Черкасов Алексей Иванович

Алексей Иванович Черкасов
Алексей Иванович Черкасов
Чужан лун	1914-ӧд вося рака тӧлысь 13-ӧд лун
Чужанін	Москва, Россияса империя[d];
Кулан лун	1980-ӧд вося моз тӧлысь 7-ӧд лун (66 арӧс)
Куланін	Луганск обласьт[d], Украина ССР[d], Сӧветскӧй Социалистическӧй Республикаяслӧн Союз;
Канму	СССР
Войска сикас	инженернӧй вӧйска
Служитан вояс	1942—1945
Звание
Тышъяс/вӧйнаяс	Айму вӧсна Ыджыд тыш

Черкасов Алексей Иванович (1914 вося рака тӧлысь 13-ӧд лун, Москва — 1980 вося моз тӧлысь 7-ӧд лун, Горскӧй кар) — Гӧрд Армияса старшӧй сержант, Айму вӧсна Ыджыд тышын участвуйтысь, Сӧветскӧй Союзса Герой (1944)^[1].

Олантуй

Чужӧма 1914 вося рака тӧлысь 13-ӧд лунӧ Москва карын уджалысьяс семьяын, быдмӧма детдомын. Помалӧма фабрично-заводскӧй училище да уджалӧма токарӧн.

Войнаӧдз комсомольскӧй путёвка серти воис Коми АССР-ӧ стрӧитны Северо-Печорскӧй кӧрт туй магистраль. Уджаліс Кӧжва кӧрт туй станцияса туйвывса рабочӧйӧн. 1942 воын Кожваса райвоенкомат (ӧні Печора карса) босьтіс Гӧрд Армияӧ^[2].

Черкасов А.И. лоис военнӧй сапёрӧн. Айму вӧсна Ыджыд тыш дырйи 1943 вося урасьӧм тӧлыссянь стрӧитіс вуджанінъяс, весаліс миннӧй полеясті мунан туйяс танкъяслы, артиллериялы, пехоталы Воронеж дорын, Курскӧй битваын, Украина вӧсна тышъясын, Венгрияын, Румынияын, Чехословакияын, Австрияын ^[3].

392-ӧд сапёрнӧй батальонса отделениеӧн командуйтігӧн (232-ӧд стрелкӧвӧй дивизия, Воронежскӧй фронт), старшӧй сержант Черкасов петкӧдліс асьсӧ геройӧн Вышгород районын (Киев обласьт) Днепр форсируйтігӧн. Сійӧ медводдзаяс лыдын 1943 вося йирым тӧлысь заводитчигӧн войнас противник би улын пыжӧн вуджӧдіс ассьыс отделениесӧ Днепр вомӧн да крепыда сувтіс ю веськыд берегӧ. Ас вылас враглысь бисӧ вештӧмӧн отсаліс бура заводитны форсируйтны юсӧ. Повтӧг действуйтіс ю вуджанінын, ӧдйӧ ремонтируйтіс нплавсредствояс.

«Гӧрд Армияса генералъяслы, офицеръяслы, сержантъяслы да рядӧвӧйяслы Сӧветскӧй Союзса Герой ним сетӧм йылысь» СССР-са Верховнӧй Сӧвет Президиумлӧн 1944 во тӧвшӧр тӧлысь 10-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да геройство петкӧдлӧмысь» старшӧй сержант А. И. Черкасовлы сетӧма Сӧветскӧй Союзса Герой ним Ленин орден да 4462 №-а «Зарни Кодзув» медаль сетӧмӧн^[4]^[3].

1945 воын демобилизуйтчӧм бӧрын оліс Горскӧй (Донбасс) шахтёръяслӧн карын. Уджаліс из шом перъян шахтаясын, веськӧдліс шахтёръяслӧн бригадаӧн.

Кувсис 1980 вося моз тӧлысь 7-ӧд лунӧ Горскӧй карын.

Наградаяс

• Сӧветскӧй Союзса Герой почёт ним;
• Ленин орден;
• «Зарни Кодзув» медаль;
• Уджвывса Гӧрд Дӧрапас орден;
• Айму вӧсна Ыджыд тышса I тшупӧда орден.

Ыстӧгъяс

↑ Книга памяти Республики Коми. Черкасов Алексей Иванович
↑ Александров А. Черкасов Алексей Иванович // Республика Коми. Энциклопедия. Том III. — Сыктывкар: Коми книжное издательство, 2000. — С. 279.
↑ ¹ ² Черкасов Алексей Иванович (рус.). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 тӧвшӧр тӧлысь (№ 3 (263)). — С. 1.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[1] Книга памяти Республики Коми. Черкасов Алексей Иванович

[2] Александров А. Черкасов Алексей Иванович // Республика Коми. Энциклопедия. Том III. — Сыктывкар: Коми книжное издательство, 2000. — С. 279.

[wh-3] ¹ ² Черкасов Алексей Иванович (рус.). Сайт «Герои страны».

[4] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 тӧвшӧр тӧлысь (№ 3 (263)). — С. 1.

[1]

[2]

[3]

[4]