Сосногорск районлӧн дӧрапас
| Сосногорск районлӧн дӧрапас | |
|---|---|
.png) | |
| Субъект | Сосногорск район |
| Регион |
 Коми Республика |
| Страна |
 Россия |
| Вынсьӧдӧма | 2003 вося ӧшым тӧлысь 4-ӧд лунӧ |
| Пропорция | 2:3 |
| Автор котыр | |
| Шӧр мӧвп | Мочёнов Константин Фёдорович |
| Компьютера дизайн |
Афанасьева Оксана Григорьевна |
| Символикасӧ подулалӧм |
Туник Галина Александровна |
Сосногорск районлӧн дӧрапас (рочӧн Флаг муниципального района Сосногорск) — Россия Федерацияса Коми Республикалӧн Сосногорск муниципальнӧй районлӧн да Сосногорск карлӧн тӧдмалан-инӧда пас, лоӧ муниципальнӧй юкӧнлӧн официальнӧй символӧн.
Дӧрапассӧ вынсьӧдӧма 2003 вося ӧшым тӧлысь 4-ӧд лунӧ[1], кыдзи «Сосногорск кар» муниципальнӧй юкӧнлӧн дӧрапас, да 2004 вося кӧч тӧлысь 21-ӧд лунӧ пыртӧма Россия Федерацияса канму геральдическӧй регистрӧ 1418 регистрационнӧй номер сетӧмӧн[2].
2006 вося тӧвшӧр тӧлысь 1 лунӧ муниципальнӧй реформа дырйи «Сосногорск кар» муниципальнӧй юкӧн лои «Сосногорск» муниципальнӧй район муниципальнӧй юкӧнӧн.
«Сосногорск» муниципальнӧй район муниципальнӧй юкӧнлӧн Уставын 6 статья серти, водзджык вынсьӧдӧм дӧрапас лоӧ «Сосногорск» муниципальнӧй районлӧн официальнӧй символӧн.
Гӧгӧрвоӧдӧм
Сосногорск карлӧн дӧрапасыс лоӧ веськыд пельӧса кык бока отӧн, сылысь пасьтасӧ лӧсьӧдӧма 2:3. Сійӧс юкӧма пуланьӧ бергӧдӧм лэбын кодь еджыд крестӧн куим пельӧ: гӧрд, турунвиж да лӧз. Крест шӧрын эмӧсь Сосногорск районлӧн канпас композицияысь кольквиж фигураяс: пожӧм ув вылын пукалысь койтысь дозмӧр[3].
Символика подулалӧм
Дӧрапаслӧн сюжетыс петкӧдлӧ:
• Сосногорск карлӧн (1957 воӧдз — Изьва карлӧн) дӧрапаслӧн шӧр фигураӧн лоӧ пожӧм ув вылын пукалысь койтысь дозмӧр. Дӧрапас шӧрас дозмӧрыс петкӧдлӧ, мый Сосногорск кар лоӧ Коми Республикалӧн географическӧй шӧринӧн; дозмӧр — тайӧ коми вӧръясын медся ыджыд да вына лэбач.
• Пожӧм ув аллегорическӧя петкӧдлӧ вӧр-валысь аслыспӧлӧслунсӧ: тані ёнджыкасӧ паныдасьлӧны лыска вӧръяс да быдмӧ пожӧм.
• Лэбын кодь крест аллегорическӧя петкӧдлӧ кык ю — Изьва да Уква ӧтлаасьӧм, кӧні сулалӧ Сосногорск кар.
Геральдикаын рӧм символика:
• Виж рӧм (зарни) петкӧдлӧ озырлун, веськыдлун, пыдди пуктӧм, ыджыд сьӧлӧм.
• Еджыд рӧм (эзысь) — тыр-бурлун, благородство, сӧстӧмлун, эскӧм, мир символ.
• Лӧз рӧм аллегорическӧя петкӧдлӧ биару перйӧм да переработайтан производство, а сідзжӧ вӧр-валӧн мичлун, сӧстӧмлун, ыджыд кӧсйӧмъяс, бурлун.
• Гӧрд рӧм — шонді да шоныд, мичлун, гаж символ.
• Турунвиж рӧмыс содтӧ карса вӧр-валысь символикасӧ, а сідзжӧ тайӧ рӧмыс петкӧдлӧ олӧм, дзоридзалӧм, зумыдлун.
Пасйӧдъяс
- ↑ Решение VI заседания Совета муниципального образования «Город Сосногорск» от 04.12.2003 № 73 «О флаге муниципального образования „Город Сосногорск“»
- ↑ Протокол заседания Геральдического совета при Президенте Российской Федерации № 19-д от 21.09.2004
- ↑ Символика, Администрация МР "Сосногорский". Шыӧдчан кадпас: 25 рака тӧлысь 2025.
