Черепанов Сергей Михайлович
| Сергей Михайлович Черепанов | |||
|---|---|---|---|
 | |||
| Чужан лун | 1916-ӧд вося сора тӧлысь 16-ӧд лун | ||
| Чужанін | Пестово грезд, Югдін район, Вӧлӧгда губерня, Россия империя | ||
| Кулан лун | 1944-ӧд вося тӧвшӧр тӧлысь 24-ӧд лун (27 арӧс) | ||
| Куланін | Поддубье грезд, Новгородса район, Ленинград обласьт, РСФСР, СССР | ||
| Канму |
 СССР |
||
| Войска сикас | пехота | ||
| Служитан вояс | 1942—1944 | ||
| Звание | сержант | ||
| Часьт | 377-ӧд стрелкӧвӧй дивизияса 1249-ӧд стрелкӧвӧй полк | ||
| Командуйтіс | отделениеӧн | ||
| Тышъяс/вӧйнаяс | |||
| Наградаяс да премияяс |
|
||
Черепанов Сергей Михайлович (1916 вося сора тӧлысь 16-ӧд лун, Пестово грезд, Югдін район, Вӧлӧгда губерня — 1944 вося тӧвшӧр тӧлысь 24-ӧд лун, Поддубье грезд, Новгородса район, Ленинград обласьт, РСФСР) — Айму вӧсна Ыджыд тышын участвуйтысь, Ленинград фронтвывса 59-ӧд армиялӧн 377-ӧд стрелкӧвӧй дивизияса 1249-ӧд стрелкӧвӧй полкса отделениеса командир, сержант, Комиысь Сӧветскӧй Союзса Герой (1944)[1][2].
Олантуй
Сергей Черепанов чужис Вӧлӧгда губерняын Югдін районса Пестово грездын 1916 вося сора тӧлысь 16-ӧд лунӧ роч кресьтянин семьяын[3] .
1931 воын СНК-лӧн да ЦИК-лӧн 1930 во урасьӧм тӧлысь 1 лунся Шуӧм серти кулакӧн индӧм вӧсна вӧлі ыстӧма Коми АССР-ын Чилимдін районса Новый Бор спецпосёлокӧ[3][4]. Уджаліс вый вӧчысьӧн. 1935 воын помаліс механизаторъяслысь курсъяс. 1936 воын уджалӧма вӧр кылӧдчанінын, стрӧитчанінын. 1937 восянь — Новый Бор спецпосёлокса комендатураын делопроизводитель, 1939 восянь — комендатураса инспектор, 1941 восянь — ломтас складӧн заведуйтысь[4].
Айму вӧсна Ыджыд тыш кадӧ
Гӧрд Армияын 1942 вося сора тӧлыссянь. 1943 вося тӧвшӧр тӧлыссянь Айму вӧсна Ыджыд тыш вылын. Тышкасис Волховса да Ленинградса фронтъяс вылын.
1249-ӧд стрелкӧвӧй полкын отделениеса командир сержант Сергей Черепанов Ленинградлысь блокада орӧдігӧн 1944 вося тӧвшӧр тӧлысь 24-ӧд лунӧ отделениекӧд медводдзаӧн пырис Новгород обласьтса Новгород районса Поддубье сиктӧ да гранатаӧн бырӧдіс прӧтивниклысь пулемётсӧ. Вӧлі ранитчӧма морӧсас, но эз эновт тышсӧ. Фашистъяслӧн некымын контратака бӧрын сержант Сергей Черепанов коли ӧтнас, а сылысь ёртъяссӧ вӧлі виӧма. Автоматысь биӧн сійӧ водзӧ бырӧдіс вӧрӧгъясӧс, кодъяс наступайтісны быд боксянь. Кор помасисны патронъяс, медбӧръя гранатанас взорвитіс асьсӧ да сійӧс кытшалысь гитлеровецъясӧс. Дзебӧмаӧсь Село-Гора грездын (Новогородскӧй областьса Новгородскӧй район) ӧтувъя гуын[5].
