Тимушев Георгий Фёдорович

Георгий Фёдорович Тимушев
Георгий Фёдорович Тимушев
Чужан лун	1922 вося кӧч тӧлысь 10-ӧд лун
Чужанін	Кулӧмдін районса Немдін сикт, РСФСР
Кулан лун	1997 вося косму тӧлысь 30-ӧд лун
Куланін	Москва
Канму	СССР
Войска сикас	инженернӧй войска
Служитан вояс	1941—1945
Звание
Тышъяс/вӧйнаяс	Айму вӧсна Ыджыд тыш

Видлалӧм гижӧд

Тимушев Георгий Фёдорович (1922 вося кӧч тӧлысь 10-ӧд лун, Кулӧмдін районса Немдін — 1997 вося косму тӧлысь 30-ӧд лун, Москва) — Айму вӧсна Ыджыд тыш вылӧ ветлысь, сапёр, Комиысь Сӧветскӧй Союзса Герой (1945), туялысь-физик^[1], физика наукаяс кандидат (1954)^[2].

Олантуй

Георгий Тимушев чужӧма Кулӧмдін районса Немдін сиктын 1922 вося кӧч тӧлысь 10-ӧд лунӧ. Батьыс вӧлӧма фельдшерӧн. 1939 воын Кулӧмдінса школаын 10 класс помалӧм бӧрын пырӧма велӧдчыны Коми канмуса педагогика институтлӧн физика-математика факультетӧ. 1941 воын помалӧма кык курс, моз тӧлысьсянь Гӧрд Армияын^[3].

Айму вӧсна Ыджыд тыш кадӧ

1941 воын помалӧма Кардорын военно-инженернӧй училишӧ. 1942 вося урасьӧм тӧлысьсянь фронт вылын. Тышкасьӧма Сталинград да Курск косьясын. Кокниа ранитӧмаӧсь Днепр вӧсна тышын^[4].

1944 вося моз тӧлысьын лейтенант Георгий Тимушев командуйтӧма 5-ӧд инженерно-сапёрнӧй бригадаса 106-ӧд №-а инженерно-сапёрнӧй батальонлӧн взводӧн, мый пырӧ 2-ӧд Украинаса фронтлӧн 6-ӧд танкӧвӧй армияӧ. Асьсӧ бура петкӧдлӧма Румыния дорйигӧн. 1944 вося моз тӧлысь 25-ӧд лунӧ Тимушевлӧн взводыс мырддьӧма вӧрӧглысь Сирет ю вомӧн кӧрт туй да шоссе посъяс (Текуч кар дорын) да видзӧма найӧс, кытчӧдз эз воны медшӧр вынъясыс^[4].

СССР-са Медвылыс Сӧвет Президиумлӧн 1945 вося рака тӧлысь 24-ӧд лунся Шуӧмӧн фронтын командованньӧлысь боевӧй заданньӧ бура вӧчӧмысь да повтӧмлун петкӧдлӧмысь лейтенант Георгий Тимушевлы сетӧма Сӧветскӧй Союзса Герой ним, Ленин орден да «Зарни Кодзув» медаль (8051 номера)^[4].

Мукӧд тышын нӧшта на кыкысь ранитчылӧма. Госпитальысь лэдзӧм бӧрын уволитӧмаӧсь армияысь.

Айму вӧсна Ыджыд тыш бӧрын

Олӧма Москваын. 1949 воын помалӧма Москва канму университетлысь физика факультет, а сэсся сэні жӧ аспирантура. Уджалӧма ядернӧй физика научно-исследовательскӧй институтын. Водзмӧстчӧма общественнӧй уджын.

Тимушевлӧн гуыс Троекуров шойнаын

1975 воын Тимушевлы вӧлі дӧверитӧма нуны бронетранспортер вылын Кремль стена дорын Тӧдтӧм салдатлӧн гу вылын Куслытӧм бисянь ӧзтӧм факелсӧ Мемориальнӧй обелиск дорӧ, мый вӧлі восьтӧма Москваса канму университет дорын 1975 вося ода-кора тӧлысь 6-ӧд лунӧ Вермӧмсянь 30 во тыригкежлӧ^[5].

Кулӧма 1997 вося косму тӧлысь 30-ӧд лунӧ. Гуалӧма Москваса Троекуров шойнаын (4 участок).

Наградаяс

• Сӧветскӧй Союзса Герой почёт ним (1945.03.24);
• Ленин орден (1945.03.24);
• «Зарни Кодзув» медаль (511 №) (1945.03.24);
• Гӧрд Кодзув орден;
• «Почёт пас» орден;
• Айму вӧсна Ыджыд тышса I тшупӧда орден.

