Инталӧн дӧрапас
| Инталӧн дӧрапас | |
|---|---|
 | |
| Субъект | Инта |
| Регион |
 Коми Республика |
| Страна |
 Россия |
| Вынсьӧдӧма | 2008 вося вӧльгым тӧлысь 25-ӧд лунӧ |
| Пропорция | 2:3 |
Россия Федерацияса Коми Республикаын «Инта» муниципальнӧй кытшлӧн дӧрапас (рочӧн Флаг Инты) — тӧдмалан-инӧда пас, муниципальнӧй юкӧнлӧн официальнӧй символ.
Дӧрапассӧ вынсьӧдӧма 2008 вося вӧльгым тӧлысь 25-ӧд лунӧ «Инта» кар кытшса Сӧветлӧн I-18/20 №-а шуӧмӧн[1]. Вынсяліс «Искра» газетын шуӧмсӧ йӧзӧдан лунсянь, 276 №, 2008.11.27.
Гӧгӧрвоӧдӧм
Кык бока веськыд пельӧса от, сылӧн пасьтаыс кузьта дінӧ артмӧдӧ 2:3 ыджда, еджыд рӧма, кытчӧ серпасалӧма эзысь рӧма лым чир. Лым чир вылӧ пуктӧма традиционнӧй декоративнӧй кольквиж коми орнамент, сійӧ петкӧдлӧ шонді. Сы пытшкын серпасалӧма лӧз фон вылын кольквиж рӧма ва сетан башня, сьӧд рӧма из шом террикон да эзысь рӧма войвыв кӧр[2].
Медшӧр символикасӧ босьтӧма Инталӧн канпасысь.
Символика подулалӧм
Инта карса дӧрапаслӧн шӧр мыгӧръясӧн лоӧны веж эрд вылын сулалысь эзысь рӧма (пытшкӧсас еджыд рӧма) войвыв кӧр, пытшкӧсас еджыд заливӧн, сьӧд рӧма из шом террикон да кольквиж рӧма башня серпас.
Кӧрлӧн мыгӧрыс петкӧдлӧ Ылі Войвывлысь помтӧм-дортӧм паськыдінъяссӧ да сэтчӧс вужвойтырлысь традиционнӧй медшӧр оланінсӧ.
Из шом террикон петкӧдлӧ карлысь Печӧраса из шом бассейнӧ пырӧмсӧ да индӧ Инталысь кар артмӧдан юкӧнсӧ.
Башняыс лоӧ карлӧн шӧр символъясысь ӧтиӧн да пыртӧма меставывса тӧдчанлуна культурно-историческӧй наследие паметникъяс лыдӧ.
Шӧр фигураяссӧ пыртӧма традиционнӧй декоративнӧй коми орнаментӧ, сійӧ петкӧдлӧ кольквиж рӧма шонді (зарни), кодӧс пуктӧм эзысь рӧма лым чирлӧн стилизованнӧй образ пытшкӧ.
Кольквиж рӧм (зарни) петкӧдлӧ озырлун, веськыдлун, пыдди пуктӧм, ыджыд сьӧлӧм.
Еджыд рӧм — тыр-бурлун, благородство, сӧстӧмлун, эскӧм, мир символ.
Лӧз рӧм (индиго) петкӧдлӧ вӧр-валысь мичлун, сӧстӧмлун, ыджыд кӧсйӧмъяс, бурлун.
Турунвиж рӧмыс содтӧ карса вӧр-валысь символикасӧ, а сідзжӧ тайӧ рӧмыс петкӧдлӧ олӧм, дзоридзалӧм, зумыдлун.
Эзысь рӧм — сӧстӧмлун да мыжтӧмлун символ.
Сьӧд рӧмыс петкӧдлӧ Инта районын перъян мупытшса озырлунъяс.
Видзӧд тшӧтш
• Инталӧн канпас
• Инталӧн кып
Пасйӧдъяс
- ↑ Решение Совета муниципального городского округа «Инта» от 25.11.2008 № I-18/20 «Об утверждении положения о флаге муниципального образования городского округа „Инта“» Архивса копия 4 рака тӧлысь 2016 Wayback Machine ресурсын
- ↑ Инта. Символика, НБ РК. Шыӧдчан кадпас: 5 рака тӧлысь 2025.
Литература
- Инте — 60 лет : статистический сборник / Федеральная служба гос. статистики, Территориальный орган Федеральной службы гос. статистики по Республике Коми; [редкол.: В. Г. Масалимова и др.]. — Сыктывкар : Комистат, 2014. — 128 с. : ил., фото цв., граф., табл.
- Город Инта : 100 интересных фактов и удивительных историй / [авт.-сост. Д. В. Куропаткин]. — Инта : Медиа-компания «Алло, Инта!», 2017. — 75 с. : ил.
