Маркова Галина Петровна

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Марков.
Маркова Галина Петровна
Маркова Галина Петровна.jpg
Чужан лун 1950-ӧд вося вӧльгым тӧлысь 23-ӧд лун(1950-11-23) (75 арӧс)
Чужанін
Страна
Мыйся уджыс кинорежиссёр, сценарист

Маркова Галина Петровна (1950-ӧд вося вӧльгым тӧлысь 23-ӧд лун, Абъячой, Коми АССР) — журналист, сценарист, телережиссёр, Россияса культураын нимӧдана уджалысь (2011 во)[1].

Олантуй

Галина Маркова чужис Коми АССР-ын Луздор районса Абъячойын 1950-ӧд вося вӧльгым тӧлысь 23-ӧд лунӧ. Помалӧма Абъячойса шӧр школа, Коми канмуса педагогика институтысь филология факультет (1974). Институт помалӧм бӧрын уджаліс Изьва районса школаясын.

Галина Петровна Маркова 1977 вося рака тӧлыссянь 2004 вося лӧддза-номъя тӧлысьӧдз уджаліс «Коми гор» ГТРК-ын редакторӧн, сэсся — старшӧй редакторӧн. 2004 вося лӧддза-номъя тӧлысьсянь 2008 воӧдз уджаліс редакторӧн — режиссёрӧн «Юрган» Коми Республикаса телевизионнӧй каналын. Сэсся уджаліс асшӧра, дасьтіс документальнӧй кинояс грантъяс вылӧ.

Фильмография

Коми телевидениеын медводдзаяс лыдын босьтчӧма снимайтны коми фольклор серти уджъяс. Коми йӧзлӧн традицияяс да обрядъяс йылысь «Кӧка войяса му» телефильмысь «Фин-йӧгра войтырлӧн I войтыркостса телефестиваль» дырйи 1991-ӧд воын сетӧма медшӧр приз. Фильмсӧ вӧлі петкӧдлӧма Россияса шӧр каналъясті да Венгрияын. 1995-ӧд воын тайӧ фильмыс вӧлі петкӧдлӧ Рочмунымӧс «Радуга» ставмирса телефестивальын.

Г. П. Маркова вӧліс «Финно-угорский мир» (1993) ӧтувъя тележурнал котыртысьяс лыдын.

