсяса Стефано-Афанасьевскӧй ань манастыр;
• Кывтываса Крестовоздвиженскӧй манастыр.
Пасйӧдъяс
- ↑ 1 2 3 4 Исторические сведения о Сыктывкарской и Воркутинской епархии (рус.). Сыктывкарская епархия. Шыӧдчан кадпас: 24.07.24.
- ↑ Церковные округа (рус.). Сыктывкарская епархия. Шыӧдчан кадпас: 24 сора тӧлысь 2025.
Ыстӧгъяс
- Сыктывкарса епархиялӧн официальнӧй сайт
- Сыктывкарса епархия Патриархия.Ru сайтын