Паршуков Владимир Александрович
| Паршуков Владимир Александрович | |
|---|---|
 | |
| Чужан лун | 1946-ӧд вося моз тӧлысь 4-ӧд лун |
| Чужанін | |
| Кулан лун | 2001-ӧд вося ӧшым тӧлысь 16-ӧд лун (55 арӧс) |
| Куланін | |
| Страна | |
| Мыйся уджыс | борец |
| Ошканпасъяс да премияяс |
  |
Паршуков Владимир Александрович (1946-ӧд вося моз тӧлысь 4-ӧд лун, Кулӧмдін район, Коми АССР — 2001-ӧд вося ӧшым тӧлысь 16-ӧд лун, Сыктывкар) — вольнӧй борьбаын СССР-са, Европаса да Ставмирса чемпион, СССР-ын спортса нимӧдана мастер.
Олантуй
Владимир Паршуков чужӧма 1946 вося моз тӧлысь 4-ӧд лунӧ Коми АССР-ын Кулӧмдін районса Мыс сиктын. Шӧр школа помалӧма 1963 воын вӧр лэдзысьяслӧн Тымсер посёлокын, сэні жӧ заводитӧма уджавны вӧр делянкаын трактористлы отсасьысьӧн. Школа помалӧм бӧрын велӧдчӧма Выльгортса видз-му овмӧс техникумын, помалӧма 1965 воын. 1965—1968 воясӧ служитӧма армияын[1].
В. Паршуков вӧлӧма тренерӧн Сыктывкарын комплекснӧй ДЮСШ-ын[2].
Вермӧмъяс
Спортын вермасьны Владимир Паршуков босьтчис армияын служитігӧн Севастопольын 1965 воын, кор вермис «Первенство авиации Черноморского флота». Украинаса нимӧдана тренер И.М. Бочаров веськӧдлӧм улын 1967 воын вермис Украинаса чемпионат, СССР-са первенство (команднӧй зачётын) да лои СССР-са спортын мастерӧн.
1968 воын В. Паршуков веськаліс СССР-са сборнӧй командалӧн медшӧр составас да вуджис тренируйтчыны СССР-са нимӧдана тренер А.М. Дьякин дорӧ.
Армияысь Владимир демобилизуйтчис спортса мастерӧн, флотса чемпионӧн да воис гортас. Некымым тӧлысь мысти Кулӧмдінӧ, «Урожай» ДСО-лӧн райсӧветӧ, воис телеграмма: «Срочно командируйте Паршукова Москву, затем Кисловодск, олимпийский сбор вольной борьбе. Дякин». В. Паршуков мӧдӧдчис Москваӧ.
Аслас кузь спортивнӧй олӧмын (16 во вӧлі СССР-са сборнӧй командалӧн медшӧр составын) Паршуков 4000-ысь петавліс ковёр вылӧ.
Владимир Паршуков (петкӧдчис 100 кг-ысь ыджыдджык категорияын) — СССР-са Кубок куимысь босьтысь (1972, 1974, 1976 воясӧ), СССР-са куимысь чемпион (1971, 1972), вермывліс Советскӧй Союзса абсолютнӧй первенство (1980), Ставмирса Кубокъяс (1975, 1977 воясӧ) да Европаса чемпионат (1977). Та кындзи СССР-са чемпионатъясын куимысь шедӧдліс мӧд места (1974, 1976, 1979), ӧтчыдысь — коймӧд места (1973)[2].
Сыктывкарын 2008 восянь В.А. Паршуков паметь кузя нуӧдӧны вольнӧй борьба серти «Ставроссияса Мемориал».
Наградаяс
• «Почёт пас» орден;
• «Коми АССР-са наукаын да культураын нимӧдана уджалысь» почёт ним[2].
Пасйӧдъяс
- ↑ Паршуков Владимир Александрович (рус.). НБРК. Шыӧдчан кадпас: 6 моз тӧлысь 2025.
- ↑ 1 2 3 Василенко, 1999, с. 411.
Литература
• Василенко Н. Паршуков Владимир Александрович // Республика Коми. Энциклопедия. Том II. — Сыктывкар: Коми книжное издательство, 1999. — С. 411.
Ыстӧгъяс
• Живёт в парме богатырь. Киноочерк, 1978 г. (рус.). Коми Гор. Шыӧдчан кадпас: 6 моз тӧлысь 2025.