Бабин Вячеслав Леонидович
| Вячеслав Бабин | |
|---|---|
 | |
| Чужан лун | 1960-ӧд вося моз тӧлысь 21-ӧд лун |
| Чужанін | |
| Кулан лун | 2022-ӧд вося лӧддза-номъя тӧлысь 22-ӧд лун (61 ар) |
| Куланін | |
| Гражданство (подданство) | |
| Уджсикас | Коми гижысь, поэт, журналист |
| Гижан кыв | Коми кыв |
Бабин Вячеслав Леонидович (1960-ӧд вося моз тӧлысь 21-ӧд лун, Немдін, Коми АССР — 2022-ӧд вося лӧддза-номъя тӧлысь 22-ӧд лун, Кулӧмдін, Коми Республика) — коми гижысь, журналист. Россияса гижысь котырӧ пырысь (1994).
Олантуй
Вячеслав Бабин чужӧма 1960-ӧд вося моз тӧлысь 21-ӧд лунӧ Кулӧмдін районса Немдін сиктын. 1978-ӧд воын помалӧма Немдінса шӧр школа, уджалма сиктса механизаторӧн. Сэсся кочегаритӧма да ӧттшӧтш директоралӧма Культура керкаын. 1979-ӧд восянь уджалӧма «Ленин туйӧд» газетын[1].
1987—1988-ӧд воясын уджалӧма чери видзан службаын, сэсся — бара районса газетын, дасьтӧма радиопередачаяс[1].
1988—1993-ӧд воясын велӧдчӧма А. М. Горький нима литературнӧй институтын, дорйӧма «Вуджӧр» кипомысь гижӧм небӧг серти диплом[1].
1994-ӧд восянь — «Парма гор» газетын кывкутысь секретар, веськӧдлма «Эжва» литклубӧн[1].
Кулӧма 2022-ӧд вося лӧддза-номъя тӧлысь 26-ӧд лунӧ. Гуалӧма 28-ӧд лунӧ Кулӧмдін районса Немдін сикт шойнаын[1].
Гижан удж
Кывбуръяссӧ да висьтъяссӧ йӧзӧдлӧма «Ленин туйӧд» газетын. «Войвыв кодзув» журналын медводдза кывбуръясыс петавлӧмась 1979-ӧд воын. 1994-ӧд воын ветлӧма том авторъяслӧн медводдза ставроссияса совещание вылӧ. Сэксянь жӧ вӧлі пыртӧма Россияса гижысь котырӧ.
Йӧзӧдӧма нёль небӧг: «Сьӧлӧмшӧр» (1989), «Ӧктӧ Коля коляоз» (1993), «Вуджӧр» (1995), «Вӧрса качай» (2003), «Вына зэр» (2021), "Помся шуд аслам Войвывлы вӧзъя! (2021)[2].
2021-ӧд воын Вячеслав Бабинлӧн «Помся шуд аслам Войвывлы вӧзъя!» небӧг, коді артмӧ челядьлы кык небӧгысь — «Ӧшиньын бобув» да «Мыджӧд», шуӧма Коми Республикаын медбур небӧгӧн «Небӧг-билингва» нимпасын.
Россияса журналист котырӧ пырысь.
Небӧгъяс
Бабин В. Л. Сьӧлӧмшӧр: кывбуръяс [«Ордым» ӧктӧдысь]. — Сыктывкар: Коми кн. изд-во, 1989. — 32 л.б.
• Бабин В. Л. ӧктӧ Коля Коляоз: кывбуръяс. — Сыктывкар: Коми кн. изд-во, 1993. — 16 л.б.
• Бабин В. Л. Вуджӧр: Кывбуръяс / Ред. А. В. Тентюков; Серпасаліс В. А. Моторин. — Сыктывкар: Коми кн. изд-во, 1995. — 48 л.б.
• Бабин В. Л. Вӧрса качай: кывбуръяс. — Сыктывкар: Коми небӧг лэдзанін, 2003. — 64 л.б.
• Бабин В. Л. Коми попугайяс. — Сыктывкар: Титул, 2018. — 15 л.б.
• Бабин В. Л. Вына зэв: Кывбуръяс / Ред. А. В. Попов; Серпасаліс А. А. Попова. — Сыктывкар: «Эском» изд-во, 2021. — 64 л.б.
• Бабин В. Л. Помся шуд аслам Войвывлы вӧзъя! 2021.
Наградаяс
«Книга-билингва» нимпасын вося медбур небӧгысь Альберт Ванеев нима муниципальнӧй литературнӧй премияа лауреат[3].
Пасйӧдъяс
- ↑ 1 2 3 4 5 Бабин Вячеслав Леонидович (рус.). НБРК. Шыӧдчан кадпас: 3 йирым тӧлысь 2025.
- ↑ Горинова Н. Вячеслав Леонидович Бабин // Писатели Коми: биобиблиогр. слов. Т. 1. — Сыктывкар, 2017. — С. 58—61.
- ↑ В Удорском районе начался праздник «Коми книга». Правительство Республики Коми. Шыӧдчан кадпас: 3 йирым тӧлысь 2025.
Литература
• Коми гижысь котыр сайтын В. Л. Бабин йылысь
• Лодыгин В. Кӧть мӧдысь на лыддян // Коми му, 1994, 2 апр.
• Бараненко Е. «Гажтӧм овны черань везъя олӧмӧн…» // Коми му, 1998, 4 авг.
• Вячеслав Леонидович Бабин : биобиблиографический указатель / МБУК «Усть-Куломская межпоселенческая библиотека»; составители: Л. И. Уляшева, Н. А. Чаланова; редактор Л. Е. Липина. — Сыктывкар : Коми республиканская типография, 2021. — 259 с.