Сметанин
Сметанин — Комиын тшӧкыда паныдасьлысь ов. Роч ов.
Этимология
Роч кывйын овыс артмӧма мортлӧн прӧзвище либӧ абу вичкоса нимсянь: Сметана - Сметанин. Сёян-юан нимӧн тшӧкыда вӧдитчисны мортӧс нимтігӧн роч сиктъясын. Тайӧ овйыс паныдасьлӧ быдлаын [1]. Гашкӧ, татшӧм овсӧ сетӧмаӧсь озырлун сертиыс («нӧк пиас купайтчӧмаӧсь»), гашкӧ, нӧксӧ радейтлӧмаӧсь [2].
История
Тшӧкыда паныдасьлӧ тайӧ овыс Изьва да Печӧра пӧлӧн. Первойысьсӧ тайӧ овыс казьтывсьӧ 1575 воын Пустозёрскын. Рӧдмӧм-быдмӧмыс Изьваса Сметанинъяслӧн татшӧм: 1721 воын - 4 семья, 1795 воын - 20, 1816 воын - 23, 1858 воын - 34 [2].
Нималана йӧз
• Сметанин Александр Франсович (комиӧн — Франс Ӧльӧксан) (1949-2010 во) — история туялысь, история наукаяс кандидат, Коми наука шӧринысь Кыв, литература да история институтса веськӧдлысь (1996-2010 во).
• Сметанина Раиса Петровна (1952) — Сöвет кадся нималана лызьöн котралысь, Олимпиада ворсӧмъясын унаысь вермысь (1976, 1980, 1992), Ставмирса да СССР-са чемпионатъясын лызьöн котралöм серти унаысь вермысь, СССР-са спортын заслуженнӧй мастер (1976).
• Сметанина Елена Григорьевна (сідзжӧ Гаранина Алёна Григорьевна) (1974-ӧд вося кӧч тӧлысь 18-ӧд лун, Изьва районса Краснобор сикт) — коми артист, Коми Республикаса нимйӧза артист
Ыстӧгъяс
- ↑ Словарь русских фамилий
- ↑ 1 2 Плесовский Ф. В. Комиын овъяс. — Сыктывкар: РИПКРО МО РК, 1997. — 139 с.
|
Кывлӧн либӧ кывтэчаслӧн вежӧртасъяс лыддьӧг лӧсялана статьяяс вылӧ ыстӧгӧн. Ті кӧ сюринныд татчӧ Рувики проектын мӧд статьяысь, корам бергӧдчыны и стӧчмӧдны ыстӧгсӧ, медым сійӧ вайӧдіс колана статьяӧ. Тайӧ лист бокын вайӧдӧма: |
 |
Ӧткодь ова йӧз йылысь статьяяс лыддьӧг. |
 |
Мӧд вежӧртасъяс. Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Сметанинсянь». |
|
Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Сметанинсянь». |