Войтыр ӧтувтчан лун
| Войтыр ӧтувтчан лун | |
|---|---|
 | |
| Сикас | Канму |
| Мӧд ногӧн | Ен Мам Казаньса ӧбраз празднуйтӧм (Москваӧс да Россияӧс Речь Посполитая войскаысь 1612 воын мездӧм) |
| Вежӧртас | 1612 вося арын польско-литовскӧй захватчикъясӧс Москваса Кремльысь мӧд народнӧй ополчениеӧн вӧтлӧм |
| Вынсьӧдӧма | 2005 вося вӧльгым тӧлысь 4-ӧд лунӧ Смута кад помасьӧмкӧд йитӧдын |
| Лӧсьӧдысь | 2004 во ӧшым тӧлысь 29-ӧд лунся 201-ФЗ №-а Федеральнӧй оланпас |
| Пасйӧны |
 Россия,  Лунвыв Осетия,  ДМР |
| Кадпас | вӧльгым тӧлысь 4-ӧд лун |
| Традицияяс | парад, молебен, крестнӧй ход, ярмангаяс, патриотическӧй да просветительскӧй акцияяс |
 Медиафайлы на РУВИКИ.Медиа | |
Войтыр ӧтувтчан лун — россияса канму гаж, пасйӧны вӧльгым тӧлысь 4-ӧд лунӧ 2005 восянь. Лоӧ Россияса воинскӧй слава лунӧн. 2004 во ӧшым тӧлысь 29 лунся 201-ФЗ №-а Федеральнӧй оланпас серти[1], лоӧ шойччан лунӧн.
Гажлӧн кадпас
1612 вося йирым тӧлысь 22-ӧд лунӧ (вӧльгым тӧлысь 1 лунӧ) народнӧй ополчение Кузьма Минин да Дмитрий Пожарский юрнуӧдӧм улын вӧтліс Речь Посполитаялысь войскасӧ Китай-городысь да бӧрыньтчӧдіс найӧс Кремльӧ[2]. Князь Пожарский пырис Китай-карӧ Ен Мам Казаньса ӧбразӧн.
Йирым тӧлысь 24-ӧд лунӧ (вӧльгым тӧлысь 3-ӧд лунӧ) полякъяс восьтісны Неглиннӧй вылӧ петысь Кремльысь вӧрӧта; медводз лэдзисны роч йӧзӧс, бояраӧс, дворянаӧс, купечьясӧс, кодъяс пукалісны осадаын. Пожарский да Минин колльӧдісны рочьясӧс асланыс земскӧй станӧ. Йирым тӧлысь 25-ӧд лунӧ (вӧльгым тӧлысь 4-ӧд лунӧ) став кремлёвскӧй вӧрӧтасӧ вӧлі дзикӧдз восьтӧма. Роч войска пырисны Кремльӧ, водзвыв муніс крестнӧй ход, водзвылын муніс архимандрит Дионисий, а Кремльсянь сылы паныд петіс элассонса архиепископ, грек Арсений Владимирскӧй Богородицаӧс киас кутігтыр. Полякъяс шыбитісны оружиесӧ. Найӧс вӧтлісны роч станӧ[3].
1649 воын сар Алексей Михайлович тшӧктіс пасйыны Ен Мам Казаньса ӧбразлысь лунсӧ абу сӧмын гожӧмын, но и йирым тӧлысь 22-ӧд лунӧ (юлиан календар серти), кор чужис сылӧн медводдза пиыс — Дмитрий Алексеевич. «Ен Мамлӧн Казаньса ӧбразлы сиӧм гаж (Москваӧс да Россияӧс полякъясысь 1612 воын мездӧм паметьлы сиӧм)» эм православнӧй да йӧзкостса календаръясын и ӧні (сӧвет кадӧ Москва мездан лун дугдылісны пасйыны).
Хронология серти вензьӧмъяс
«Россияын воинскӧй слава лунъяс да казьтылан кадпасъяс йылысь» 1995 вося рака тӧлысь 13 лунся 32-ФЗ №-а федеральнӧй оланпасӧн урчитӧма воинскӧй слава лун вӧльгым тӧлысь 4-ӧд лунӧ – Войтыр ӧтувтчан лун. Кадпассӧ йитӧма Нижний Новгородса старшина Кузьма Минин да князь Дмитрий Пожарский юрнуӧдӧм улын йӧзкостса ополчениеӧн Китай-город штурмуйтӧмкӧд[4][5]. Оланпас бала гӧгӧрвоӧдан гижӧдын пасйӧма[6]:
«1612 вося вӧльгым тӧлысь 4-ӧд лунӧ Кузьма Минин да Дмитрий Пожарский веськӧдлӧм улын народнӧй ополчение штурмуйтіс Китай-город, мездіс Москвасӧ поляк захватчикъясысь да петкӧдліс став войтырлысь геройство да ӧтувъялун пример, чужӧм-лоӧм, эскӧм да обществоын чин вылӧ видзӧдтӧг».
Китай-городсӧ вӧлі босьтӧма 1612 вося йирым тӧлысь 22-ӧд лунӧ юлиан календар серти, мый лӧсяліс сэк кежлӧ 1612 вося вӧльгым тӧлысь 1 лунлы григорий календар серти.
