Бабиков Макар Андреевич

Босьтӧма Рувикиысь
Видлалӧм гижӧд
Бабиков Макар Андреевич
Бабиков Макар Андреевич.jpg
Чужан лун 1921 вося сора тӧлысь 31-ӧд лун
Чужанін  Чилимдін сикт, Печора уезд, Кардор губерня,
Кулан лун 2009 вося урасьӧм тӧлысь 2-ӧд лун
Куланін  Москва, Россия
Канму  СССР
Войска сикас ВМФ
Служитан вояс 1940—1946
Звание
Полковник
Тышъяс/вӧйнаяс Айму вӧсна Ыджыд тыш
Советско-японскӧй война
Наградаяс да премияяс
Сӧветскӧй Союзса Герой
Ленин орден Гӧрд Дӧрапас орден Гӧрд Дӧрапас орден Айму вӧсна Ыджыд тышса орден
Гӧрд Кодзув орден Орден «Знак Почёта» Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» SU Medal For the Defence of the Soviet Transarctic ribbon.svg
«1941—1945 воясся Айму вӧсна Ыджыд тышын Германияӧс вермӧмысь» медаль SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg
Медаль «За победу над Японией» Медаль «Ветеран труда»

Бабиков Макар Андреевич (1921 вося сора тӧлысь 31-ӧд лун, Чилимдін районса Чилимдін сикт — 2009 вося урасьӧм тӧлысь 2-ӧд лун, Москва) — Айму вӧсна Ыджыд тышын (Войвыв флотлӧн 181 торъя разведывательнӧй отрядса разведчик) да Советско-японскӧй войнаын участвуйтысь (Лӧнь океанса флотлӧн торъя мога 140 торъя разведывательнӧй отрядса главнӧй старшина, взводса командир). Сӧветскӧй Союзса Герой (1945)[1].

Олантуй

• Макар Бабиков чужис Чилимдін районса Чилимдін сиктын 1921 вося сора тӧлысь 31-ӧд лунӧ.
• Школа помалӧм бӧрын уджаліс начальнӧй классъяс велӧдысьӧн, комсомол райкомын завотделын, а 1940 воын муніс армияӧ местнӧй газетса секретар-корректор чинысь[2].
• 1940 восянь ВМФ-ын. Помаліс Войвыв флотлысь ӧтувтӧм велӧдан отрядсӧ 1941 во заводитчигӧн да служитіс флотлӧн 58-ӧд торъя артиллерийскӧй дивизионса красноармеечӧн.
• 1941 вося лӧддза-номъя тӧлыссянь Айму вӧсна Ыджыд тышын, Войвыв флот вылын.
• 1942 вося лӧддза-номъя тӧлыссянь служитіс морякъяслӧн 4-ӧд торъя отрядын, мый подув вылын вӧлі котыртӧма флот штаблысь 181 торъя разведывательнӧй отряд. Тайӧ отрядас вӧлі отделениеса командирӧн, взводса командирӧн. Участвуйтіс противник тылӧ уна дас разведрейдын[3].
• 1942 восянь ВКП(б)-са член.
• Сӧветско-японскӧй война дырйи 1945 вося моз тӧлысьын десантникъяскӧд ветліс Юки (Унги), Расин (Расон), Гэндзан (Вонсан) портъясӧ. Лӧнь океанса флотлӧн торъя мога торъя разведывательнӧй отрядса взводса командир, главнӧй старшина.
• 1945 вося моз тӧлысь 13-ӧд лунӧ аслас боечьяскӧд медводдзаӧн пырис Сейсин портӧ (ӧні — Чхонджин), писькӧдчис прӧтивник тылӧ. Десантникъяс босьтісны пос, орӧдісны прӧтивниклысь бӧрыньтчан туйсӧ; Бабиков вӧлі ранитчӧма, но эз эновтчы тышысь, мыйысь бӧрынджык сылы вӧлі сетӧма Сӧветскӧй Союзса Геройлысь ним.
• 1946 восянь запасын.
• 1946-1948 воясӧ вӧлі комсомоллӧн Коми окружнӧй комитетса секретарӧн.
• 1951 воын помаліс ВКП(б) ЦК бердын Высшӧй партийнӧй школа, да регыд сійӧс бӧрйисны ВЛКСМ Коми окружнӧй комитетса медводдза секретарӧн.
• 1955 восянь — Коми АССР-ын КГБ Управлениеын кадръяс отделса начальник.
• 1959 восянь вӧлі КПСС-лӧн Печора карса комитетын медводдза секретарӧн.
• 1962 восянь — Коми АССР-са Министръяс Сӧветӧн веськӧдлысьӧс вежысь.
• 1963 восянь — Москваын, уджаліс КПСС ЦК-лӧн аппаратын.
• 1965 восянь — РСФСР-са Министръяс Сӧветлӧн аппаратын.
• 1986 восянь — пенсия вылын.
• Куліс Москваын 2009 вося урасьӧм тӧлысь 2-ӧд лунӧ[4]. Гуалӧма Москваын Троекуров шойнаын.

