Коми Республикаса кып
| Гимн Республики Коми | |
|---|---|
| Коми Республикаса кып | |
 | |
| Кывъяссӧ гижис | В. Савин, 1923[1] |
| Шыладсӧ гижис | В. Савин |
| Страна |
 Коми Республика |
| Вынсьӧдӧма | 2006 вося сора тӧлысь 4-ӧд лунӧ |
|
Коми Республикаса кып |
|
Коми Республикалӧн кып — тайӧ демократическӧй правовӧй канмулӧн, национальнӧй культуралысь традицияяс видзӧмлӧн, сылӧн уна национальносьтя войтыр ӧтувъялунлӧн символ[2].
Ортсы аудиофайлъясИстория
1990 воын Коми ССР-са Верховнӧй Сӧвет, кодӧс медводдзаысь бӧрйисны демократическӧй ногӧн, вынсьӧдіс канму суверенитет йылысь декларация. Нёль во мысти тайӧ жӧ оланпас пыртан органыс вынсьӧдіс Республикалысь Оланподув, и сэки ёся кыптіс кып йылысь сёрни.
Вӧлі котыртӧма конкурс, и сійӧс котыртысьяслы воис нелямынысь унджык сьыланкыв. Бура бӧрйӧм бӧрын конкурслӧн жюри колис кык вариант - профессиональнӧй композитор Александр Рочевӧс да Кулӧмдін сиктысь Василий Гущинӧс. Специалистъяс вылӧ донъялісны Рочевлысь вариантсӧ, но депутатъяс да чина йӧз пӧвстысь эз этша сюрны кулӧмдінсаяслӧн творчество дор сулалысьяс. Дискуссия дырйи композитор Александр Горчаков, коді эз пырӧдчы конкурсӧ, вӧзйис ӧтдортны кыкнан вариантсӧ, а кып подулӧ босьтны коми классик Нёбдінса Витторлысь «Варыш поз» сьыланкыв[3].
Кыпсӧ вӧлі вынсьӧдӧма 1994 вося сора тӧлысь 6-ӧд лунӧ «Коми Республикаса кып йылысь» Коми Республикалӧн оланпасӧн[4].
Кыпсӧ лӧсьӧдӧма Нёбдінса Витторлӧн «Варыш поз» сьыланкыв вылӧ подуласьӧмӧн, сійӧс выльысь вежлалыштіс Герцман Михаил Львович.
Кыплӧн кывъясыс Виктор Савинлӧн, комиӧн шыльӧдіс-лӧсьӧдіс Владимир Тимин; роч текстсӧ шыльӧдісны Шергина Александра Алексеевна да Александр Суворов.
2012 воӧ коми гижысь Гений Горчаков вӧзйис эновтчыны Нёбдінса Витторлӧн кывъясысь да шыладысь, да вӧзйис ассьыс вариант: выль кывъяс да шылад[5].
Медводдзаысь тырвыйӧ кыпыс юргис 2006 вося лӧддза-номъя тӧлысь 22-ӧд лунӧ Коми Республикаса Каналан Сӧветлӧн кӧкъямысӧд сессиялӧн V чукӧртчӧм вылын. Сійӧс сьыліс «Асъя кыа» сьылан да йӧктан Коми Республикаса канму ансамбль.
2016 вося лӧддза-номъя тӧлысь 12-ӧд лунӧ, кор пасйӧны Рочму лун, Коми мулӧн кып медводдзаысь юргис Москваын С.В. Рахманинов нима Концерт жырйын, кӧні Россияса нимӧдана артист Юрий Ткаченко веськӧдлӧм улын ӧтувтӧм симфоническӧй оркестр ворсіс коми кыпсӧ «Симфония гимнов» проект олӧмӧ пӧртігӧн[6].
Кыплӧн кывъяс
| Комиӧн | Рочӧн |
|---|---|
| Медводдза куплет | |
|
Ылын-ылын Войвылын |
Север, наш родимый край, |
| Мӧд куплет | |
|
Лэбзьӧй, повтӧм варышъяс, |
Нас несут через века |
Видзӧдӧй тшӧтш
Ӧшмӧсъяс
• Россияса канму символъяс
• Коми Республикаса канму символъяс
• История создания Государственного гимна Республики Коми : методическая разработка / Министерство образования Республики Коми, ГАОУ СПО РК «Сыктывкарский гуманитарно-педагогический колледж им. И. А. Куратова» ; составитель Жукова Н. А. – 3-е изд. – Сыктывкар : СГПК, 2012. – 20 с. – (Серия «Воспитательная работа»).
Ыстӧдъяс
- ↑ Ошибка цитирования Неверный тег
<ref>; для сносокunkomiне указан текст - ↑ ЗАКОН РЕСПУБЛИКИ КОМИ от 6 июня 1994 года N XII-20/5 О Государственном гимне Республики Коми
- ↑ Бобраков И. "СОКОЛИНОЕ ГНЕЗДО" В РЕСПУБЛИКЕ КОМИ СЛУШАЮТ СТОЯ
- ↑ Гаврюсов Ю. Гимн государственный Республики Коми // Республика Коми. Энциклопедия. Том I. — Сыктывкар: Коми книжное издательство, 1997. — С. 365.
- ↑ Коми драматург вӧзйис кыплы выль кывъяс да шылад
- ↑ 10 лет назад гимн Республики Коми впервые прозвучал на русском и коми языках // БНКоми сайт (2016.06.22 лун; рочӧн)