Артеев Сергей Вячеславович
| Артеев Сергей Вячеславович | |
|---|---|
 | |
|
| |
| 2025 — 2030 | |
| 2020 — 2025 | |
| 2015 — 2020 | |
| 2011 — 2015 | |
|
|
|
| Чужис |
1978-ӧд вося косму тӧлысь 7-ӧд лун (48 арӧс) |
Артеев Сергей Вячеславович (1978-ӧд вося косму тӧлысь 7-ӧд лун, Щельяюр, Коми АССР) — Коми Республикаса Каналан Сӧветса депутат, Коми Республикаса Каналан Сӧветса председательӧс вежысь[1].
Олантуй
• Чужис 1978 вося косму тӧлысь 7-ӧд лунӧ Коми АССР-ын Изьва районса Шелляюр посёлокын.
• 2000 воын помаліс Коми канмуса педагогика институт «Физика да информатика велӧдысь» специальносьт серти[2].
• 2014 воын помаліс Г. В. Плеханов нима Российскӧй экономика университет «Менеджмент» серти.
Удж
• 2000—2001 вояс — «Северная Русь» ичӧт кывкутана котырса коммерческӧй директорӧс вежысь (Сыктывкар);
• 2001—2003 вояс — «Ассорти» ПАК-ын сӧвмӧдан юкӧнса начальник (Сыктывкар);
• 2003—2014 вояс — асшӧр уджалысь (Сыктывкар);
• 2014 вося ӧшым тӧлысь—2015 вося кӧч тӧлысь — Коми Республикалӧн V созывса Каналан Сӧветса вӧр-ва озырлун, вӧр-ваӧн вӧдитчӧм да экология комитетӧн веськӧдлысь;
• 2016—2018 вося рака тӧлысь — асшӧр уджалысь Е. А. Артеева, директорӧс вежысь (Сыктывкар);
• 2018 вося рака тӧлысь—2020 во — Коми Республикалӧн VI созывса Каналан Сӧветса социальнӧй политика комитетӧн веськӧдлысь;
• 2020 вося кӧч тӧлысь 24-ӧд лунӧ бӧрйисны Коми Республикалӧн Каналан Сӧветса Веськӧдлысьӧс вежысьӧн[1].
Бӧрйӧм органъяслӧн уджын участвуйтӧм
• 2011 — 2020 вояс — Коми Республикалӧн V, VI созывса Каналан Сӧветса депутат, «Единая Россия» фракцияӧн юрнуӧдысь[3][1].
• 2025 вося кӧч тӧлысь 29-ӧд лунӧ бӧрйисны Коми Республикаса Каналан Сӧветса веськӧдлысьӧс вежысьӧн да «Единая Россия» фракцияӧн юрнуӧдысьӧн[4].
Общественнӧй удж
• Сыктывкарса 25 №-а шӧр школалӧн да «Пӧрысьяслы да вермытӧмъяслы Тентюковса республиканскӧй керка-интернатлӧн» попечительскӧй сӧветӧ пырысь (2011 восянь ӧнія кадӧдз);
• «Деловая Россия» ставроссияса ӧтйӧза организациялӧн Коми Республикаса дінму юкӧнлӧн Сӧветӧн веськӧдлысь (2012 восянь ӧнія кадӧдз);
• «Единая Россия» ютырлӧн Коми дінму юкӧнса политсӧвет президиумӧ пырысь, ютырлӧн Сыктывкарса меставывса юкӧнса секретар (2011 восянь), «Единая Россия» ютырлӧн КРЮ-са секретарӧс вежысь (2012 восянь). 2013—2014 воясӧ вӧлі «Единая Россия» ютырлӧн регионса олӧмӧ пӧртысь юкӧнӧн юрнуӧдысьӧн;
• «Коймӧд арлыд» активнӧй кузь нэм сӧвмӧдан дінму шӧрин проектлӧн автор[5].
Наградаяс
• «Коми Республикалы 90 во» казьтылан пас (2011);
• Коми Республикаса Юралысьлӧн аттьӧалана гижӧд (2014);
• Коми Республикаса Каналан Сӧветлӧн аттьӧалана гижӧд (2015);
• Коми Республикаса Каналан Сӧветлӧн Почёт грамота (2018).
Пасйӧдъяс
- ↑ 1 2 3 Информация о депутате Государственного Совета. Артеев Сергей Вячеславович (рус.). ГС РК. Шыӧдчан кадпас: 10 кӧч тӧлысь 2025.
- ↑ Кто есть кто. Артеев Сергей Вячеславович (рус.). Комионлайн. Шыӧдчан кадпас: 10 кӧч тӧлысь 2025.
- ↑ Лица партии. Артеев Сергей Вячеславович (рус.). Единая Россия. Шыӧдчан кадпас: 10 кӧч тӧлысь 2025.
- ↑ Как распределились должности в новом составе Государственного совета Коми (рус.). БНКоми (29 кӧч тӧлысь 2025). Шыӧдчан кадпас: 30 кӧч тӧлысь 2025.
- ↑ Сергей Артеев: «Мы создаем проект для тех, кто ищет перемены» (рус.). БНКоми (28 ода-кора тӧлысь 2018). Шыӧдчан кадпас: 10 кӧч тӧлысь 2025.