СССР-са Медвылыс Сӧвет Президиумлӧн 1944 во йирым тӧлысь 5-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» сержант Сергей Михайлович Черепановлы кувсьӧм бӧрас сетӧма Сӧветскӧй Союзса Герой ним.
Наградаяс
• Сӧветскӧй Союзса Герой ним (1944.10.05);
• Ленин орден (1944.10.05).
Паметь
• 1944 вося урасьӧм тӧлысь 5-ӧд лунӧ 377-ӧд стрелкӧвӧй дивизиялӧн приказӧн сержант Черепановӧс нэм кежлас пыртӧма 1249-ӧд стрелкӧвӧй полкса разведка взводлӧн лыддьӧгӧ[4];
• Новый Бор посёлокын Сӧветскӧй Союзса Герой С. М. Черепанов ним кузя сувтӧдӧма бюст да мемориальнӧй пӧв, сылысь нимсӧ новлӧны улича да школа.
• Югдінын Слава монумент дорын ӧти пилон вылӧ серпасалӧма С. М. Черепановлысь ним[4];
• Сыктывкарын сетӧма сылысь нимсӧ Сьӧдкыркӧтшса уличалы;
• «Сӧветскӧй Союзса Герой Черепановлӧн портрет» — 1963 воын гипсысь вӧчӧм скульптура-бюст. Авторыс — скульптор Юрий Борисов;
• «Юрган» телеканаллӧн «Герои. История подвига. Сергей Черепанов» фильм.
Пасйӧдъяс
- ↑ Книга памяти Республики Коми. Черепанов Сергей Михайлович
- ↑ Александров А. Черепанов Сергей Михайлович // Республика Коми. Энциклопедия. Том III. — Сыктывкар: Коми книжное издательство, 2000. — С. 279.
- ↑ 1 2 Черепанов Сергей Михайлович. Списки жертв. Жертвы политического террора в СССР. Шыӧдчан кадпас: 16 йирым тӧлысь 2015.
- ↑ 1 2 3 4 Чебыкина Г. Герой Советского Союза Сергей Черепанов. Россия кланяется им. Герои войны из Великого Устюга. Гледенградъ (7 ода-кора тӧлысь 2010). Шыӧдчан кадпас: 16 йирым тӧлысь 2015. Архивируйтӧма 11 косму тӧлысь 2014.
- ↑ Герой Репортажа № 44 — сержант пехоты Черепанов Сергей Михайлович
Литература
• «Герои страны» проектын С. М. Черепанов йылысь
• Герои Советского Союза: крат. биогр. слов. Т.2. — Москва, 1988.
• Книга памяти Республики Коми. Т.8 / составители В. М. Котельников, А. М. Калимова. — Сыктывкар, 1999.
• Книга памяти Республики Коми. Т. 10 / составители В. М. Котельников, А. М. Калимова, А. А. Карпов. — Сыктывкар, 2004.
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Сердца и звезды. 2-е изд., доп. — Сыктывкар, 1971.
• Фарутин, Н. С. Продолжение подвига. — Вологда, 2004.
• Фотолетопись Республики Коми. Книга первая. 1921—1970 годы. — Сыктывкар, 2011.
• Александров, А. Н. Семнадцать золотых звезд. — Сыктывкар, 1984.
• Александров, А. Н. Звезды отважных. Наши земляки — Герои Советского Союза и полные кавалеры ордена Славы. — Сыктывкар, 1991.
• Буров, А. В. Твои Герои, Ленинград. 2-е изд., доп. — Л., 1970.
• Натыкин, В. Помните их имена. Заметки о Героях Советского Союза, удостоенных этого высокого звания в боях против фашист. захватчиков на Новгородской земле // [Предисл. И. Н. Вязинина] — Новгород, 1981.
• Герои Вологодчины : энцикл. словарь биографий. — Вологда, 2015.
• Освобождение Новгорода. 25 лет / составители П. Лукницкий, В. Харькова. — М., 1969.