Потапов Егор Васильевич

Потапов Егор Васильевич
Потапов Егор Васильевич
Чужан лун	1937-ӧд вося моз тӧлысь 20-ӧд лун
Чужанін	Додз, Кӧрткерӧс район, Коми Республика, РСФСР, Сӧветскӧй Социалистическӧй Республикаяслӧн Союз;
Кулан лун	1982-ӧд вося моз тӧлысь 13-ӧд лун (44 арӧс)
Куланін	Додз, Кӧрткерӧс район, Коми Республика, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз;
Мыйся уджыс	поэт

Потапов Егор Васильевич (1937—1982) — коми поэт, серпасалысь.

Олан туй

Егор Потапов чужӧма Шойнаты районса (ӧні Кӧрткерӧс районса) Додз сиктын 1937 вося моз тӧлысь 20-ӧд лунӧ. Сизим вося школа помалӧм бӧрын уджалӧма колкозын, вӧлӧма лесникӧн, Кӧрткерӧс районса «Звезда» газетын литсотрудникӧн.

Бӧръя кӧкъямыс восӧ олӧма Кулӧмдін районса Уллянаса психоневрологическӧй интернатын. Кулӧма 1982 вося рака тӧлысь 13-ӧд лунӧ.

Гижан удж

Егор Потапов тӧдса кыдзи поэт. Медводдза кывбурыс петавлӧма «Войвыв кодзув» журналын 1952-ӧд воын, кор сылы вӧлӧма 15 арӧс. Гижӧма «Чунгыр», «Чебостан» да «Аркаша» поэмаяс. Гижӧдъяссӧ мыччӧдлӧма «самиздатӧн», аслыссяма небӧгъяс лӧсьӧдӧмӧн: машинкаӧн печатайтӧма да мичмӧдӧма ас серпасъясӧн. Ас бӧрас кольӧма сюрс гӧгӧр йӧзӧдтӧм кывбур.

Челядьлы «Дзольгӧ шор» кывбуръяса медводдза небӧгыс петавлӧма 1964-ӧд воын, выльпӧв йӧзӧдӧма 2019-ӧд воын.

Унаторйын водзмӧстчӧма: фотографияяс снимайтӧма, шылада гижӧдъяс лӧсьӧдӧма, ворсӧма гармошкаӧн, ноксьӧма радиоӧн. Серпасасьӧма. Миян кадӧдз воӧма кык серпас (ӧтиыс — Вок да кык чойлӧн портрет, 1950-60-ӧд вояс). Чукӧртӧма минералъяс да важ монетаяс, мый сэсся сетӧма Кӧрткерӧс музейӧ.

Небӧгъяс

Потапов Е. Дзольгӧ шор: кывбуръяс / Лӧсьӧдіс В. А. Попов. — Сыктывкар: Коми книжнӧй издательство, 1964. — 10 л.б.
Потапов Е. В. Дзольгӧ шор: Кывбуръяс / Ред. А. В. Попов. — Сыктывкар: «Коми йӧзӧдчан керка» КР АУ, 2019. — 32 л.б.

Ӧшмӧсъяс

«Русский музей» сайтын Е. Потаповлӧн олантуй
Потапов Егор Васильевич (1937—1982 гг.): биобиблиографический указатель / Сост. Г. Р. Изъюрова. — Кӧрткерӧс: Центр. б-ка им. М.Н. Лебедева, 2007. — 7 с.
Мартынов В. И. Потапов Егор Васильевич // Литераторы земли Коми. — Сыктывкар, 2000. — С. 148—149.

Ыстӧдъяс

[_4187a20761395e93-1] ¹ ² http://www.kortcbs.ru/page/kraevedenie.znamenatelnye_i_pamyatnye_daty.egor_vasilevich_potapov/

[_58ddfb5371acbd8d-2] ttp://forum.vgd.ru/post/1246/86201/p2519150.htm

[_f51202a5a670af8d-3] ttp://wiki.komikyv.org/index.php/%D0%9F%D0%BE%D1%82%D0%B0%D0%BF%D0%BE%D0%B2_%D0%95%D0%B3%D0%BE%D1%80_%D0%92%D0%B0%D1%81%D0%B8%D0%BB%D1%8C%D0%B5%D0%B2%D0%B8%D1%87

[1]

[3]

[2]