Старцев Зосима Алексеевич

Старцев Зосима Алексеевич
Старцев Зосима Алексеевич
Чужан лун	1902-ӧд вося йирым тӧлысь 1-ӧд лун
Чужанін	Куньыб, Сыктыв район, Коми Автономнӧй Сӧветскӧй Социалистическӧй Республика, РСФСР либӧ ; Усть-Сысольск уезд, Вӧлӧгда губерния, Россияса империя[d];
Кулан лун	1961-ӧд вося вӧльгым тӧлысь 7-ӧд лун (59 арӧс)
Страна	Сӧветскӧй Социалистическӧй Республикаяслӧн Союз;
Мыйся уджыс	школаын велӧдысь, журналист, поэт

Старцев Зосима Алексеевич (сідзжӧ Акинь пи) (1902-ӧд вося йирым тӧлысь 1-ӧд лун, Куньыб, Коми Автономнӧй Сӧветскӧй Социалистическӧй Республика или Усть-Сысольск уезд, Вӧлӧгда губерния — 1961-ӧд вося вӧльгым тӧлысь 7-ӧд лун) — коми гижысь.

Олантуй

Зосима Старцев чужис 1902 вося йирым тӧлысь 1 лунӧ Вӧлӧгда губерняысь Усть-Сысольск уездса Куньыбын (ӧні — Сыктыв районса Куньыб сикт). Помаліс чужан сиктас вылыс начальнӧй училишӧ, мӧд тшупӧда школа.

Финскӧй война вылын служитӧма стрелкӧвӧй ротаса политрукӧн. Айму вӧсна Ыджыд тыш дырйи уджаліс «За Северо-Печорскую магистраль» газетын, Севжелдорлагса политотделын^[1].

Сӧветскӧй партшкола помалӧм бӧрын паніс да нуӧдіс чужан сиктас культурно-просветительскӧй удж. Уджаліс Усть-Сысольск уездса йӧзӧс велӧдан отделын, Коми обласьтса йӧзӧс велӧдан отделысь небӧг лэдзанінын. Велӧдіс, вӧлі Айкатылаын профтехшколаса веськӧдлысьӧн. Сэсся водзӧ велӧдчис журналистика институтын.

1944 восянь уджаліс «За новый Север» газетса кывкутысь редакторӧн, 1949 восянь 1953 воӧдз юрнуӧдіс «Вӧрлэдзысь» газетӧн, сэсся уджаліс радиоын^[1].

Кувсис 1961 вося вӧльгым тӧлысь 7-ӧд лунӧ^[1].

Гижан удж

Гижан удж дорӧ Зосима Старцев шыӧдчис 1920-ӧд вояс шӧрын. Кывбур чукӧрсӧ йӧзӧдіс 1930-ӧд вояс пансигӧн. Кывбуръясыс матынӧсь публицистика дорӧ, гижис быд лунся олӧм йывсьыс.

Кывбуръяс

• Асывводз : кывбур // Ордым. 1927. № 5. Лб. 36.
• 5—4 : кывбур // Индустрия марш. Сыктывкар, 1932. Лб. 4-5.
• Вермам! : поэма // Ударник. 1931. № 10. Лб. 3-5.
• Вермим… Вермам : кывбур // Индустрия марш. Сыктывкар, 1932. Лб. 14-20.
• Вӧр вӧсна тышкӧ : кывбур // Ударник. 1932. № 9-10. Лб. 12.
• Заграничаса пролетариатлы : кывбур // Индустрия марш. Сыктывкар, 1932. Лб. 27.
• Збойджыка водзӧ : кывбур // Индустрия марш. Сыктывкар, 1932. Лб. 21-22.
• Крест пыдди… Кляч! : кывбур // Ударник. 1931. № 17-18. Лб. 12.
• Кровавӧй вӧскресення : кывбур // Индустрия марш. Сыктывкар, 1932. Лб. 22-24.
• Культура дорысьяслы : кывбур // Индустрия марш. Сыктывкар, 1932. Лб. 28.
• Кык мир : кывбур // Ударник. 1932. № 8. Лб. 12.
• Кыпӧдам кось : кывбур // Индустрия марш. Сыктывкар, 1932. Лб. 28-29.
• Локтӧ ин-ду-стри-я! : кывбур // Ударник. 1931. № 15-16. Лб. 14.
• Миян туйным : кывбур // Индустрия марш. Сыктывкар, 1932. Лб. 27.
• Нёль воӧн тыртамӧ : кывбур // Индустрия марш. Сыктывкар, 1932. Лб. 21.
• Партиялы рапорт : кывбур // Индустрия марш. Сыктывкар, 1932. Лб. 3-4.
• Селькор : кывбур // Индустрия марш. Сыктывкар, 1932. Лб. 28.
• Сизим во : кывбур // Индустрия марш. Сыктывкар, 1932. Лб. 26.
• Тіралӧ мир… : кывбур // Ударник. 1931. № 21-22. Лб. 3.

Небӧгъяс

• Акинь Пи. Индустрия марш. Сыктывкар, 1932.

Пасйӧдъяс

↑ ¹ ² ³ Старцев Зосима Алексеевич (рус.). НБРК. Шыӧдчан кадпас: 2 йирым тӧлысь 2025.

[НБРК-1] ¹ ² ³ Старцев Зосима Алексеевич (рус.). НБРК. Шыӧдчан кадпас: 2 йирым тӧлысь 2025.

[1]