Братенков Николай Терентьевич
| Братенков Николай Терентьевич | |
|---|---|
|
| |
| 2020 — 2025 | |
| 1995 — 1999 | |
|
|
|
| Чужис |
1949-ӧд вося ӧшым тӧлысь 27-ӧд лун (76 арӧс) |
| Образование | Ленинградса Вылыс партийнӧй школа (1987) |
Братенков Николай Терентьевич (1949 вося ӧшым тӧлысь 27-ӧд лун, Коми АССР-са Изьва районса Изьва сикт) - Коми Республикаса Каналан Сӧветса депутат[1].
Олантуй
Чужис 1949 вося ӧшым тӧлысь 27-ӧд лунӧ Коми АССР-са Изьва районса Изьва сиктын.
Помаліс Мокчойса шӧр школа. Велӧдчис Коми канму педагогика институтын, 1971 воын помаліс «Шӧр школаса физика велӧдысь» специальносьт.
1987 воын помаліс Ленинградса Вылыс партийнӧй школа[2].
Удж
• 1971-1972 вояс — Кипъёваса шӧр школаын физика велӧдысь;
• 1972-1973 вояс — армияын служба;
• 1973-1983 вояс — физика велӧдысь, внекласснӧй удж котыртысь, Кипъёваса шӧр школаса директор;
• 1983-1984 вояс — КПСС Изьва райкомлӧн пропаганда да агитация отделын инструктор;
• 1984-1985 вояс — КПСС Изьва райкомлӧн пропаганда да агитация отделын веськӧдлысь инструктор;
• 1985-1987 воясын велӧдчис Ленинградса Вылыс партийнӧй школаын;
• 1987-1989 вояс — КПСС-лӧн Изьва райкомлӧн организационнӧй отделса инструктор;
• 1989-1993 вояс — Изьва районса вӧр-ва видзан комитетӧн веськӧдлысь;
• 1993-1999 вояс — Изьва районса администрацияӧн веськӧдлысь;
• 1999-2003 вояс — Изьваса туй дзоньталан да стрӧитчан управлениеса начальник (Изьва районса Изьва сикт);
• 2003-2007 вояс — «Изьва район» муниципальнӧй юкӧнса администрацияӧн веськӧдлысь[3].
Бӧрйӧм органъяслӧн уджын участвуйтӧм
• 1986-1990 вояс — Коми АССР-са Изьва район Сӧветса депутат;
• 1990-1995 вояс — Коми АССР-са Медвылыс Сӧветлӧн ХII-ӧд созывса депутат;
• 1995-1999 вояс — Коми Республикаса Каналан Сӧветлӧн I созывса депутат;
• 2015-2018 вояс — «Изьва район» муниципальнӧй юкӧнлӧн Сӧветса депутат;
• 2020-2025 вояс — Коми Республикаса Каналан Сӧветлӧн VII созывса депутат.
Общественнӧй удж
• Печораӧс мездан комитетӧн медводдза веськӧдлысь (1989-1991).
• «Изьватас» ӧтмунӧмса веськӧдлысьӧс вежысь (2014-2018), делегат.
• «Коми войтыр» ӧтмунӧмса делегат.
Наградаяс
• Кипъёваса шӧр школалӧн почёт грамота (1975);
• Кипъёва сиктсӧветлӧн почёт грамота (1976);.
• Коми АССР-са меставывса промышленносьт министерстволӧн почёт грамота (1977);
• Коми Республикаса Почёт грамота (1998);
• "Коми Республикаса нимӧдана уджалысь" почёт ним (2004);
• Коми Республикаса йӧзӧс велӧдан да вылыс тӧдӧмлунъяс министерстволӧн почёт грамота (2006).