Афанасьева Елена Евгеньевна
| Афанасьева Елена Евгеньевна | |
|---|---|
 | |
| Чужан лун | 1967-ӧд вося вӧльгым тӧлысь 14-ӧд лун (58 арӧс) |
| Чужанін | |
| Страна | |
| Мыйся уджыс | гижысь, журналист |
| Бать | Афанасьев Евгений Степанович |
Афанасьева Елена Евгеньевна (1967-ӧд вося вӧльгым тӧлысь 14-ӧд лун, Важгорт (Удора район), Коми АССР) — коми гижысь, пырӧ Россияса гижысь котырӧ.
Олантуй
Елена Афанасьева чужис 1967 вося вӧльгым тӧлысь 14-ӧд лунӧ Удорса районса Важгорт сиктын. 1984 воын помаліс Важгортса шӧр школа, 1991 воын — Сыктывкарса канму университетлӧн филология факультетысь коми юкӧн.
Уджаліс Интаса гимназияын, профессионально-техническӧй училищеын (1991—1993), велӧдчӧм сӧвмӧдан да кадръяс выльысь дасьтан Коми республиканскӧй институтын велӧдчан да методическӧй комплексъяс лӧсьӧдан шӧринын научнӧй сотрудникӧн (1993—2004), а сідзжӧ культура да национальнӧй политика министерстволӧн вуджӧдчан юкӧнын (2006—2008).
2009 восянь уджаліс «Арт» журналын, 2014 восянь — Россияса гижысь котырлӧн Коми дінму юкӧнын литературнӧй консультант[1].
Гижан удж
Елена Афанасьева гижны босьтчис 1993 воын Интаын. Роч кывбуръясыс да висьтъясыс петавлісны «Искра» Инта карса газетын. Сыктывкарӧ вуджӧм бӧрын кутіс гижны комиӧн. Кывбуръяссӧ да висьтъяссӧ йӧзӧдлісны «Йӧлӧга» газетын, «Чужан кыв» да «Арт» журналъясын, «Удора, Удора, кык мича ю дорын…» (2000) да «Сьӧлӧмшӧрӧй менам, Удора» (2009) сборникъясын. 2001 воын петіс сылӧн медводдза кывбур чукӧр[2].
2010 восянь пырӧ Россияса гижысь котырӧ.
Елена Афанасьевалысь кывбуръяссӧ роч кыв вылӧ вуджӧдлісны Екатерина Соколова, Евгений Козлов.
«Дуда Платтьӧа» небӧгсӧ шуӧма Коми Республикаын 2016-ӧд воын челядьлы медбур небӧгӧн[3].
Небӧгъяс
• Эжӧр-вежӧр: лыддьысян да мӧвпалан книга ичӧт класса велӧдчысьяслы. — Сыктывкар: КРИРОиПК, 2001. — 84 л.б.
• Лэбачӧс ки помысь верді: кывбуръяс. — Сыктывкар: КРИРОиПК, 2001.
• Мӧвпалан визьяс: ичӧт класса челядьлы лыддьысян нига дасьтігӧн чужӧм мӧвпъяс: велӧдысьлы небӧг. — Сыктывкар: КРИРОиПК, 2002. — 24 л.б.
• Енкӧлаӧ ыбӧс: [кывбуръяс: 1994—2008 воясӧ гижӧмъяс]. — Сыктывкар: Эскӧм, 2008. — 85 л.б.
• Каленик-лэбач: кывбуръяс. — Сыктывкар: Коми гижысь котыр, 2010. — 30 л.б.
• Ву: кывбуръяс, висьтъяс. — Сыктывкар: ООО "Издательство «Кола», 2014. — 65 л.б.
• Дуда Платтьӧа: Челядьлы висьтъяс / Пер. с коми С. Новикова. — Сыктывкар: «Арт» журнал редакция, 2016. — 104 л.б.
• «Дуда кимӧститчӧ» (2017), «Кутш» (2019), «Дуда чуксалӧ» (2021), «Тӧвся Дуда» (2022), «Синва пӧль» сборник (2025).
Наградаяс
• «Коми Республикалы 100 во» медаль (2021);
• А. Е. Ванеев нима литературнӧй премияа лауреат;
• Коми Республикаса Веськӧдлан котырлӧн И. А. Куратов нима премияа лауреат;
• «Слово» Национальнӧй премияа лауреат[4].
• Коми Республикаса Юралысьлӧн Почёт грамота (2017);
• Россияса гижысь котырлӧн Почёт грамота (2021);
• «Вося медбур небӧг» республикаса конкурсын лауреат (2017).
Пасйӧдъяс
- ↑ Афанасьева Елена Евгеньевна (рус.). НБРК. Шыӧдчан кадпас: 3 йирым тӧлысь 2025.
- ↑ Малева А. Елена Евгеньевна Афанасьева // Писатели Коми: биобиблиогр. слов. Т. 1. — Сыктывкар, 2017. — С. 51—54.
- ↑ В Коми выбрана «Лучшая книга года — 2017» (рус.). Комиинформ (25 косму тӧлысь 2018). Шыӧдчан кадпас: 3 йирым тӧлысь 2025.
- ↑ Елена Афанасьева (рус.). Наш современник. Шыӧдчан кадпас: 3 йирым тӧлысь 2025.
Литература
• FU-lab сайтын Е. Е. Афанасьева йылысь
• Коми гижысь котырлӧн сайтын Е. Е. Афанасьева йылысь
• «Арт» журналлӧн сайт
• Мартынов В. «Лов пыдӧсын дзирдалысь изъяс» // Арт. 2001. — № 4.
• Полякова Э. Мӧвпалана небӧг // Йӧлӧга. 2003. — 25 №.
• Шергина А. Радейтӧмыд вежӧ морттӧ // Коми му. 2002. Кӧч тӧлысь 7-ӧд лун.