Медшӧр уджъяс (кинояс)
  • «Трипан Вась» (Тима Вень висьт серти);
  • «Под Большой медведицей» (изьва-колваса эпос серти);
  • «Я хочу жить в тундре» (1999)— «Зарни бубен» нёльӧд войтыркостса телефестивальын босьтіс 1 тшупӧда диплом, «Дети и экология: 21 век» ставмирса II телефестивальын вермис «челядьлы медбур фильм» номинацияын;
  • «Колесо времени» телепроект ӧтувтӧ вит фильм, кӧні петкӧдлӧма комияслӧн во гӧгӧрся йӧзкостса праздникъяс да керка кыпӧдӧм;
  • коми гижысь-романист В. В. Юхнинлӧн «Бианюр» повесьт серти фильм;
  • «Сотворить чудо» телевизионнӧй фильм шедӧдіс «Разум: 21 век» ставрочмувывса телефестиваль вылын 1 Гран-при — Михаил Бурдин музыкант йылысь, 2001 во;
  • «Бобӧ-бобӧ» — кага дорӧ шыӧдчӧм — 1995 воын Рязань карын телевизионнӧй уджтасъяслӧн регионса фестивальын лауреат;
  • «Элеонора Савельевалӧн ордымъяс» телефильм — Коми Республикалӧн канмулунлы 80 во тырӧмлы сиӧм «Менам республика: йӧз да налӧн олӧм» республикаса конкурслӧн медбур журналистскӧй гижӧдысь диплом;
  • «Контр-адмирал из Прилузья»;
  • «Аргыш идет в тундру»;
  • «Праздник охотников»;
  • «Праздник оленеводов»;
  • «Медвежий праздник»;
  • «Луза дорса гаж»;
  • «Этот простой, удивительный Василий Васильевич»;
  • «Югыд шонді, Пётр Васильевич»;
  • «Здесь я родился, у красных рябин» — поэт Виктор Кушманов йылысь;
  • «Луздор Вась» — медводдза коми романист Василий Васильевич Юхнин йылысь (2004);
  • «Самородок земли коми» — Коми КПСС обкомса медводдза секретар Иван Павлович Морозов йылысь (2004);
  • «Оперный премьер. Владимир Ванеев» (2005) — Абъячойын чужӧм Мариинскӧй театрын сьылысь Владимир Ванеев йылысь; 2005 воын Ханты-Мансийскын Финн-йӧгра войтыръяслӧн 12-ӧд войтыркостса телефестиваль вылын лоис вермысьӧн «Национальнӧй культура йылысь медбур фильм» номинацияын;
  • «Коми гижысь Елена Козлова» — «Культураын герой» номинацияын «Культура да журналистика» республикаса творческӧй конкурсын фильм-вермысь (2006);
  • «Герой „неизвестной“ войны» — Коми АССР-ын Сӧветскӧй Союзса медводдза Герой Иван Петрович Марков йылысь (2006). Сӧветско-финскӧй война йылысь фильм, кӧні И. П. Марков лоис Геройӧн. Дыр кад чӧж йӧзлы петасъясын да йӧзӧс юӧртан средствоясын та йылысь пӧшти нинӧм эз висьтавлыны;
  • «Писатель Александр Рекемчук» (2007) — нималана роч гижысь, коді заводитіс творческӧй уджсӧ Коми АССР-ын «Красное Знамя» газетын. Финн-йӧгра войтыръяслӧн войтыркостса телефестивальлӧн фильм-лауреат (2007);
  • «Хранительница памяти» — культурология доктор Майя Ивановна Бурлыкина йылысь (2004);
  • «Главный балетмейстер» — Коми Республикаса опера да балет театрса балетмейстер Любовь Сизова йылысь;
  • «Фермер Надырханов» (2005);
  • «Коми писатель Юрий Васютов» (2006);
  • «Коми поэт Владимир Попов» (2006);
  • «Коми поэт и учёный Владимир Ванеев»(2006);
  • «Путь к роднику» — Аркадий Пантелеймонович Калимов йылысь (2006);
  • «Археолог Клим Королёв» (2007);
  • «Коми ученый Адольф Туркин» (2007);
  • «Народный писатель Геннадий Юшков» (2007);
  • «Жеребцовы» (коми туялысьяс династия йылысь);
  • «Профессор Большаков» (2006);
  • «Герой Советского Союза Николай Оплеснин» (2012);
  • «Профессор А. К. Микушев» (2016);
  • «Рождественские игрища коми» (2014) ;
  • «Белые ночи земли коми» (2014);
  • «Шондібанӧй олӧмӧй» (2012);
  • «Осень — земли краса» (2014);
  • «Осень — время свадеб» (2013);
  • «Лузская пермца, или «Алая лента Прилузья» (2012);
  • «Луд в Ижме» (2013);
  • «300 лет с. Прокопьевка Прилузского района» (2012);
  • «Рождественские игрища в Прокопьевке»(2009);
  • «Коми в Санкт-Петербурге» (2010);
  • «Гажа коми ворсӧмъяс» (2007);
  • «Одно счастье на двоих» (2011);
  • «Мы помним коми народные игры» (2018)
  • «Поэт Олег Чупров» (2019) — Петыркарлӧн кып автор йылысь;
  • да уна мукӧд.

