Старцев Александр Дементьевич

Рувикиын эмӧсь мукӧд йӧз йылысь статьяяс, кодъяслӧн овыс Старцев.

Старцев Александр Дементьевич
Чужан лун	1908-ӧд вося ода-кора тӧлысь 24-ӧд лун(1908-05-24)
Чужанін	Куньыб, Сыктыв район, Коми Автономнӧй Сӧветскӧй Социалистическӧй Республика, РСФСР либӧ Усть-Сысольск уезд, Вӧлӧгда губерния, Россияса империя
Кулан лун	моз 1943 (35 арӧс)
Страна	Сӧветскӧй Социалистическӧй Республикаяслӧн Союз
Мыйся уджыс	гижысь

Старцев Александр Дементьевич (сідзжӧ Тикӧн Ӧльӧксан) (1908 вося ода-кора тӧлысь 24-ӧд лун, Сыктыв районса Куньыб сикт — 1943 вося моз тӧлысь) — коми гижысь.

Олантуй

Александр Старцев чужис Сыктыв районса Куньыб сиктын 1908 вося ода-кора тӧлысь 24-ӧд лунӧ. Велӧдчис Перымса рабфакын, сэсся А.И. Герцен нима Ленинградса педагогика институтын. 1938 воӧдз уджаліс Сыктывкарын Велӧдысьяслысь тӧдӧмлун кыпӧдан Институтын, а сэсся Сыктывкарса медицинскӧй техникумын велӧдіс общественнӧй наукаяс.

1941 воын босьтісны Гӧрд армияӧ. Служитіс 996-ӧд стрелкӧвӧй полкын взводса командирӧн.

Усис Айму вӧсна Ыджыд тыш дырйи 1943 вося моз тӧлысьӧ. «Книга памяти» небӧгын гижӧма, мый вӧлі немеч пленын, офицеръяслы XI A (Остерод) лагерын, 09.08.1943 вӧлі вуджӧдӧма XIII A (Зульцбах-Розенберг) лагерӧ.

Небӧгъяс

• Кывбуръяс, висьтъяс // Вояс пыр, би пыр. — Сыктывкар, 1985.

Литература

• Дёмин Г. Старцевыд Комиын уна // Коми му, 1995, вӧльгым тӧлысь 2-ӧд лун.
• Дёмин Г. Нимыс вӧлі // Коми му, 1998, ода-кора тӧлысь 23-ӧд лун.
• Писатели Коми:биобилиографический словарь. Том 2. — Сыктывкар, 2022.

Ыстӧгъяс