Вихман Юрьё Йоосеппи

Юрьё Йоосеппи Вихманн
Юрьё Йоосеппи Вихманн
Чужан лун	1868-ӧд вося кӧч тӧлысь 8-ӧд лун
Чужанін	Лиминка, Суоми
Кулан лун	1932-ӧд вося ода-кора тӧлысь 3-ӧд лун (63 арӧс)
Куланін	Хельсинки, Суоми Му;
Канму	Россияса империя[d]; Суоми Му;
Уджаланін	Императорскӧй Александровскӧй университет
Велӧдчӧм	Александровскӧй университет[d];
Учёнӧй степень	философия доктор (1897)
Автограф
	Медиафайлы на РУВИКИ.Медиа

Видлалӧм гижӧд

Вихман Юрьё Йоосеппи (финн Yrjö Jooseppi Wichmann; 1868 вося кӧч тӧлысь 8-ӧд лун, Суоми, Лиминка — 1932 вося ода-кора тӧлысь 3-ӧд лун, Хельсинки, Суоми) — Суомиысь кыв, фольклор да этнография туялысь ^[4].

Олантуй

• Юрьё Вихман чужӧма 1868-ӧд вося кӧч тӧлысь 8-ӧд лунӧ Суомиын Лиминкаын.
• 1887–1891-ӧд воясӧ велӧдчӧма Хельсинки университетын, сэсся некымын во велӧдӧма финн кыв школаясын.
• 23 арӧсӧн медводдзаысь воліс Россияӧ, кӧні туяліс удмуртъяслысь сёрнисикасъяссӧ. Оліс 1891 воын Большой Карлыган грездын (ӧні — Мари Эл) удмурт просветитель Андреев Кузьма Андреевич дорын.
• 1894 воын Вихманн мӧдысь воис туявны мари кыв.
• 1901 воын воліс Коми муӧ, уджаліс Казаньса архивъясын, кытысь аддзис уна материал финн-йӧгра кывъяс да войтыр йылысь. Колӧ пасйыны, мый тайӧ кад кежлӧ Вихман тӧдіс нин коми кыв, сійӧс велӧдіс 1894 воын Гельсингфорсын военнӧй моряк, изьватас Григорий Терентьев^[5].
• Сэсся Юрьё Вихманн ветліс Венгрияӧ. Тані велӧдіс маддяр кыв да 1905 воын гӧтрасис венгерка Юлия вылӧ (Julia Maria Wichmann), сійӧ вӧлі этнографӧн специальносьт сертиыс.
• 1905-1906 воясӧ сійӧ коймӧдысь воис Россия империяса мари муясӧ гӧтырыскӧд нин ӧтлаын. Оліс да чукӧртіс материал Яранск уездса сиктъясын. Суомиӧ воӧм бӧрын Хельсинки университетын систематизируйтіс чукӧртӧм материал.
• 1897-ӧд воын дорйӧма доктор ним вылö диссертация. Нимыс — «К истории вокализма первого слога в удмуртского языка в сопоставлении с зырянским» (йöзöдöма 1915 воын).
• 1915-ӧд воын лоӧма Хельсинки университетын финн-йöгра кывъясысь доцентöн.
• Кулӧма 1932-ӧд вося ода-кора тӧлысь 3-ӧд лунӧ Хельсинкиын^[6].

Коми муӧ волӧм

1901—1902 воясын Вихман вöлi Коми муын командировкаын. Коми муӧ мӧдӧдчис 1901-ӧд вося кӧч тӧлысь 14-ӧд лунӧ и Суомиӧ бӧр воис 1902-ӧд вося моз тӧлысь 23-ӧд лунӧ.

Ю.Й. Вихман вӧлі Усть-Сысольскын, Визинын, Абъячойын, Ношульын, Леткаын да коми пермякъяслӧн Юсьвасиктын. Ветлӧдлігас чукӧртіс коми йӧзыслысь сёрнисикасъяссӧ, туяліс коми грамматика.

