Жиделева Валентина Васильевна
| Валентина Васильевна Жиделева | |
|---|---|
 | |
|
| |
_(2005).png){kind=small} «Сыктывкар» КК МЮ Сӧветӧн веськӧдлысьлысь могъяс збыльмӧдысь
.png){kind=small} |
|
| 2005 вося рака тӧлысь 28-ӧд лун — 2005 вося ӧшым тӧлысь 16-ӧд лун | |
| Президент | Владимир Путин |
| Губернатор | Владимир Торлопов |
| Водзвывса уджалысь | Владимир Пыстин |
| Удж водзӧ нуӧдысь | Сергей Ивкин |
| 2015 вося кӧч тӧлысь 13-ӧд лун | |
|
|
|
| Чужис |
1954-ӧд вося кӧч тӧлысь 2-ӧд лун (72 арӧс) |
| Ютыр | Единая Россия |
| Велӧдчӧм | Сыктывкарса канму университет |
| Учёнӧй степень | экономика наукаясса доктор[d] |
| Удж | экономика[d] |
| Сайт | zhideleva.ru |
Валенти́на Васи́льевна Жи́делева (чужис 1954 вося кӧч тӧлысь 2-ӧд лунӧ, Сыктывкар, Коми АССР, РСФРС, СССР) — Россияса экономист, экономика наукаясса доктор, Коми Республикаса Каналан Сӧветӧн веськӧдлысьӧс вежысь.
Олантуй
Чужис Айму вӧсна Ыджыд тышын участвуйтысь Василий Васильевич Жиделевлӧн да Анна Эрнестовна Жиделевалӧн семьяын. 1971 воын пырӧ Сыктывкарса вӧр институтӧ рытъя отделение вылӧ, но регыд вуджӧ сӧмын на воссьӧм Сыктывкарса канму университетӧ.
1977 воын бура помалӧ Сыктывкарса канму университет. Сэсся — вося стажировка Н. А. Вознесенский нима Ленинградса финансово-экономическӧй институтын, аспирантураын велӧдчӧм да Сыктывкарса канму университетын промышленносьтса экономика кафедраын удж.
1982 вося ӧшым тӧлысь 23-ӧд лунӧ Н. А. Вознесенский нима Ленинградса финансово-экономическӧй институтлӧн сӧветын бура дорйис «Проблемы повышения эффективности материально-технической базы территориально-производственных комплексов (ТПК)» тема серти кандидатлысь диссертация.
1984 во — бӧрйӧны Сыктывкарса канму университетын экономика кафедраса шӧр велӧдысьӧн, 1990 воын — доцентӧн.
1991 во — бӧрйӧны производство котыртан да планируйтан кафедраӧн веськӧдлысьӧн (2000 вося ода-кора тӧлысь 31-ӧд лунӧ кафедралы сетӧма канмуӧн да регионӧн веськӧдлан кафедра ним).
1995—2000 воясӧ — юрнуӧдіс Сыктывкарса канму университетлӧн экономика факультетса деканатӧн[1].
1996 во — Валентина Жиделеваӧс корӧны петкӧдчыны докладӧн Регионса социальнӧй, экономическӧй да экологическӧй планируйтӧм серти ставмирса конгресс вылын, коді муніс Канадаын. Валентина Васильевна — регионса экономикаын мытшӧдъяслы сиӧм войтыркостса наука конгрессъясын участвуйтысь, кутшӧмъяс мунісны Польшаын, Турцияын, Шотландияын, Францияын, Черногорияын.
1998 воын дорйис экономика наукаясса докторлысь учёнӧй степень вылӧ «Формирование рыночного механизма социально-устойчивого развития Северных регионов» тема серти диссертация. 1999 вося лӧддза-номъя тӧлысь 19-ӧд лун — сетӧма профессор учёнӧй ним.
2002—2006 воясӧ — корӧма Сыктывкарса канму университетын велӧдчӧм да внеучебнӧй удж серти проректор чинӧ[1].
2003—2006 воясӧ — депутат, сьӧмкуд, вот, экономика сӧвмӧдӧм да кар овмӧс серти пыр уджалысь комиссияӧн веськӧдлысь, «Сыктывкар» КК МЮ-са Сӧветӧн веськӧдлысьӧс вежысь, «Сыктывкар» КК МЮ-са Сӧветӧн веськӧдлысьлысь могъяс збыльмӧдысь.