Проектъяс

Г. П. Маркова 2011 воын лоис вермысьӧн Печӧра ю катыдын вӧрзьӧдтӧм вӧръяслысь биоразнообразиесӧ видзӧм могысь Коми Республикаса торйӧн ёна видзан вӧр-ва мутасъяслысь система ёнмӧдӧм кузя ООН-лӧн ГЭФ (Глобальнӧй экологическӧй фонд) уджтаслӧн проектнӧй конкурсын 2 грант серти. Медводдза проектын Г. П. Марковалӧн могӧн вӧлі котыртны Коми Республикаса электроннӧй да печатнӧй йӧзӧс юӧртан средствоясын журналистъяслысь материалъяс, кутшӧмъяс йитчӧмаӧсь Печӧра ю катыдын вӧрзьӧдтӧм вӧръяслысь биоразнообразие видзан да Коми Республикаса гӧгӧртас видзан юкӧнын йӧзӧс паськыда тӧмӧдӧмкӧд. Та вӧсна республикаса да районса газетъясын, сайтъясын да порталъясын, телевидениеын да радиоын йӧзӧдӧма индӧм тема вылӧ 100 сайӧ удж, на лыдын 7 статья гижысьӧн вӧлі Г. П. Маркова. Тайӧ ыджыд проектлӧн бӧртасӧн лоис журналистъяслӧн «Миянлы да внукъяслы» республикаса конкурс нуӧдӧм. Мӧд грантыс вӧлі вичмӧдӧма «Лузская пермца, или Алая лента Прилузья» нима фильм да книга вӧчӧм вылӧ (этнотуризм сӧвмӧдӧм вылӧ).

Грантъяс серти 2019 воӧдз вӧлі дасьтӧма 22 документальнӧй кино.

Общественнӧй удж

  • 7 во чӧж веськӧдліс «Землячество Прилузья» ӧтмунӧмӧн.
  • 2016 восянь 2022 воӧдз вӧлі ветеран-журналистъяслӧн Сыктывкарса ӧтйӧза организацияӧн веськӧдлысьӧн (Коми Республикаса журналистъяслӧн медводдза организация).
  • Галина Петровнаӧс бӧрйылісны 2018 воын Москваын Россия Федерацияса журналистъяслӧн котырлӧн юбилейнӧй съездвывса делегатӧн.

Наградаяс

  • Коми Республикаса нимӧдана уджалысь (1997 во),
  • Россияса культураын нимӧдана уджалысь (2011 во),
  • Коми Республикаса канму премия босьтысь (2000 во) — «Югыд кодзув» телеуджтасысь,
  • Коми Республикаса Веськӧдлан котырлӧн премияа лауреат (2006) — «Имена» документальнӧй фильмъясысь,
  • «Уджын заслугаясысь» медаль,
  • «Сыктывкарса почёта ветеран» ним,
  • Луздор районса Почёта гражданин[2],
  • Ставроссияса канму телевидение да радиовещание компаниялӧн Почёт грамота,
  • Коми Республикаса культура министерстволӧн, Коми наука шӧринлӧн, Коми Республикаса профсоюзъяс обкомлӧн, Коми Республикаса бӧрйысян комиссиялӧн, «Коми гор» ГТРК-лӧн, Коми Республикаса национальнӧй политика министерстволӧн, видз-му овмӧс министерстволӧн Почёт грамотаяс
  • Коми Республикаса Юралысьлӧн, Иван Павлович Морозов нима Коми Республикаса ӧтйӧза фондлӧн да Коми Республикаса Каналан Сӧветлӧн аттьӧалӧмъяс,
  • сылысь нимсӧ пыртӧма «Коми Республикаса энциклопедияӧ» да Сыктывкарса университетлӧн энциклопедияӧ,
  • «Красное знамя», «Трибуна», «Знамя труда», «Искра — твоя городская газета» газетъясын йӧзӧдӧмъясысь «Миянлы да внукъяслы» Коми Республикаса журналистъяслӧн конкурсын лауреат (2010),
  • 28 уна сикас войтыркостса да ставрочмувывса телевизионнӧй фестивальын да республикаса конкурсын призёр да вермысь. Сылысь уна удж петкӧдлісны Россияса, Эстонияса, Венгрияса, Финляндияса, Швецияса шӧр телеканалъясті.

Ыстӧгъяс

  1. ↑ Маркова Галина Петровна // Республика Коми. Энциклопедия. Том III. — Сыктывкар: Коми книжное издательство, 2000. — С. 375—376.
  2. ↑ Маркова Галина Петровна (рус.). Администрация Прилузского района. Шыӧдчан кадпас: 22 ода-кора тӧлысь 2026.

Литература

Босьтӧма "https://kv.ruwiki.ru/w/index.php?title=Маркова_Галина_Петровна&oldid=482041"-ысь