Космонавтика лун

Босьтӧма Рувикиысь
Космонавтика лун
Soviet Union-1965-Stamp-0.12. Cosmonautics Day.jpg
Пасйӧны  СССР →  Россия
Кадпас косму тӧлысь 12-ӧд лун
Логотип РУВИКИ.Медиа Медиафайлы на РУВИКИ.Медиа

Космонавтика лун (рочӧн День космонавтики) — космосӧ мортлӧн медводдза лэбӧмлы сиӧм СССР-ын и мукӧд странаясын гаж[1].

Пасйӧны косму тӧлысь 12-ӧд лунӧ, кадпассӧ вӧлі йитӧма Юрий Гагаринлӧн 1961 воын космосӧ лэбан лункӧд[1].

История да пасйӧм

[вежны | Вежны кодировкаын]

1961 вося косму тӧлысь 12-ӧд лунӧ сӧветскӧй космонавт Юрий Гагарин «Восток-1» космическӧй корабль вылын лэбзис «Байконур» космодромсянь да мирын медводдзаӧн лэбис Му шар гӧгӧр[2]. Мубердса космосын Гагаринлӧн лэбӧмыс кыссис 108 минут[3], сійӧ пуксис Саратов обласьтӧ. Пуксянінас бӧрынджык лӧсьӧдӧма Юрий Гагарин нима космос пӧкӧритысьяслысь парк[4].

Космонавтика лун пасйӧмсӧ вӧлі индӧма Гагаринлӧн лэбзьӧм бӧрын мӧд во кежлӧ СССР-са Медвылыс Сӧвет Президиумлӧн 1962 вося косму тӧлысь 9-ӧд лунся индӧдӧн, сэки жӧ вӧлі урчитӧма сылысь нимсӧ — Космонавтика лун. Выль гаж лӧсьӧдны вӧзйис СССР-са мӧд лётчик-космонавт Герман Титов, коді 1962 вося рака тӧлысь 26-ӧд лунӧ мӧдӧдіс КПСС ЦК-ӧ вӧзйӧм[5][6].

Сідзжӧ тайӧ лунӧ пасйӧны авиациялысь да космонавтикалысь ставмирса лун, сылысь нимсӧ да пасйӧмлысь кадпассӧ, мый лӧсялӧ Сӧветскӧй Союзын примитӧм гажлы, вӧлі вынсьӧдӧма протоколӧн (17 п.) 1968 вося вӧльгым тӧлысьын Войтыркостса авиация федерациялӧн 61-ӧд Генеральнӧй конференциялӧн да Войтыркостса авиация федерациялӧн Сӧветлӧн шуӧм серти, мый вӧлі примитӧма 1969 вося косму тӧлысь 30-ӧд лунӧ СССР-са авиация спорт федерациялӧн вӧзйӧм серти[7].

1980 воын СССР-ын космонавтика лун пасйӧмсӧ вӧлі выльысь вынсьӧдӧма СССР-са Медвылыс Сӧвет Президиумлӧн «Гажъяс да казьтылан лунъяс йылысь» йирым тӧлысь 1 лунся 3018-Х №-а Индӧдӧн[1].

Россия Федерацияын космонавтика лун пасйӧны сійӧ жӧ лунӧ, кыдзи и СССР-ын, «Россияын воинскӧй слава лунъяс да казьтылан кадпасъяс йылысь» 1995 во рака тӧлысь 13-ӧд лунся 32-ФЗ №-а Федеральнӧй оланпаслӧн 1.1 статья серти[8]. Векджык гаж дырйи медшӧр мероприятиеясыс мунӧны Москваын да Калугаын: Москваса планетарийын нуӧдӧны экскурсияяс, а Космонавтика музей дасьтӧ специальнӧй проектъяс, лекцияяс да аддзысьлӧмъяс, котыртӧны мероприятиеяс Калугаын Космонавтика история канму музейын, кодлы подувсӧ пуктіс Юрий Гагарин[9][10][11].

Космонавтика лунлы сиӧм тематическӧй мероприятиеяс нуӧдӧны Россияса быд регионын, 2016 восянь котыртӧма Гагаринлы сиӧм «Космос — тайӧ ми» урок нуӧдӧм[12].

2011 воын космосӧ мортлӧн медводдза лэбзьӧмсянь 50 во тырӧмкӧд йитӧдын Россияын вӧлі нуӧдӧма Россияса космонавтикалы сиӧм во, 55 во тырӧмкӧд йитӧдын — 2016 восӧ вӧлі шуӧма Юрий Гагаринлы сиӧм воӧн. Тайӧ жӧ воас заводитчис «Ми эскам космосӧ!» арт-проект[12].

