Аддзысьлӧмъяс (котыр)
| Аддзысьлӧмъяс | |
|---|---|
 | |
| Медшӧр юӧр | |
| Жанръяс | коми йӧзкостса сьыланкывъяс, фольклор, этнография, этно |
| Вояс | 1963 — ӧ. к. |
| Страна |
 Россия |
| Ин | Изьва районса Вертеп сикт |
| Кыв | коми кыв, роч кыв |
Аддзысьлӧмъяс (изьва ногӧн Аддзысьлэмъяс, рочӧн Встречи) — Вертеп сиктса культура керкалӧн художественнӧй самодеятельносьт котыр. Лӧсьӧдӧма 1963 воын[1].
История
Котырыс заводитіс ассьыс уджсӧ 1963 воын, кор сиктӧ воис том баянист Георгий Аркадьевич Родионов. 45 во чӧж сійӧ вӧлі коллективлӧн вежсьывтӧм аккомпаниаторӧн[2].
Котырӧ пырысьяс 1971 воын пуктісны сцена вылӧ коми кӧлысь обряд. Тайӧ постановканас коллектив ветліс Изьва районса уна сикт-грездӧ. Сійӧ жӧ воас тайӧ постановкасьыс Коми АССР-лы 50 во тырӧмлы сиӧм художественнӧй самодеятельностьлӧн Коми Республикаса смотрын сійӧ пӧлучитіс 1 тшупӧда диплом.
30 во мысти, 2001 воын, видзӧдысьяс бара на аддзылісны коми кӧлысьсӧ, сэки нин йӧзкостса традицияяслӧн Вертепса керкалӧн сцена вылын. Мойвиис кыскыны коллективӧ вӧвлӧм участникъясӧс, ветеранъясӧс, а сідзжӧ петкӧдлісны ассьыныс сямсӧ том, водзмӧстчысь артистъяс.
1990-ӧд воясӧ Вертеп клубса директор Маргарита Павловна Каневалӧн юрнуӧдӧм улын котырыслы сетісны «Аддзысьлӧмъяс» ним.
1991 воын коллектив пырӧдчис Сыктывкарса «Шондібан» республикаса гажӧ.
Фольклор котыр пырӧдчӧ районса да сиктса мероприятиеясӧ.
Коллективӧ пырӧдчысьяс
Фольклор котырса ветеранъяс (унаӧн на пиысь кувсисны нин): Канева Маргарита Павловна, Родионов Георгий Аркадьевич, Чупрова Ольга Михайловна, Сметанина Екатерина Серафимовна, Филиппова Афанасия Васильевна, Канева Галина Фёдоровна, Канева Надежда Робертовна, Терентьева Людмила Лукична, Рочев Борис Борисович, Рочева Роза Николаевна, Чупрова Юлия Михайловна, Рочева Тамара Андреевна да мукӧд.
Ӧні фольклор котырӧ пырӧдчӧны томъяс.