Артеев
Артеев — Комиын тшӧкыда паныдасьлысь ов. Роч ов.
Этимология
Тайӧ овыс артмӧма Артемий мужичӧй нимсянь, сійӧ воис Россияӧ христианствокӧд тшӧтш Важ Грецияысь, кӧні сылӧн вежӧртасыс «дзоньвидза». Рочьяслӧн быд лунъя вӧдитчӧмын медсясӧ вӧлі Артём нима дженьыд форма. Артей, Артяй, Артём, Артюга, Артюха да Артюша - тайӧ нимлӧн артмӧм формаяс. На пиысь быдӧнлӧн ичӧтджык формаясысь артмисны Артеев, Артюхов, Артюшин овъяс[1].
Артемий Комиын ёнджыка тӧдса Ӧртя ним формаын. Но колӧ тӧд вылӧ босьтны и со мый.Кодкӧ Артеевъяс пиысь вермис лоны яран рӧдысь: налӧн эм Ардеев ов[2]. Тайӧ тӧдчӧ и со мый серти: кызьӧд нэм заводитчигӧн на Артеевъяс пӧвстын вӧлӧмаӧсь татшӧм чукӧръяс — Тябай, Хархо. Нимъясыс, тыдалӧ, абу комияс [3].
История
Комиын Артеевъяс лоӧмаӧсь Изьва районын: 1721 воын — 5 семья, 1795 воын — 30 семья, 1816 воын — 40 семья, 1859 воын — 39 семья [2].
Нималана йӧз
• Артеев Пик Герасимович (1937—1987) — коми гижысь, кӧр видзысь да спортсмен.
• Артеева Агафья Тимофеевна (1918—1996) — нималана коми вӧралысь, Ленин орден новлӧдлысь.
• Артеев Григорий Митрофанович (1907 вося вӧльгым тӧлысь 30-ӧд лун, Мокчой вӧлӧсьтса (ӧні — Коми Республикаса Изьва район) Варыш грезд — 1972 вося урасьӧм тӧлысь 26-ӧд лунӧ Сыктывкар) — сӧвет кадся видз-му овмӧсын уджалысь да канморт[4].
• Артеев Иван Николаевич (1977 вося рака тӧлысь 24-ӧд лун, Коми Республикаын Изьва районса Діюр сикт ) — россияса спортсмен, войтыркостса тшупӧда спорт мастер, 2006 вося Туринын Олимпиада да 2009 вося Либерецын лызьӧн котралан спорт сикасъяс кузя мирса чемпионат вылын лызьӧн ордйысьӧм кузя Россияса сборнӧй командаӧ пырысь[5].
• Артеев Сергей Вячеславович (1978) — Коми Республикаса Каналан Сӧветса депутат.
Ыстӧгъяс
- ↑ Словарь русских фамилий
- ↑ 1 2 Плесовский Ф. В. Комиын овъяс. — Сыктывкар: РИПКРО МО РК, 1997. — 139 с.
- ↑ Соловьёв В.В. Семейнородственные группы у коми // Проблемы этногенеза народа коми. — Сыктывкар, 1985. — С. 130.
- ↑ Твои люди, Ижма. Артеев Григорий Митрофанович
- ↑ Спортсмены Республики Коми. Артеев Иван Николаевич
|
Кывлӧн либӧ кывтэчаслӧн вежӧртасъяс лыддьӧг лӧсялана статьяяс вылӧ ыстӧгӧн. Ті кӧ сюринныд татчӧ Рувики проектын мӧд статьяысь, корам бергӧдчыны и стӧчмӧдны ыстӧгсӧ, медым сійӧ вайӧдіс колана статьяӧ. Тайӧ лист бокын вайӧдӧма: |
 |
Ӧткодь ова йӧз йылысь статьяяс лыддьӧг. |
 |
Мӧд вежӧртасъяс. Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Артеевсянь». |
|
Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Артеевсянь». |