Мукӧд историкъяс лыддьӧны, мый Кремль мездісны йирым тӧлысь 26-ӧд лунӧ (вӧльгым тӧлысь 5-ӧд лунӧ), кор поляк гарнизонлӧн командование кырымаліс капитуляция, лэдзис Кремльысь Москваса бояраӧс (Россияса законнӧй Правительство) да мукӧд чина йӧзӧс, на костын вöлi водзӧ лоан сар Михаил Федорович. Мӧд луннас — йирым тӧлысь 27-ӧд лунӧ (вӧльгым тӧлысь 6-ӧд лунӧ) — гарнизон сдайтчис[7][8].
История
Гаж пасйыны вӧзйысьяс пиысь ӧтиӧн вӧлі Владислав Сурков.
2004 вося кӧч тӧлысьын тайӧ мӧвпсӧ шуис и Россияса религияяскостса сӧвет. Сійӧс ошкис Думаса удж да социальнӧй политика кузя комитет, да тайӧ вӧзйӧмыслӧн лои Думаса инициатива статус.
2004 вося кӧч тӧлысь 29-ӧд лунӧ Москваса да став Россияса патриарх Алексей публичнӧя ошкис вӧльгым тӧлысь 4-ӧд лунӧ гаж лӧсьӧдӧм йылысь Думалысь водзмӧстчӧмсӧ. «Тайӧ луныс казьтылӧ миянлы, кыдзи 1612 воын разнӧй эскӧмъяса да войтырсикаса йӧз вермисны аскостса юксьӧм, вермисны вына вӧрӧгӧс да вайисны страналы мир», – пасйис сійӧ.
2004 вося йирым тӧлысь 28-ӧд лунӧ Саратовын Театральнӧй изэрд вылын Общественнӧй палатаӧн да Саратов обласьтса том йӧзлӧн парламентӧн котыртӧм митинг дырйи шыӧдчисны вӧльгым тӧлысь 4-ӧд лунӧ Войтыр ӧтувтчан лун пасйӧм йылысь корӧмӧн. Тайӧ шыӧдчӧмсӧ вӧлі ыстӧма Россия Федерацияса Президент В.В. Путинлы.
2004 вося вӧльгым тӧлысь 23-ӧд лунӧ Канму Думаӧ вӧлі сетӧма Россия Федерацияса Удж кодексӧ вежсьӧмъяс пыртӧм йылысь оланпас бала: вӧльгым тӧлысь 7-ӧд лун — Ыджыд Октябрса социалистическӧй революция лун да ӧшым тӧлысь 12-ӧд лун — Оланподув лун пасйӧм бырӧдӧм; выль вося каникулъяс 2 лунсянь 5 лунӧдз содтӧм, а сідзжӧ выль праздник – вӧльгым тӧлысь 4-ӧд лун пыртӧм. Оланпас балалӧн авторъяс – Валерий Богомолов, Олег Еремеев (Единая Россия) да Владимир Жириновский (ЛДПР).
Тайӧ жӧ лунӧ Россияса религияяскостса сӧветлӧн Президиумӧ пырысьяс шыӧдчисны Канму Думаӧн Веськӧдлысь Борис Грызлов дорӧ корӧмӧн видлавны Сӧветлысь вӧльгым тӧлысь 4-ӧд лунсӧ праздникӧн урчитӧм йылысь шыӧдчӧм.
Кинояс
- «1612: Хроники смутного времени» (фильм, 2007)
- «Крепость. Щитом и мечом» (мультфильм, 2015)
Литература
- Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
- Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
- Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
- Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
- Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
- Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
- Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
Ыстӧгъяс
- Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
- Известия. Праздничные дни. Как они появляются и кто их устанавливает. Интервью с Андреем Николаевичем Сахаровым, директором Института российской истории РАН.
- РИА Новости. День единения России. Справка
4 ноября — День народного единства
Пасйӧдъяс
- ↑ Федеральный закон от 29.12.2004 г. № 201-ФЗ «О внесении изменений в статью 112 Трудового кодекса Российской Федерации» Архивса копия 24 ӧшым тӧлысь 2005 Wayback Machine ресурсын
- ↑ Соловьёв С. М. История России с древнейших времён. — 2-е изд. — СПб.: Товарищ. «Общественная польза». — Т. 8. — Стб. 1036.
- ↑ Костомаров Н.И. Русская история в жизнеописаниях её главнейших деятелей.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка. Государственная дума (12 йирым тӧлысь 2004). Шыӧдчан кадпас: 10 ода-кора тӧлысь 2021.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России». Kremlin.ru. Шыӧдчан кадпас: 9 урасьӧм тӧлысь 2022. Архивируйтӧма 26 вӧльгым тӧлысь 2021.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка. Государственная дума (12 йирым тӧлысь 2004). Шыӧдчан кадпас: 4 вӧльгым тӧлысь 2022. Архивируйтӧма 10 ода-кора тӧлысь 2021.
- ↑ Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
- ↑ Второе ополчение 1611–12 / Назаров В.Д. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.