Габов Иван Николаевич
| Габов Иван Николаевич | |
|---|---|
 | |
| Чужан лун | 1913-ӧд вося урасьӧм тӧлысь 9-ӧд лун |
| Чужанін | |
| Кулан лун | моз 1941 (28 арӧс) |
| Куланін | |
| Страна | |
| Мыйся уджыс | журналист, поэт |
.svg){kind=small}
Габов Иван Николаевич (комиӧн — Типӧсиктса Иван, сайним — Иван Комсомольскӧй, 1913-ӧд вося урасьӧм тӧлысь 9-ӧд лун, Типӧсикт — моз 1941, Нежин[d], Чернигов обласьт[d]) — коми поэт, журналист.
Олантуй
Иван Габов чужис 1913 вося урасьӧм тӧлысь 9-ӧд лунӧ Кӧрткерӧс районса Типӧсикт грездын. 7 класса школа помалӧм бӧрын вӧлі мӧс видзысьӧн, сир вийӧдысьӧн, сиктса корреспондентӧн.
1933 восянь уджаліс «Коми комсомолец» газет редакциаын журналистӧн, ВЛКСМ-лӧн Коми обкомын. Тайӧ кадсяньыс сылысь очеркъяссӧ, кывбуръяссӧ да висьтъяссӧ тшӧкыда йӧзӧдлісны республикаса газет-журналын[1].
1936 воын том морт мӧдӧдчис Гӧрд армияӧ. Петкӧдліс асьсӧ бур красноармеечӧн. Сійӧс мӧдӧдісны военнӧй училищеӧ, кодӧс бура помаліс. Горький карын Военно-политическӧй академия помалӧм бӧрын служитіс политрукӧн Украинаын. Велӧдчан воясӧ Иван Габов эз вунӧдлы литературнӧй творчество йылысь.
Медводдзаяс лыдын тышкасис гитлеровечьяскӧд Айму вӧсна Ыджыд тыш дырйи. Война заводитчӧмыс суис И. Габовӧс Чернигов обласьтса Нежин карын. 1941 вося сора тӧлысьын частьсӧ, кӧні воюйтіс И. Габов, вӧлі вештӧма передӧвӧйысь, да найӧ воюйтісны фашистскӧй самолётъяскӧд. Журналист Н. Максимовлӧн казьтылӧм серти, ловйӧн кольӧм ёртъясыс гижӧмаӧсь, мый И. Габов вӧлӧма ранитчӧма да куйлӧма Нежин карса госпитальын. А госпитальсӧ фашистъяс дугдывтӧг бомбитісны. Вермас лоны, И. Габов пӧгибнитіс бомбёжка дырйи. Письмӧясысь тӧдса и мӧд версия: кор немечьяс босьтісны Нежин кар, найӧ локтісны госпитальӧ, петкӧдісны став офицеръяссӧ да политрукъяссӧ ывлаӧ, кӧрталісны найӧс сутшкасьысь сутугаӧн да ловъяӧн сотісны[2]. Документъясын пасйӧма юӧртӧг вошӧмӧн 1941 вося моз тӧлыссянь[3].
Гӧтырыс — Габова Мария Тихоновна оліс Сыктывкарын.
Гижан удж
Йӧзӧдліс кывбуръяс, висьтъяс да очеркъяс.
- Кывбуръяс
• Кырйын // Ударник. 1938. № 10-11. Лб. 74.
• Нывъяслӧн сьылӧм // Ордым. 1927. № 7. Лб. 49.
• Чолӧм быттьӧ // Ордым. 1927. № 8-9. Лб. 89.
- Висьтъяс
• Машӧ // Ударник. 1938. № 6-7. Лб. 30-48.
• Пӧдан чери кыйӧм // Ордым. 1928. № 11-12. Лб. 102—103.
- Публицистика
• Коми комсомол //Коми комсомол. 1929. Март 28 лун
• «Лёгкӧй кавалерия» //Коми комсомол. 1929. Апр. 26 лун
• Пурйӧн Емваті //Коми комсомол. 1929. Май 24 лун
Пасйӧдъяс
- ↑ Холопова Д. Иван Николаевич Габов // Писатели Коми: биобиблиогр. слов.: в 2 т. Том I. — Сыктывкар, 2017. — С. 216-218.
- ↑ Холопова Д.Г. Они не вернулись с войны: о жизни и творчестве коми писателей-фронтовиков. — Сыктывкар: Анбур, 2017. — 143 с. — ISBN 978-5-91669-228-0.
- ↑ Габов Иван Николаевич (рус.). Книга памяти Республики Коми. Шыӧдчан кадпас: 7 вӧльгым тӧлысь 2025.
Литература
- Максимов Н. Найö — миян пöвстынöсь // Войвыв кодзув. — 1963. — № 5. — С. 50-51. — Пер. загл.: Они среди нас.
- Митюшева Н. А. Псевдоним — Иван Комсомольский // Молодежь Севера. — 1979. — 14 марта.
- Холопова Д. Его звали Иван Комсомольский // Красное знамя. — 1983. — 7 мая.
- Габов Иван Николаевич (Иван Комсомольский), 1914—1941 гг. // Вояс пыр, би пыр. — Сыктывкар, 1985. — С. 300—301.
- Журналисты-фронтовики Республики Коми: биобиблиографический справочник/ Национальная библиотека Республики Коми, отд. период. изд., Союз журн. Респ. Коми / сост.: Н. М. Кочегарова, Е. Н. Шведова, Л. В. Игушева; ред. Р. И. Бихерт. — Сыктывкар, 2007. С. 32-33.