2006—2007 воясӧ — Коми Республикаса велӧдан да вылыс школа министрӧс вежысь[1].
2007—2015 воясӧ — Сыктывкарса вӧр институтса директор.
2015 восянь — Коми Республикаса Каналан Сӧветӧн веськӧдлысьӧс вежысь[2].
2025 вося йирым тӧлысь 15-ӧд лунсянь — Сыктывкарса канму университетын медводдза проректор[3].
Йӧзӧдӧмторъяс
Валентина Жиделева гижис 200 сайӧ удж, на лыдын 12 монография, 30 сайӧ велӧдан да велӧдан-методическӧй пособие. Уна велӧдан пособиелӧн эмӧсь УМО-лӧн грифъяс.
«Жиделева В. В., Каптейн Ю. Н. Экономика предприятия: Учебное пособие; Министерство общего и профессионального образования РФ. — М.: Инфра-М» небӧгсӧ лэдзӧма 200000 сайӧ экземпляр ӧтувъя тиражӧн.
Наградаяс да званиеяс
- «Айму водзын заслугаясысь» II тшупӧда орденлӧн медаль;
- Коми Республикаса нимӧдана уджалысь;
- Рочму Федерацияса вылыс тшупӧда уджсикасӧ велӧдӧмын почёта уджалысь;
- Россия Федерацияса, Коми Республикаса велӧдан да наука министерствояслӧн, Коми Республикаса Каналан Сӧветлӧн, Коми Республикаса экономика министерстволӧн, Коми Республикаса вӧр комитетлӧн да мукӧд организациялӧн почёт грамотаяс да дипломъяс;
- СПбГЛТА-лӧн морӧсвыв зарни академическӧй пас;
- «Ставроссияса йӧзӧс гижалӧмсӧ нуӧдӧмын заслугаясысь» медаль;
- Роч Православнӧй Вичколӧн вежа Макарийлӧн, Москваса митрополитлӧн, II тшупӧда медаль;
- Роч Православнӧй Вичколӧн Сыктывкарса да Вӧркутаса Епархиялӧн Перымса вежа Степанлӧн I тшупӧда епархиальнӧй медаль.
Семья
Верӧс сайын. Верӧсыс — Алексей Васильевич Моисеенко, Россияса нимӧдана артист, Коми Республикаса нимйӧза артист. Пиыс — Вадим Моисеенко, Сыктывкарса канму университетын юридическӧй да экономическӧй факультетъяс помалӧм бӧрын уджалӧ Сыктывкарса прокуратураын[4].
Пасйӧдъяс
- ↑ 1 2 3 Бурлыкина М.И. Жиделева, Валентина Васильевна // Город Сыктывкар. Энциклопедия / научный редактор академик М. П. Рощевский. — Сыктывкар: Коми научный центр Уральского отделения РАН, 2011. — С. 86. — 408 с. Архивса копия 24 йирым тӧлысь 2021 Wayback Machine ресурсын
- ↑ Жиделева Валентина Васильевна. gsrk.ru. Шыӧдчан кадпас: 23 косму тӧлысь 2026. Архивируйтӧма 26 урасьӧм тӧлысь 2020.
- ↑ Валентина Жиделева вернулась на работу в Сыктывкарский госуниверситет. БНКоми. Шыӧдчан кадпас: 23 косму тӧлысь 2026.
- ↑ Биография. zhideleva.ru. Шыӧдчан кадпас: 29 косму тӧлысь 2026.
Ыстӧгъяс
- «Директор Сыктывкарского лесного института Валентина Жиделева: „Из пионеров — в лидеры лесного профессионального образования России“», интервью ИА «Комионлайн» от 11 июля 2008 г.
- «Проблемы энергообеспечения и развития лесного бизнеса обсудили участники российско-финляндского саммита», статья в газете «Лесные ведомости» № 10 от 10 ноября 2009 г.
- Правительство Коми и СЛИ подписали соглашение о сотрудничестве, статья ИА «Комиинформ» от 5 мая 2012 г.
- Персональный сайт и блог Валентины Жиделевой
- Официальный сайт Сыктывкарского лесного института