Букур (Изьва район)
| Сикт | |
| Букур | |
|---|---|
| 65°02′29″ с. ш. 53°51′04″ в. д.GЯO | |
| Страна | Россия |
| Федерацияса субъект | Коми Республика |
| Муниципальнӧй район | Изьва |
| Сикт овмӧдчӧмин | Сизяб |
| История да география | |
| Джуджда | 38 м |
| Йӧз | |
| Олысь лыд | |
| Лыдпаса идентификаторъяс | |
| 169463 | |
| ОКАТО код | 87204890002 |
| ОКТМО код | 87604490106 |
|
|
|
.svg)
Букур (рочӧн Бакур ) — Коми Республикаса Изьва районын Сизяб сикт овмӧдчӧминӧ пырысь грезд.
Ним артмӧм
Нимлöн эм кык этимология:öти-кö, важöн сикт местаас вöлöма яг, кöні лэбалöма уна сюзь, налöн буксöмыс («бу-у-у») кылöма весиг Изьваöдз; мöд-кö, медводдза олысьыс повзьöдлывлöма сы керка дорö локтысь ошъяссö буксанöн (сюмöдысь вöчöм дудка), да сійöс нимтöмаöсь Букурöн. Тадзи жӧ чайтӧ А. Туркин: нимыс йитчӧма медводдщза олысьлӧн нимтысян нимӧн - Бакур (коми бакур «сюмöдысь вöчöм дудка, мыйӧн повзьӧдлӧны ошкӧс»)[2].
География
Букур пукалӧ Изьва юлӧн шуйга вадӧрын, Изьва юрсиктлы паныдамоз.
Орчча оланінъяс
Букурсянь войвылас пукалӧ Брыка грезд, а сы сайын овмӧдчӧминса шӧрсикт — Сизяб. Рытвылас пукалӧ Варыш грезд, а лунвылас, вӧр сайын — Ёль грезд.
Юкӧнъяс
Важöнджык Букурыс сулалöма ёна вылынджык öнія местасьыс, ягланьыс и шусьöма «Важ оланін». Букур сикт торъялö аслас иннас, сы серти кöнi артмöмаöсь торъя грездъяс:
а) Вылыс Букур (шöр туйсянь ягланьджык, вылынджык, бöръя воясö ёна паськаліс, кыптісны выль керкаяс);
б) Улыс Букур (шöр туйсянь Куръялань, увлань);
в) Гöгера (местаыс гöптын, гöгöрыс гöра);
г) Сидöр (медводз олысьыслöн нимыс вӧлӧма Сидор, коді джуджыд кыр йылö кыпöдлöма кык судта вышкаа керка);
д) Кустыш (медводз овмöдчöма Кустышев Николай Васильевич, кыпöдöма кык судта керка квайт челядя ыджыд семьяыслы. Кустышас тайö керкаыс öнöдз на медыджыд);
е) Букур Пом (войвыв пом, Ыбö мунігöн медбöръя керкаясыс).
История
Букур артмӧдӧма XIX нэм шӧрын, медводдзаысь казьтыштӧма 1820 вося документъясын.
Олысь лыд
1850 вося ревизия материалъясын сійӧ абу, а 1859 вося ӧшмӧсын шуӧма Букуринскӧй грезд (колӧ пасйыны, татчӧс олысьяс и ӧні тшӧкыда шуӧны ассьыныс грезднысӧ оз «Бакур», а «Букур»). Сэки сэні вӧлӧма 30 овмӧс, 99 олысь (45 мужичӧй, 54 нывбаба). XIX нэм помлань, 1897 воын, грездас олӧма ним 834 морт (399 мужичӧй, 435 нывбаба), а XX нэм заводитчигӧн (1905 во) сэні вӧлӧма 69 овмӧс, 945 олысь (456 мужичӧй, 489 нывбаба). 1920 во кежлӧ овмӧс лыдыс содӧма 98-ӧдз, но сэні олысьяслӧн лыдыс содӧма 431-ӧдз (157 мужичӧй, 274 нывбаба). 1926 воын грездас вӧлӧма 101 овмӧс, 512 олысь, 44 во мысти, 1970 воын — 679 олысь. Сы бӧрын мунысь 9 вонас Бакурса олысьяслӧн лыдыс чинӧма 593 мортӧдз. Сы мындаӧн жӧ найӧ колисны и 1989 воын (302 мужичӧй, 291 нывбаба, коми). 1995 воын тані оліс 614 морт[3].
| 2002[4] | 2010[5] | 2020[6] |
|---|---|---|
| 517 | ↘452 | ↘441 |
Медводдза овъяс
Овмӧс
Велӧдӧм
Культура
Нималана йӧз
• Яков Чупров (Биа Ӧгыр) (1906—1942) — коми гижысь.
• Рочев Василий Павлович (1951) — лызьӧн нималана коми котралысь, СССР-са чемпионатъясын 12-ысь вермысь, мирса чемпионатъясын мӧд да коймӧд места босьтысь, тӧвся Олимпиадаын (Лейк-Плесид, 1980) зарни да эзысь медальяс босьтысь, СССР-са спортын нимӧдана мастер (1980), Россияса нимӧдана тренер (1998).
Мукӧдтор
Ӧтуввез
Ӧшмӧсъяс
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Административно-территориальное деление на 1 августа 1992 г. / Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1-3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
Ыстӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Бакур // Туркин А. И. Топонимический словарь Коми АССР. Сыктывкар: Коми книжное издательство, 1986.
- ↑ Жеребцов И. Бакур // Республика Коми. Энциклопедия. Том I. — Сыктывкар: Коми книжное издательство, 1997. — С. 244.
- ↑ http://www.perepis2002.ru/content.html?id=11&docid=10715289081460.К:Рувики:Cite web (не указан язык)
- ↑ https://rosstat.gov.ru/free_doc/new_site/perepis2010/croc/perepis_itogi1612.htm.К:Рувики:Cite web (не указан язык)
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.К:Рувики:Cite web (не указан язык)
| Сизяб сиктувса оланінъяс | 
|
|
|---|---|---|
|
||