Юрий Гагаринлӧн лэбзьӧмсянь 60 во тырӧмкӧд йитӧдын 2021 воын вӧлі нуӧдӧма уна тематическӧй мероприятие, медшӧрӧн на пиысь лоис Москваса космонавтика музейын «Медводдза» выставка, кӧні шӧр экспонатӧн лои «Восток-1» корабльлӧн лэдзан аппарат, мый вылын Гагарин воис Му вылӧ[12].

2023 воын коронавирус вӧсна дзескӧдӧмъяс бырӧдӧм бӧрын космонавтикалы сиӧм лунсӧ пасйисны вель паськыда. Сідз, Москваын вӧлі нуӧдӧма тематическӧй выставкаяс, мастер-классъяс, кино петкӧдлӧмъяс, лекцияяс, перформансъяс[13]. Саратовын, кӧні Юрий Гагарин велӧдчылӧма том дырйиыс, Космонавтъяслӧн Набережнӧй вылын Юрий Гагаринлы паметник дорын муніс кыпыд митинг, кӧні вӧлісны чина йӧз да космонавтъяс. Саратов традиционнӧя лоӧ космонавтика лун пасъян шӧринӧн[14].

Сідзжӧ космонавтика лун кежлӧ тшӧкыда мунӧны мероприятиеяс и Россияса уна мукӧд карын — Казаньын[15], Калугаын[16][17], Петыркарын[18], Кардорын[19] и мукӧдлаын.

Космосӧ морт лэбзьӧмлы сиӧм войтыркостса лун

[вежны | Вежны кодировкаын]
Медколан гижӧд: Космосӧ морт лэбзьӧмлы сиӧм войтыркостса лун
Космонавтикалы 50 вося юбилей дырйи салют, 2011.04.12

2011 вося косму тӧлысь 7-ӧд лунся ООН-лӧн Генеральнӧй Ассамблеялӧн торъя чукӧртчӧм вылын вӧлі шуӧма косму тӧлысь 12-ӧд лунӧ пасйыны Космосӧ морт лэбзьӧмлы сиӧм войтыркостса лун. Резолюциясӧ лӧсьӧдысьнас лои 60 канму[20][21]. Гажсӧ вӧлі сиӧма мортлӧн космосӧ медводдза лэбӧмсянь 50 во тырӧмлы[22].

Культураын тӧдчанлун

[вежны | Вежны кодировкаын]

Космонавтъяслӧн лэбзьӧм лунӧ гостиницаысь петігӧн юргысь «Трава у дома» сьыланкывсӧ Роскосмос официальнӧя шуис россияса космонавтикалӧн кыпӧн[23].

Москваын пыр нуӧдӧны Космонавтика лунлы сиӧм «Пора в космос!» фестиваль. Фестивальсӧ нуӧдӧны ВДНХ-ын, космическӧй павильонкӧд орччӧн[24].

Мероприятиесӧ медшӧр котыртысьыс — Россияса космонавтика музейяслӧн ассоциация (АМКОС) да Роскосмос[24].

Филателия[вежны | Вежны кодировкаын]

  • Пошта марка Ю. Гагарин серпасӧн. СССР, 1964

    Пошта марка Ю. Гагарин серпасӧн. СССР, 1964

  • Пошта марка. СССР, 1972

    Пошта марка. СССР, 1972

  • Пошта марка «Мир» станция серпасӧн. СССР, 1990

    Пошта марка «Мир» станция серпасӧн. СССР, 1990

  • Пошта марка. Казахстан, 1996

    Пошта марка. Казахстан, 1996

  • Космосӧ лэбзьӧмсянь 50 волы сиӧм пошта марка. Украина, 2011

    Космосӧ лэбзьӧмсянь 50 волы сиӧм пошта марка. Украина, 2011

  • Пошта марка К. Циолковский да «Ангара-А5» ракета-носитель серпасӧн. Россия, 2024

    Пошта марка К. Циолковский да «Ангара-А5» ракета-носитель серпасӧн. Россия, 2024

Нумизматика да фалеристика[вежны | Вежны кодировкаын]

  • Россияса Банклӧн сьӧмпас — Ю. А. Гагаринлӧн космосӧ лэбӧмлы 40 во

    Россияса Банклӧн сьӧмпас — Ю. А. Гагаринлӧн космосӧ лэбӧмлы 40 во

  • «50 лет первого полёта человека в космос» Россияса Банклӧн юбилей сьӧмпас, 2011

