Краснобор (Изьва район)
| Краснобор Краснобор | |
| Му: | Рочму |
| Статус: | сикт |
| республика: | Коми Республика |
| район: | Изьва район |
| Медводдза казьтыштӧм: | 1765 |
| Инлыдпасъяс: | 65°29′ с. ш. 53°28′ в. д.GЯO |
| Официал кыв | коми, роч |
| Олысьяс | 625 морт (2010) |
| Час кытш: | UTC+3:00 |
| Телефон код: | +7 821 40 |
| Пошта индӧс: | 169473 |
| Автомобиль код: | 11, 111 |
Краснобор (рочӧн Краснобор) — Коми Республикаын сикт, Изьва районса Краснобор сикт овмӧдчӧминса шӧрсикт.
Ним артмӧм
Сикт местаӧ медводдзаысь овмӧдчисны 1795 воын Изьваысь петӧм Семяшкинъяс, Сметанинъяс да Терентьевъяс да нимтісны местасӧ Краснӧй ягӧн мича вӧръяс вӧснаыс. Сэтчӧ жӧ берегдорса крут кыр йылын муыс вӧлі гӧрд лыаысь. Сиктгӧгӧрса пожӧма вӧрыслы сетӧмаӧсь Мича яг "гӧрд яг" ним[1].
География
Сикт пукалӧ Изьва юлӧн веськыд берегын. Красноборсянь Изьва юрсиктӧдз 52 км. Изьваыс усьӧ Печораӧ 16 км рытыв-войвылын. Ю берегыс, кӧні сулалӧ сиктыс, вӧракодь (быдмӧны кыдз да пожӧм), нюрвыв. Оланінсянь войвылын да асыв-войвылын - Красноборскӧй нюр, но 3-4 км войвылынджык нин - Печоралӧн лунвыв (шуйга) берегыс. Асыв-войвылын, нюр сайын, сулалӧ ыджыд посёлок Щельяюр, коді сулалӧ Печора берегын.
Рытыввывсянь Краснобор сикткӧд орччӧн сулалӧ Пустыня грезд, водзӧ сы сайын, сідзжӧ Изьва берегын - Вертеп грезд. Сиктсянь асыв-лунвылынджык, Изьвалӧн лыаа кыркӧтш дорын, водзті вӧлӧма пионерлагерь, водзӧ асыв-лунвывланьын меститчӧма вадорса Діюр грезд (Изьваӧ усьысь неыджыд Діюръёль ю вомын), сы сайын - Ыргеншар посёлок (Кеджшор ю вомын). Индӧм 4 сикт-грездыс пырӧны Краснобор сикт шӧринӧ. Ыргеншар, Діюр, Краснобор да Пустыня грезд пыр (Вертеп кольӧ неуна бокӧджык) мунӧ Изьва-Чилимдін автомашина туй. Сиктлӧн рытыввыв помас - шойна.
Краснобор сулалӧ оз юлӧн главнӧй русло дорын, а Красноборскӧй Шар нима вис берегын. Главнӧй руслосянь сійӧс торйӧдӧ асыввывсянь рытыввылӧ нюжӧдчӧм ді Краснобор-Ди. Сійӧ абу ӧтнас тайӧ ю участокас. Асыв-лунвылынджык, руслоӧдыс катыдланьын, эм Катыдди ді, рытыввылынджык, кывтыдланьынджык - Выльюди ді (либӧ Просексай ді).
Изьвалӧн лунвыв берегыс Краснобор районын абу освоитӧма, вевттьысьӧма пожӧма вӧрӧн да нюръясӧн, медся гырысь нюръясыс - Ваднюр да Потанканюр. Ваднюр нюр шӧрын эм Гӧрд ты (Мичавад). Нюрысь петӧ Изьваӧ усьысь Мельнича-Ёль шор[2].
История
Эмӧсь даннӧйяс, мый йӧз овлӧмаӧсь ӧнія Краснобор сикт гӧгӧрын миян эраса I сюрс воын на. ХІХ нэм помын вӧлі аддзӧма тайӧ кадколастысь вӧчӧмторъяс, кодъясӧс 1899 воын вӧлі сетӧма Императорскӧй археологическӧй комиссиялы - кӧрт пурт, бронзаысь серпасалӧм верзьӧмаяс да мукӧдтор.
