Куклина Раиса Ильинична
| Куклина Раиса Ильинична | |
|---|---|
 | |
| Чужан лун | 1951-ӧд вося кӧч тӧлысь 16-ӧд лун |
| Чужанін | |
| Кулан лун | 2018-ӧд вося лӧддза-номъя тӧлысь 4-ӧд лун (66 арӧс) |
| Куланін | |
| Страна | |
| Мыйся уджыс | литературовед, поэт, гижысь |
Куклина Раиса Ильинична (1951-ӧд вося кӧч тӧлысь 16-ӧд лун, Сыктывкар, Коми Автономнӧй Сӧветскӧй Социалистическӧй Республика — 2018-ӧд вося лӧддза-номъя тӧлысь 4-ӧд лун, Сыктывкар) — коми кывбуралысь да литература туялысь. Гижӧма комиӧн да рочӧн.
Олантуй
Раиса Куклина чужӧма 1951-ӧд вося кӧч тӧлысь 16-ӧд лунӧ Сыктывкарын. Тані жӧ помалӧма 2-ӧд номера школа. 1970—1973-ӧд воясӧ уджалӧма телеграфистӧн. Сэсся лоӧма «Югыд туй» газет редакцияын машинисткаӧн. 1973—1978-ӧд воясӧ велӧдчӧма Коми пединститутса филология факультетын уджысь орӧдчытӧг. Институт помалӧм бӧрын 1978-ӧд воын пырӧма уджавны СССР-са наукаяс академиялӧн Коми филиалысь Кыв, литература да история институтса кыв секторӧ старшӧй лаборантӧн. 1980—1983-ӧд воясӧ велӧдчӧма СССР-са наукаяс академиялӧн Коми филиалса очнӧй аспирантураын «СССР-са войтырлӧн литература» специальносьт серти. 1987-ӧд восянь уджаліс фольклор да литература секторын младшӧй научнӧй сотрудникӧн, 1992-ӧд восянь — литературоведение юкӧдса научнӧй сотрудник должносьтын[1].
2007 воын петӧма пенсия вылӧ. Кулӧма 2018-ӧд вося лӧддза-номъя тӧлысь 4-ӧд лунӧ[2].
Туясян удж
Диссертация темаыс — «Комедия как ведущий жанр коми драматургии». Туялӧма коми драматургиялысь аслыспӧлӧслунсӧ, поэтикасӧ да жанръяссӧ.
Р. И. Куклиналӧн медводдза йӧзӧдӧм уджӧн вӧлӧма В. А. Латышевалӧн «Драматургия и жизнь» небӧг вылӧ рецензия, мый петавлӧма 1986-ӧд воын «Войвыв кодзув» журналын (2 №). Сы бӧрын тшӧкыда гижлӧма коми литература, драматургия да национальнӧй театр йылысь.
Гижан удж
Р. И. Куклина гижис кывбуръяс комиӧн да рочӧн. Аслас гижан сям йывсьыс восьсӧн юӧртӧма 1997 воын. Кывбуръясыс петавлісны «Войвыв кодзув» журналын, «Коми му» газетын, «Сыктывкар» да «Летящей мысли светлый луч» литературнӧй альманахъясын, «Уна рӧма сикӧтш» (2002), «ӧтувъя керка» (2001) ӧтувъя чукӧръясын.
Некымын кывбур вуджӧдӧма эст кыв вылӧ да йӧзӧдӧма «Пӧсь вой» чукӧрын (2006).
Раиса Куклиналӧн комиӧн петавлісны «Тэ менам шондіӧй» (2001) да «Ловзьысь муслун» (2012) чукӧръяс, комиа-рочӧн — «Ты и я» (2005) да «Эн дивит тэ менӧ» (2007) небӧгторъяс, рочӧн — «Весенние напевы» небӧг (2008).
Небӧгъяс
• Тэ менам шондіӧй: кывбуръяс. — Сыктывкар: Коми небӧг лэдзанін, 2001. — 24 л.б. («ӧтувъя керка» кывбур чукӧрысь)
• ТЫ и Я: кывбуръяс. — Сыктывкар: Геопринт, 2005. — 52 л.б. (рочӧн да комиӧн)
• Эн дивит тэ менӧ…: кывбуръяс. — Сыктывкар: Эскӧм, 2007. — 96 л.б. (комиӧн да рочӧн)
• Весенние напевы: стихи / Предисл. А. Г. Елфимовой. — Сыктывкар: КРИРОиПК, 2008. — 32 л.б. (рочӧн) (50 экз.)
• Ловзьысь муслун: кывбуръяс. — Сыктывкар: Коми Республикаса гижысь котыр, 2012. — 32 л.б.
Туясян уджъяс
• Куклина Р. И. Жанрово-стилевое своеобразие современной коми комедии // XVII Всесоюзная финно-угорская конференция. Археология, антропология и генетика, этнография, фольклористика, литературоведение: Тезисы докладов. — Устинов, 1987. — Ч. 2. — С. 332—334.
• Куклина Р. И. Отражение языковой ситуации в речи героев коми драматургии // Стефан Пермский и современность. — Сыктывкар, 1996. — С. 69-73
Пасйӧдъяс
- ↑ Куклина Раиса Ивановна // Учёные Института языка, литературы и истории Коми научного центра УрО РАН: Биографический справочник / Сост. И. Л. Жеребцов. — Сыктывкар, 2000. — С. 99.
- ↑ Куклина Раиса Ильинична (рус.). Музей КНЦ. Шыӧдчан кадпас: 11 вӧльгым тӧлысь 2025.
Литература
• «Коми тӧданін» сайтын Р. И. Куклина йылысь
• Куклина Раиса Ивановна // Ученые Института языка, литературы и истории Коми научного центра УрО РАН: Биографический справочник / Сост. И. Л. Жеребцов. — Сыктывкар, 2000. — С. 99.