Семяшкин Гавриил Прокопьевич

Видлалӧм гижӧд

Рувикиын эмӧсь мукӧд йӧз йылысь статьяяс, кодъяслӧн овыс Семяшкин.

Семяшкин Гавриил Прокопьевич
Чужан лун	1888-ӧд вося рака тӧлысь 18-ӧд лун(1888-03-18)
Чужанін	Изьва, Мозын уезд[d], Кардор губерня, Россияса империя
Кулан лун	1937-ӧд вося сора тӧлысь 8-ӧд лун(1937-07-08) (49 арӧс)
Куланін	Изьва, Коми Республика, РСФСР, Сӧветскӧй Социалистическӧй Республикаяслӧн Союз
Страна	Россияса империя  Сӧветскӧй Социалистическӧй Республикаяслӧн Союз
Ошканпасъяс да премияяс	Уджвывса герой

Семяшкин Гавриил Прокопьевич (1888 вося рака тӧлысь 18-ӧд лун, Изьва сикт—1937 вося сора тӧлысь 7-ӧд лун, Изьва сикт) — революционер, бурӧвӧй мастер, «Уджвывса герой».

Олантуй

Чужӧма 1888-ӧд вося рака тӧлысь 18-ӧд лунӧ Изьва сиктын.
Семьяас вӧлӧма мӧд кагаӧн, водз заводитӧма уджавны.
Уджалӧма озыр кӧр видзысьяс дорын, «Стелла Поларе» фирмаын, коді вӧлӧма ӧнія Наръяна-Марсянь неылын.
Помалӧма сельхозприходскӧй школа.
Вӧлі Печора вылын революционнӧй событиеясын участникӧн, лӧсьӧдіс сӧветскӧй власьт Изьваса сиктъясын да грездъясын.
Войвыв фронтса 6-ӧд армиялӧн 54-ӧд стрелкӧвӧй дивизияса 478-ӧд стрелкӧвӧй полкын радӧвӧйӧн служитігӧн 1920 вося рака тӧлысь 22-ӧд лунӧ Семяшкин гижис заявление Кардорса губсовнархозлӧн химическӧй секцияӧ, кӧні корис командируйтны сійӧс Ухтаӧ «бурӧвӧй эмбур канму собственносьтын спаситӧм могысь». Ухтаса промыселъяслӧн вӧвлӧм бурӧвӧй мастерӧс вӧлі бӧр корӧма Краснӧй Армияысь да ыстӧмаӧсь кыдзи Кардорса губсовнархозса уполномоченнӧйӧс Ухтаӧ, медым босьтны охрана улӧ став донаторсӧ промысловӧй эмбурсьыс да лӧсьӧдны промыселъяслысь уджсӧ.
1920 вося косму тӧлысь 10-ӧд лунӧ сійӧ подӧн мӧдӧдчис Кардорсянь Ухтаӧ, кытчӧ воис тӧлысь гӧгӧр. Тані сійӧ аддзис мусир делӧӧн тӧдса уджалысьясӧс, важ ёртъясӧс: Ухтаысь, Изьваысь, Гамысь, Сизябысь, Мокчойысь, Кулимысь кыскисны йӧзӧс промысел вылӧ. 1920—1921-ӧд воясӧ вӧлӧма бурӧвӧй мастерӧн.
1921-ӧд восянь уджалӧма прӧмыселса веськӧдлысьӧн, вӧлӧма збыль вылас став Печора уездын горнӧй делӧ кузя дзик ӧти специалистӧн. Рабочӧйяскӧд ӧтвылысь сійӧ восстанавливайтіс скважинаяс, ремонтируйтіс инструментъяс да механизмъяс, кутшӧмъясс колисны революцияӧдзса предпринимательяссянь. Бӧр лӧсьӧдіс керосин вӧчан завод, мый коркӧ вӧлі инженер Гансберглӧн (Воднӧйын). Семяшкин кужис лӧсьӧдны производство. Карасин вӧчан завод да сов вӧчанін могмӧдісны перйӧм мусирӧн, карасинӧн, солӧн, мед кӧть и кустарнӧй способӧн, матігӧгӧрса сиктъяссӧ.
Бур уджысь да медводдза коммунистическӧй субботникъяс да воскресникъяс котыртӧмысь 1921-ӧд воын сылы сетӧма «Уджвывса герой» ним.
Кулӧма 1937-ӧд вося сора тӧлысь 7-ӧд лунӧ Изьва сиктын, сэні жӧ дзебӧма.

Паметь

• 1968-ӧд воын Ухта карын вӧлӧм Первомайскӧй переулок нимтӧмаӧсь Семяшкин уличаӧн, а 1 номера керкаӧ ӧшӧдӧма казьтылан пӧв.
• Изьва сиктын сідзжӧ эм сылы сиӧм улича - Семяшкин улича.

Наградаяс

• «Уджвывса Герой» ним (1921)

Ӧшмӧсъяс

• Козулин А.Н. Тогда в тайге Печорской. Очерки. — Сыктывкар, 1974.
• Ижме - 440 лет

Ыстӧдъяс