    «50 лет первого полёта человека в космос» Россияса Банклӧн юбилей сьӧмпас, 2011

  • «Гагарин 1961 СССР» значок

    «Гагарин 1961 СССР» значок

  • Космонавтика лунлы сиӧм значок

    Космонавтика лунлы сиӧм значок

  • Космонавтика лунлы сиӧм значок

    Космонавтика лунлы сиӧм значок

Пасйӧдъяс

[вежны | Вежны кодировкаын]
  1. ↑ 1 2 3 День космонавтики (10 малоизвестных фактов о полёте Юрия Гагарина). Ульяновский государственный университет (12 косму тӧлысь 2019). Шыӧдчан кадпас: 9 моз тӧлысь 2023.
  2. ↑ 12 апреля 1961 года состоялся первый полёт человека в космос. Российское историческое общество (12 косму тӧлысь 2023).
  3. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6.
  4. ↑ Парк покорителей космоса им. Юрия Гагарина. Объединённый мемориальный музей-заповедник Ю. А. Гагарина. Шыӧдчан кадпас: 9 моз тӧлысь 2023.
  5. ↑ День воздушного флота, День космонавтики. Стенгазета МАП СССР «Крылья Родины». Шыӧдчан кадпас: 9 моз тӧлысь 2023. Архивируйтӧма 26 рака тӧлысь 2013.
  6. ↑ Дмитрий Писаренко. «Орёл» и романтик. В чём космонавт № 2 оказался первым? Аргументы и факты (11 кӧч тӧлысь 2020). Шыӧдчан кадпас: 9 моз тӧлысь 2023.
  7. ↑ День авиации и космонавтики // Авиация: Энциклопедия / гл. ред. Г. П. Свищев. — М.: Большая Российская Энциклопедия, 1994. — ISBN 5-85270-086-Х.
  8. ↑ Федеральный закон Российской Федерации от 13 марта 1995 г. № 32-ФЗ «О днях воинской славы и памятных датах России». КонсультантПлюс. Шыӧдчан кадпас: 9 моз тӧлысь 2023.
  9. ↑ День космонавтики в Московском планетарии. Московский планетарий (1 косму тӧлысь 2021). Шыӧдчан кадпас: 9 моз тӧлысь 2023.
  10. ↑ В Калуге отметили День космонавтики. Калуга BezФормата (12 косму тӧлысь 2023). Шыӧдчан кадпас: 9 моз тӧлысь 2023.
  11. ↑ По всей Калужской области проведут мероприятия в честь Дня космонавтики. НикаTV (12 косму тӧлысь 2023). Шыӧдчан кадпас: 9 моз тӧлысь 2023.
  12. ↑ 1 2 3 История Дня космонавтики. ТАСС (11 косму тӧлысь 2021). Шыӧдчан кадпас: 9 моз тӧлысь 2023.
  13. ↑ День космонавтики в Москве 2023: экскурсии, спектакли и тематические игры (12 косму тӧлысь 2023). Шыӧдчан кадпас: 9 моз тӧлысь 2023.
  14. ↑ В Саратове началось празднование Дня космонавтики. Саратов BezФормата (12 косму тӧлысь 2023). Шыӧдчан кадпас: 9 моз тӧлысь 2023.
  15. ↑ На «реактивном» субботнике в Казани за 108 минут собрали 14 КАМАЗов мусора. Официальный портал органов местного самоуправления города Казани (12 косму тӧлысь 2019). Шыӧдчан кадпас: 9 моз тӧлысь 2023.
  16. ↑ Полпред президента присвоил Калуге звание «научно-популярной столицы космонавтики». Калуга24 (13 косму тӧлысь 2022). Шыӧдчан кадпас: 9 моз тӧлысь 2023.
  17. ↑ Материалы по тегу День космонавтики: Калужская неделя. Шыӧдчан кадпас: 9 моз тӧлысь 2023.
  18. ↑ День космонавтики в Санкт-Петербурге 2023. КП Афиша (косму тӧлысь 2023). Шыӧдчан кадпас: 9 моз тӧлысь 2023.
  19. ↑ Аким Самедов, Светлана Михеевская, Юрий Теленков. Портрет Гагарина и космический остров: как в Поморье отметили День космонавтики. телеканал «Регион 29» (13 косму тӧлысь 2023). Шыӧдчан кадпас: 9 моз тӧлысь 2023.
  20. ↑ 12 апреля – Международный день полёта человека в космос. Новости ООН (12 косму тӧлысь 2022).
  21. ↑ Резолюция A/65/271 от 25 марта 2011 года. Организация Объединенных Наций. Шыӧдчан кадпас: 9 моз тӧлысь 2023.
  22. ↑ День космонавтики. Центр космонавтики и авиации на ВДНХ. Шыӧдчан кадпас: 9 моз тӧлысь 2023.
  23. ↑ Ко Дню космонавтики. Тульская областная специальная библиотека для слепых (12 косму тӧлысь 2022). Шыӧдчан кадпас: 12 косму тӧлысь 2024.
  24. ↑ 1 2 Итоги международного фестиваля «Пора в космос» на ВДНХ. Мир24 (14 косму тӧлысь 2021). Шыӧдчан кадпас: 8 косму тӧлысь 2024.

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Космонавтика_лун&oldid=329681"-ысь