Забоева Феоктиста Ивановна

Рувикиын эмӧсь мукӧд йӧз йылысь статьяяс, кодъяслӧн овыс Забоев.

Забоева Феоктиста Ивановна
Чужан лун	1850-ӧд вося вӧльгым тӧлысь 28-ӧд лун
Чужанін	Усть-Сысольск
Кулан лун	1943
Куланін	Выльгорт, Коми АССР, РСФСР, Сӧветскӧй Социалистическӧй Республикаяслӧн Союз
Страна	Россияса империя  Сӧветскӧй Социалистическӧй Республикаяслӧн Союз
Мыйся уджыс	школаын велӧдысь, фольклор чукӧртысь, вуджӧдчысь

Забоева Феоктиста Ивановна (1850-ӧд вося вӧльгым тӧлысь 28-ӧд лун, Усть-Сысольск — 1943) — коми гижысь, велӧдысь.

Олантуй

Феоктиста Забоева чужӧма 1850-ӧд вося вӧльгым тӧлысь 28-ӧд лунӧ Усть-Сысольскын. Батьыс — мӧд гильдияса купеч Иван Назарович Забоев (1814—1908); мамыс — Анна Степановна Лыткина (1823) — коми кыв туялысь Георгий Лыткинлӧн чойыс. Помавлӧма Усть-Сысольскса приходскӧй училишӧ, женскӧй второразряднӧй училище (1868–1872) , сэсся Совдорын велӧдысьяслысь курсъяс 1872-ӧд воын.

Матӧ нелямын во велӧдӧма Сыктывдін районса Выльгорт школаын, кӧні велӧдчысьяс лыдас вӧлӧмаӧсь тшӧтш Каллистрат Жаков да Василий Налимов.

Комиӧдӧма Библияысь юкӧнъяс, мый вӧлі йӧзӧдӧма торъя небӧгӧн «Начатки христианского православного учения» ним улын. 1914-ӧд воын сылы сетӧма «За усердие» зарни медаль. Нелямын вося велӧдӧмкӧд йитӧдын Усть-Сысольск земскӧй собранньӧ шуӧмӧн сылысь портретсӧ вӧлі ӧшӧдӧма выльгортса школаын.

Георгий Лыткинлӧн корӧм серти чукӧртӧма коми фольклор. Гижӧма Иван Куратов да Усть-Сысольскса XIX нэм шӧрся олӧм йылысь казьтылӧмъяс. Найӧс коми гижысь, историк П.Г. Доронин йӧзӧдӧма «Войвыв кодзув» журналын. 1939-ӧд воын Ф.И. Забоева сетӧма Павел Доронинлы коми поэт Пётр Клочковлысь видзӧм кывбуръяссӧ, мый вӧлі йӧзӧдӧма «Войвыв кодзув» журналын 1961-ӧд воын. Сылысь казьтылӧмъяссӧ видзӧны Коми Республикаса Вужвойтырлӧн архивын.

Кувсис сійӧ 1943 воын 93 арӧсӧн. Дзебӧмаӧсь Выльгортса шойна вылӧ.

Литература

• Торопова Л., Малыхина А.Г. Краткие сведения о храмах и причтах церковных Коми края. Сыктывкар.
• Бондаренко О. Е. Рассказы по истории Коми края. – Сыктывкар, 2010. – С. 98-103.
• Волокитина О. Н. Загляните в семейный альбом // Родники пармы. – Сыктывкар, 1996. – Вып. 4. – С. 257-264.
• Город Сыктывкар : энциклопедия / [рук. проекта, науч. ред. М. П. Рощевский]. – Сыктывкар : Коми научный центр УрО РАН, 2010. – С. 89.
• Жаков К. Ф. Сквозь строй жизни. – СПб, 1912. – Т. 1. – С. 30.
• Забоева Ф. Первые шаги женского образования в гор. Устьсысольске (по личным воспоминаниям) // Коми му. – 1924. – № 7-10. – С. 48-50.
• Из воспоминаний учительницы Ф. И. Забоевой // Войвыв кодзув. – 1955. – № 12. – С. 57-60.
• Рогачев М. Б. Столица зырянского края : очерки истории Усть-Сысольска конца XVIII - начала XX веков. – Сыктывкар: Коми книжное издательство, 2006. – С. 83-85.
• Рощевский М. П. Градоначальники Сыктывкара в портретах / М. П. Рощевский, Л. П. Рощевская. – Сыктывкар : Коми науч. центр УрО РАН, 2003. – С. 12-13.
• У истоков народного просвещения Коми края : книга об учителях Усть-Сысольского уезда Вологодской губернии / автор-составитель: Е. В. Поляков ; научный редактор: Э. И. Полякова, канд. пед. наук. – Сыктывкар : КРИРО, 2021.

Ыстӧдъяс