Ачыс Краснӧй Бор грездыс артмӧма 1763 да 1765 вояс костын. Грездлы подув пуктысьясӧн да медводдза олысьясӧн вӧліны Семяшкинъяс, Терентьевъяс, Филипповъяс, Артеевъяс семьяясӧс петкӧдлысьяс. Красноборӧ зіля вуджлісны овны матігӧгӧрса овмӧдчӧминъясысь - Изьваысь, Сизябскысь, Щельяюрысь (Семяшкинъяс, Чипсановъяс, Артеевъяс, Каневъяс, Ларионовъяс, Терентьевъяс, Чупровъяс, Рочевъяс)[3]. 1862 воын Красноборын воссис сиктса училище[4].
Ӧткымын юӧр серти, 1914-1915 воясӧ Краснобор районын вӧлі пасйӧма землетрясение. Сиктыс вӧлі Ижмо-Печорскӧй уездын волостнӧй центрӧн да кольліс сельсӧветлӧн (сикт овмӧдчӧминлӧн) центрӧн бӧрынджык[2][5]. 1930 во кежлӧ Красноборын вӧліны участкӧвӧй больнича, школа, лыддьысян керка, агропункт, ветеринарнӧй пункт, нарсудлӧн камера, пароходнӧй стоянка, милициялӧн участок, крестьянскӧй комитет[3].
Олысь лыд
| 2010[6] |
|---|
| 625 |
2010 вося Ставроссияса перепись серти, сиктын оліс 47 % мужичӧй да 53 % нывбаба. Войтырсикас серти йӧзыс:
- комияс — 593 морт;
- рочьяс — 28 морт.
2002 вося Ставроссияса перепись серти, 71 % олысьыс вӧли изьватасӧн[5].
- XVIII—XXI нэмъясын олысь лыд
| Во | Олысь, морт |
Мужичӧй, морт |
Нывбаба, морт |
Овмӧс лыд |
| 1782 | 85 | 42 | 43 | абу тӧдса |
| 1795 | 121 | 58 | 63 | абу тӧдса |
| 1816 | 179 | 86 | 93 | абу тӧдса |
| 1850 | 689 | 334 | 355 | абу тӧдса |
| 1859 | 881 | 423 | 458 | 101 |
| 1926 | 896 | 399 | 497 | 182 |
| 1963[2] | абу тӧдса | абу тӧдса | абу тӧдса | 155 |
| 1970 | 774 | абу тӧдса | абу тӧдса | абу тӧдса |
| 1979 | 815 | абу тӧдса | абу тӧдса | абу тӧдса |
| 1989 | 857 | 437 | 420 | абу тӧдса |
| 2002[5] | 684 | 337 | 347 | абу тӧдса |
Медводдза овъяс
- Артеев, Семяшкин, Терентьев, Филиппов.
- Канев, Ларионов, Чипсанов.
Культура
Велӧдӧм
Нималана йӧз
Тӧдчана эмторъяс
Ӧшмӧсъяс
- Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
- Республика Коми: Энциклопедия. — Сыктывкар, 1997—2000. — Т. 1—3.
- Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
- Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.
Ыстӧдъяс
- ↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
- ↑ 2,0 2,1 2,2 Топографическая карта Q-39-107,108. Масштаб 1:100000. 1963 г.
- ↑ 3,0 3,1 3,2 Ошибка цитирования Неверный тег
<ref>; для сносокофициальный сайтне указан текст - ↑ Природа и история Коми. Ижемский район Республики Коми. Дата обращения: 9 сора тӧлысь 2016. Архивировано 22 рака тӧлысь 2016 года.
- ↑ 5,0 5,1 5,2 Данные Всероссийской переписи населения 2002 года: таблица 02c. М.: Федеральная служба государственной статистики, 2004. (2002zip Архивная копия от 6 йирым тӧлысь 2014 на Wayback Machine, см. прим. Архивная копия от 5 рака тӧлысь 2016 на Wayback Machine)
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов. Дата обращения: 29 ӧшым тӧлысь 2014. Архивировано 4 рака тӧлысь 2016 года.
|
Тайӧ гижӧдыс помавтӧм на. Тэ верман ачыд сійӧс веськӧдны да содтыны. Тайӧ пасйӧдсӧ колӧ гижны стӧчджыка. |
| Краснобор сиктувса оланінъяс | 
|
|
|---|---|---|
|
||