Печӧра районлӧн дӧрапас
| официальнӧй ним Коми Республикаса «Печӧра» муниципальнӧй районлӧн дӧрапас | |
|---|---|
.svg) | |
| Субъект | Печӧра район |
| Регион |
 Коми Республика |
| Страна |
 Россия |
| Вынсьӧдӧма | 2011 вося вӧльгым тӧлысь 29-ӧд лунӧ |
| Пропорция | 2:3 |
| Автор котыр | |
| Шӧр мӧвп | Виктор Худяев, К. Ф. Мочёнов |
| Серпасалысь | Ольга Салова |
| Символикасӧ подулалӧм |
В. В. Мишин |
Россия Федерацияса Коми Республикаын «Печӧра» муниципальнӧй районлӧн дӧрапас — тӧдмалан-инӧда пас, муниципальнӧй юкӧнлӧн официальнӧй символ.
Дӧрапассӧ вынсьӧдӧма 2011 вося вӧльгым тӧлысь 29-ӧд лунӧ «Печӧра» муниципальнӧй районса Сӧветлӧн 5-6/65 №-а шуӧмӧн[1].
Гӧгӧрвоӧдӧм
Кык бока веськыд пельӧса от, сылӧн пасьтаыс кузьта дінӧ артмӧдӧ 2:3 ыджда, юкӧма кык ӧткодь вертикальнӧй юкӧн вылӧ: еджыд — дӧрапас кӧрталан пу дорын да гӧрд. Дӧра шӧрас — «Печӧра» муниципальнӧй районлӧн канпасысь еджыд, гӧрд да турунвиж рӧмӧн вӧчӧм мыгӧр.
«Печӧра» муниципальнӧй районлӧн канпас мыгӧрыс лоӧ сюръяӧ кык йитчысь веж пирамидаӧн, та дырйи быд боксянь, медводдза пирамидалӧн пӧкатъяс кындзи, найӧс кытшалӧ вежласьысь рӧмъяса мыгӧр. Мыгӧрыс веськыдвылас лоӧ гым ньӧв кодь, коді кыпӧдчӧ вывлань пирамида мудоръяс пӧлӧн да йывнас индӧ веськыдвылӧ, а шуйгавылас — шуйгавылӧ бергӧдӧм эзысь борд.
Символика подулалӧм
Гым ньӧв — энергетикалӧн символ. Районын энергетическӧй промышленносьтлӧн медшӧр предприятиеясӧн лоӧны «ОГК-3» Печораса ГРЭС ВАК, «Комиэнергострой» ВАК.
Веж треугольникъяс — козлӧн аллегория, пармалӧн да вӧр переработайтан промышленносьтлӧн символ. Районлӧн мутасыс вевттьысьӧма гырысь вӧръясӧн, кӧні промышленнӧя заптӧны вӧр. Районлӧн мутасын меститчӧма «Югыд ва» канму вӧр-ва национальнӧй парк.
Борд — став сикас транспортлӧн да транспорт индустрияса уджалысьяслӧн символ. Районті мунӧ Войвыв кӧрт туй. Транспорт индустрияса уна предприятие, на лыдын «Комиавиа» КР КУП-лӧн Печӧраса филиал, «Печӧраса ю порт» ВАК, «Печӧраса ю пароходство» СК ВАК, Печӧраса локомотивнӧй депо, «РЖД» ВАК филиаллӧн Войвыв кӧрт туй дирекция — ставныс асланыс логотипъясын вӧдитчӧны бордйӧн.
Дӧрапаслӧн еджыд да гӧрд рӧмъяс вылӧ юксьӧмыс да от рӧмъяс серти фигураяслысь рӧмсӧ вежӧмыс петкӧдлӧ Ылі Войвылын меститчӧм Печӧра районлысь континентальнӧй ывласямсӧ.
Еджыд рӧм (эзысь) — сӧстӧмлун, восьсалун, ен мывкыд, бурасьӧм символ.
Гӧрд рӧм — удж, повтӧмлун, олӧм вын, мичлун да гаж пас.
Турунвиж рӧм петкӧдлӧ тулыс, дзоньвидзалун, вӧр-ва, томлун да лача.
Видзӧд тшӧтш
Ыстӧгъяс
- ↑ Решение Совета муниципального района «Печора» от 29.11.2011 № 5-6/65 «О флаге муниципального образования муниципального района „Печора“ Республики Коми»
