Рочев Александр Андреевич

Рочев Александр Андреевич
Чужан лун	1937-ӧд вося йирым тӧлысь 19-ӧд лун(1937-10-19)
Чужанін	Чилимдін, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Кулан лун	1995-ӧд вося кӧч тӧлысь 24-ӧд лун(1995-09-24) (57 арӧс)
Страна	Сӧветскӧй Социалистическӧй Республикаяслӧн Союз  Рочму
Мыйся уджыс	шылад тэчысь, учитель

Q5Рочев Александр Андреевич

Рочев Александр Андреевич (1937—1995) — Комиысь шылад тэчысь, велӧдысь.

Олантуй

Чужӧма Эжваын сӧмын на воссьӧм челядьлы шылад школаын.

Кулӧма 1995-ӧд вося кӧч тӧлысь 24-ӧд лунӧ. Гуалӧма Сыктывдін районса Сёська сиктын.

Шылад тэчӧм

А. Рочев гижӧма патриотическӧй да лирическӧй сьыланкывъяс, философскӧй притчаяс, частушкаяс, коми йӧзкостса сьыланкывъяслысь хорӧвӧй обработкаяс. Видлӧма гижны татшӧм жанръясын, кыдызи опера, кантата, неыджыд инструментальнӧй пьеса, симфония. Тӧдчанаторйӧн лоӧма куим юкӧна Симфония, мый сиӧма Сыктывкарлы 200 вося юбилейлы. Сылысь концертнӧй фантазиясӧ кларнетлы да струннӧй оркестрлы (1976) петкӧдлӧма Сыктывкар да Москваын.

Шылад тэчысь гижлӧма сьыланкывъяс да романсъяс Иван Куратовлӧн, Илля Васьлӧн, Тима Веньлӧн, Ананий Размысловлӧн, Николай Фроловлӧн, Геннадий Юшковлӧн, Альберт Ванеевлӧн, Владимир Поповлӧн, Виктор Кушмановлӧн да Серафим Поповлӧн кывбуръяс вылӧ. 1970 воын СССР-са композиторъяслӧн шылад фестиваль дырйи «Обелиск» сьыланкывйысь (кывбурыс В. Кушмановлӧн) Рочевлы сетӧма лауреат ним. Нёбдінса Витторлысь «Югыд кодзув» сьыланкыв вежлалӧмысь Коми АССР артмӧмсянь 50 вося юбилейлы сиӧм конкурсын босьтӧма коймӧд премия коми йӧзкостса сьыланкыв хорӧн сьылӧм могысь медбура вежлалӧмысь.

Рочев сідзжӧ гижӧма челядь хоръяслы сьыланкывъяс, «Весёлая прогулка» (кывъясыс А. Клейнлӧн) радиопостановка дорӧ шылад, челядьлы сизим фортепианнӧй пьеса, хорлы «Времена года» цикл, меццо-сопранолы да фортепианолы «12 солнц» вокальнӧй миниатюраяслысь цикл (кывбурыс Т. Агаевлӧн).

1974-ӧд воын Коми небӧг лэдзанін йӧзӧдӧма Рочевлысь шылада сборник.

Наградаяс

• Коми ССР-са искусствоясын нимӧдана уджалысь (1991)

Ӧшмӧсъяс

• Егорова Н.Л., Шергина А.А. Рочев Александр Андреевич // Город Сыктывкар: энциклопедия. — Сыктывкар, 2010. — С. 249.
• Рочев Александр Андреевич // Союз композиторов Республики Коми. — Сыктывкар, 2008. — С. 173—188.
• Горчаков А. Его любовь – музыка // Связь времён. — Сыктывкар, 2000. — С. 567.
• Герстле Н. Композитор Рочев Александр Андреевич // Дыхание Пармы. — Сыктывкар, 1991. — С. 272—273.
• Календарь знаменательных и памятных дат Республики Коми на 2012 год / Нац. б-ка Респ. Коми; сост. В.Н. Казаринова. — Сыктывкар, 2011. — С. 89—91.