Гижан удж

• Морские разведчики. Сыктывкар, 1966;
• На восточном берегу. Сыктывкар, 1975 и 1985;
• Летом сорок первого. Сыктывкар, 1980 и 1985;
• Отряд особого назначения. Сыктывкар, 1986;
• Их не называли в сводках. Архивса копия 24 ода-кора тӧлысь 2011 Wayback Machine ресурсын М.: ДОСААФ 1987. 160 с.;
• Война в Арктике. 1991.

Наградаяс

• Сӧветскӧй Союзса Герой почёт ним (1945.09.14)[5]
• Ленин орден (1945.09.14)
• «Зарни Кодзув» медаль (номер 8771) (1945.09.14)
• Гӧрд Кодзувлӧн орден (1942.12.14)
• Гӧрд Дӧрапас орден (1944.04.10; 1944.10.20)
• Айму вӧсна Ыджыд тышса 1 тшупӧда орден (1985.03.11)
• «Почёт пас»

Паметь

• Чилимдінса шӧр школалы сетӧма М.А. Бабиковлысь ним[6];
• «Коми Гор» телеканал вӧчліс «Макар Андреевич Бабиков - Герой Советского Союза» кино: «Макар Андреевич Бабиков - Герой Советского Союза» RuTube-ын;
• Чилимдін районса Почёта гражданин[7].

Литература

• «Герои страны» проектын М.А. Бабиков йылысь
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои Советского Союза Военно-Морского Флота. 1937-1945. — М.: Воениздат, 1977.
• Золотухин, Владимир. «И все-таки мы выстояли!..» // Встретимся после задания. — М.: Издательство ДОСААФ, 1973. — С. 417-449. — 200 000 экз.
• Золотые Звёзды тихоокеанцев. — Владивосток, 1982.
• Сердца и звезды. — 2-е изд., доп. — Сыктывкар, 1971.
• Лурье В. М. Военно-морская разведка СССР (1918— 1960-е гг.). Справочник. СПб.: «ДМИТРИЙ БУЛАНИН», 2009. — 264 с., ил
• Александров А. Бабиков Макар Андреевич // Республика Коми. Энциклопедия Т. 1. — Сыктывкар: Коми книжное издательство, 1997. — С. 241. — 472 с. — ISBN 5-7555-0617-5.

Ыстӧгъяс

  1. ↑ Александров А. Бабиков Макар Андреевич // Республика Коми. Энциклопедия. Том I. — Сыктывкар: Коми книжное издательство, 1997. — С. 241.
  2. ↑ Владимиров Е. Макар Бабиков. Герой двух войн
  3. ↑ Книга памяти Республики Коми. Бабиков Макар Андреевич
  4. ↑ Скончался последний Герой Советского Союза из Коми Макар Бабиков
  5. ↑ Наградной документ
  6. ↑ МБОУ "Усть-Цилемская СОШ им. М. А. Бабикова"
  7. ↑ Почётные граждане района. Бабиков Макар Андреевич
Босьтӧма "https://kv.ruwiki.ru/w/index.php?title=Бабиков_Макар_Андреевич&oldid=453129"-ысь