Коми муӧ волӧм йылысь сійӧ гижис ыджыд отчёт^[7]. Экспедиция йылысь отчёт серти учёнӧй чукӧртіс ыджыд материал водзӧ видлалӧм вылӧ: Удораса, шӧр Эжваса, Сыктывса, Луздорса, Печораса, Леткаса да улыс Эжваса сёрнисикас серти вит ыджыд да куим ичӧт кывкуд, а сідзжӧ 6 сёрнисикас (Удораса, шӧр Эжваса, Печораса, Сыктывса, Лузаса да перым) морфология кузя пасйӧдъяс. Интереснӧ Перымса Степанӧс да сійӧ кад кежлӧ важ коми став кольӧм гижӧдъяссӧ казьтылӧмыс. Вихманн отчётын лингвистическӧй да этнографическӧй пасйӧдъяс дорын эмӧсь авторлӧн донъялан ремаркаяс. Шуам, сійӧ сьӧлӧмсяньыс нимкодясьӧ коми войтырӧн. Сідз, сійӧ пасйӧ, мый отставнӧй салдат В. Микушев велӧдіс сійӧс зыран кывйӧ «добросовестнӧя да зіля», а Иван Куратовлӧн кывбуръяслӧн поэтичность йылысь сёрнитігӧн (Иоганн Куратов, кыдзи машинальнӧя вуджӧдӧ поэтлысь нимсӧ авторыс), Вихманн казьтылӧ Шиллерлысь, Гейнелысь, Бернслысь да весиг Горацийлысь комиӧдӧмъяссӧ^[8].

Став чукӧртӧм материалысь Хельсинкиын 1916-ӧд воӧ сійӧ лэдзис «Коми-зыряналӧн йӧзкостса поэзия» небӧг. Сэтчӧ пырисны 60 мойд, 36 кывбур, 43 сьыланкыв, 15 бӧрдӧдчанкыв, 191 шусьӧг да ӧкмыс сёрнисикасӧн 278 нӧдкыв.

Тайӧ вӧлі Ю.Й. Вихманлӧн вывті тӧдчана уджӧн, кӧні петкӧдчис коми кывйыс да сылӧн сёрнисикасъясыс аслас озырлуннас да коланлуннас. Ас кадӧ босьтчывліс сійӧ вӧчны и коми-немеч кывчукӧр, во эз удит, кувсис. И сылысь уджсӧ помаліс сылӧн велӧдчысьыс – Т.Э. Уотила. Кывчукӧрсӧ вӧлі лэдзӧма Хельсинкиын 1942 воӧ. Кывчукӧрсӧ лӧсьӧдіс коми сёрнисикасъяс пыртӧмӧн, кӧнi 10 сюрс кыв. Вихман торйӧдӧма Луздор сёрнисикас да Леткаса сёрнисикас, ӧні найӧс видлалӧны кыдз Луза-Леткабердса сёрнисикас. Сетӧма кывъяс дорас зэв лӧсялана зумыд кывтэчасъяс. Кывъясыслысь вежӧртассӧ орччӧдӧма немеч кывйӧн, роч кывйӧн, финн кывйӧн да удмурт кывйӧн. Вежӧртассӧ восьтӧма сё сайӧ коми кывлысь.

Ӧніӧдз на финнъяс, да и коми йӧзыс, лыддьӧны сійӧ финн-йӧгра кывъя учёнӧйяс пиысь медся тӧдчана да нималана туялысьӧн.

Тӧдчанлун да почёт нимъяс

Вихманн вӧлі Россияса да суйӧрсайса уна научнӧй котырӧ пырысьӧн. Вӧлі Суомиса наукаяс академиялы подув пуктысьясысь ӧтиӧн, финн-йӧгра котырӧ пырысьӧн (1908 восянь), Венгрияса этнографическӧй котырлӧн иностраннӧй членӧн (1908 восянь) да Венгрияса лингвистическӧй котырлӧн почётнӧй членӧн (1912 восянь), Россияса естествознание да этнография радейтысьяслӧн котырӧ пыр пырысьӧн (1911 восянь), Калевала котырӧ пырысьӧн (1919 восянь), Венгрияса наукаяс академиялӧн иностраннӧй членӧн (1921 восянь), Чужан кыв котырса член-корреспондентӧн (1926 восянь), Эстония туялан котырса почётнӧй членӧн (1932 восянь), Марбург университетса почётнӧй докторӧн (1927 восянь).