Паметь

• Сыктывкарын сувтӧдӧма Коми пединститутын велӧдчӧм Сӧветскӧй Союзса Геройяслы казьтылан пӧв;
• Кулӧмдін районса Кулӧмдін сиктын сувтӧдӧма Сӧветскӧй Союзса Герой Г. Ф. Тимушевлы казьтылан пӧв;
• Кулӧмдін районса Немдін сиктын сувтӧдӧма Сӧветскӧй Союзса Герой Г. Ф. Тимушевлы казьтылан пӧв да сылысь нимсӧ сетӧма уличалы;
• «Бессмертный полк. Подвиг народа» циклысь «Сегодня его бы назвали Суперменом» фильм.

Пасйӧдъяс

↑ Книга памяти Республики Коми. Тимушев Георгий Фёдорович
↑ Александров А. Тимушев Георгий Фёдорович // Республика Коми. Энциклопедия. Том III. — Сыктывкар: Коми книжное издательство, 2000. — С. 149.
↑ Репортаж 38. Наш Герой — лейтенант инженерных войск Тимушев Георгий Фёдорович
↑ ¹ ² ³ Тимушев Георгий Фёдорович (рус.). Сайт «Герои страны».
↑ МОСКОВСКИЙ УНИВЕРСИТЕТ В ВЕЛИКОЙ ОТЕЧЕСТВЕННОЙ ВОЙНЕ, 2020, с. 180—181.

Литература

• «Герои страны» проектын Г. Ф. Тимушев йылысь
• Книга памяти. Республика Коми. Т. 6. С. 810.
• Книга памяти. Республика Коми. Т. 10. С. 80
• Герой Советского Союза Георгий Тимушев / Сост. Н. А. Лютоев, Н. А. Нефедова. Сыктывкар : [Коми республиканская типография], 2015. 142 с. : фото., портр.
• Тимушев С. Ф. Сöветскöй Союзса Герой Георгий Тимушев // Войвыв кодзув. 1949. № 2. С. 4-11.
• Терентьев А. Наши старшие друзья — герои // Молодёжь Севера. 1966. 5 окт.
• Георгий Фёдорович Тимушев // Живет в веках ваш подвиг благородный / Сост. Г. Ковалевская. Сыктывкар : Коми книжное изд-во, 1981. С. 29-30.
• Георгий Фёдорович Тимушев : Герой Советского Союза, лейтенант // Александров А. Н. Семнадцать золотых звезд. Сыктывкар : Коми кн.изд-во, 1984. С. 99-104.
• Бабин, В. Л. Эз копрась пуляяслы взводса командир // Ленин туйöд. 1989. Пер. загл.: Командир взвода не сгибался под пулями. — На коми яз.
• Бабин, В. Л. Подвиг оз чусмы // Ленин туйӧд. — 1989. Ноябр 25 лун. Пер. загл.: Подвиг не поблекнет. — На коми яз.
• Тимушева А. Н. : К 70-летию Великой Победы // Советский физик. 1998. № 5.
• Тимушева А. Сійö эз лыддьы асьсö геройöн // Коми му. 1998. Май 11 лун. Пер. загл. : Он не считал себя героем.
• Тимушева А. Для меня — просто дедушка // Республика. 1998. 21 мая. С. 6.
• Швилкин, Б. Герой под лавкой // Литературная газета. 2000. № 18
• Георгий Фёдорович Тимушев // Парма гор. 2007. Май 8 лун (53 №).
• Липина, Р. Б. Эжва йывлöн герой : Победалы 65 во // Парма гор. 2010. Март 27 лун (38 №).
• Яковлева, А. Пыр кежлö коляс сьöлöманым // Йöлöга . 2011. Май 6 лун.
• Пунегова, Н. Медся-медсяыс и вермö лоны Геройöн // Йöлöга. — 2020. Рака 27 лун [27 марта] (2 №). 46 л.б.
• Тимушев Георгий Фёдорович // Би кинь. — 2020. 3 №. 10 л.б. : фот.

[1] Книга памяти Республики Коми. Тимушев Георгий Фёдорович

[2] Александров А. Тимушев Георгий Фёдорович // Республика Коми. Энциклопедия. Том III. — Сыктывкар: Коми книжное издательство, 2000. — С. 149.

[3] Репортаж 38. Наш Герой — лейтенант инженерных войск Тимушев Георгий Фёдорович

[wh-4] ¹ ² ³ Тимушев Георгий Фёдорович (рус.). Сайт «Герои страны».

[_147feb859c786e90-5] МОСКОВСКИЙ УНИВЕРСИТЕТ В ВЕЛИКОЙ ОТЕЧЕСТВЕННОЙ ВОЙНЕ, 2020, с. 180—181.

[1]

[2]

[3]

[4]

[5]