Наградаяс

• Венгрия водзын заслугаяс орденлӧн II степеня крест (1927);
• Суомиса Еджыд Роза орденлӧн I тшупӧда Рыцар крест (1928).

Небӧгъяс

• Wotjakische Sprachproben I: Lieder, Gebete und Zaubersprüche. XX+200 S. Helsingfors, 1893;
• Rätsel, Märchen, Sagen und Erzählungen II: IV + 200 S. Helsingfors, 1901;
• Wotjakische Chrestomathie mit Glossar. Helsingfors, 1901;
• Die tschuwassischen Lehnwörter in den permischen Sprachen. Helsingfors, 1903;
• Zur Geschichte des Vokalismus der ersten Silbe im Wotjakischen mit Rücksicht auf das Syrjänische. Helsinki, 1915.

Ӧшмӧсъяс

• Кельмаков В. Юрьё Вихман и вопросы удмуртского языкознания // Пермистика 2. — Ижевск, 1991.
• Мартынов В.И. Литераторы земли Коми. Биобиблиографический словарь-справочник. — Сыктывкар: Изд-во «Эскӧм», 2000. — С. 52, 100.
• Плоскова М.А., Колегова Н.В. Суомисянь Комиӧдз: Ю.Й. Вихманлы 135 во. Уроксӧ вӧчӧма коми кыв, литература, фольклор, история, география предметъяс подулалӧмӧн. – Сыктывкар: КРИРОиПК, 2004. — 32 л.б.
• Туркин А.И. Вихман Юрьё Йоосеппи // Коми язык. Энциклопедия / Отв. ред. Федюнёва Г.В. — Москва, 1998. — С. 57—60.
• Родники пармы. Научно-популярный сборник. Выпуск 4. — Сыктывкар: Коми кн. изд-во, 1996. — С. 260—261.
• Вихманн Юрье Йосеппи Архивса копия 19 йирым тӧлысь 2016 Wayback Machine ресурсын
• Научные исследования финского ученого Юрьё Вихманна на земле Коми Архивса копия 18 йирым тӧлысь 2016 Wayback Machine ресурсын

Ыстӧгъяс

↑ Bibliothèque nationale de France Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
↑ http://data.bnf.fr/10597365/yrjo_wichmann/
↑ LIBRIS — 2012.
↑ Туркин А. Вихман Юрьё Йоосеппи // Коми язык. Энциклопедия.. — М.: ДИК, 1998. — С. 57-60.
↑ Владимиров Е. Юрьё Вихманн. Ценитель народной речи
↑ Yrjö Wichmann (1868-1932) (англ.). data.bnf.fr. Шыӧдчан кадпас: 22 моз тӧлысь 2017. Архивируйтӧма 6 кӧч тӧлысь 2017.
↑ Wichmann Yrjö. Kurzer Bericht über eine Studienreise zu den Syrjänen 1901-1902
↑ Юрьё Вихманн

[_306364be123a56fa-1] Bibliothèque nationale de France Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.

[_2c0e2935b30867d1-2] ttp://data.bnf.fr/10597365/yrjo_wichmann/

[_2663afef18a8bc6b-3] LIBRIS — 2012.

[4] Туркин А. Вихман Юрьё Йоосеппи // Коми язык. Энциклопедия.. — М.: ДИК, 1998. — С. 57-60.

[5] Владимиров Е. Юрьё Вихманн. Ценитель народной речи

[6] Yrjö Wichmann (1868-1932) (англ.). data.bnf.fr. Шыӧдчан кадпас: 22 моз тӧлысь 2017. Архивируйтӧма 6 кӧч тӧлысь 2017.

[7] Wichmann Yrjö. Kurzer Bericht über eine Studienreise zu den Syrjänen 1901-1902

[8] Юрьё Вихманн

[1]

[2]

[3]

[4]

[5]

[6]

[7]

[8]