Марков Иван Петрович
| Марков Иван Петрович | ||||
|---|---|---|---|---|
 | ||||
| Чужан лун | 1913 вося косму тӧлысь 11-ӧд лун | |||
| Чужанін | Луздор районса Спаспоруб сикт | |||
| Кулан лун | 1941 вося сора тӧлысь | |||
| Куланін | Беларусь | |||
| Канму |
 СССР |
|||
| Войска сикас | артиллерия[d] | |||
| Служитан вояс | 1935—1941 | |||
| Звание |
 |
|||
| Тышъяс/вӧйнаяс | ||||
| Наградаяс да премияяс |
|
|||
Марков Иван Петрович (1913 вося косму тӧлысь 11-ӧд лун (сора тӧлысь 11-ӧд лун), Луздор районса Спаспоруб — 1941 вося сора тӧлысь, Беларусь) — старшӧй лейтенант, Айму вӧсна Ыджыд тышын участвуйтысь, Комиысь Сӧветскӧй Союзса Герой (1940). Сылы медводдзаӧн Коми муын чужлӧмаясысь вӧлі сетӧма Сӧветскӧй Союзса Геройлысь ним[1]. Коми Республикаса Почёта гражданин (2015).
Коми Республикаса Юралысьлӧн 2015 во моз тӧлысь 19 лунся 97 №-а Индӧдӧн сетӧма «Почёта гражданин» Коми Республикаса медвылыс почёт ним (кувсьӧм бӧрас).
Олантуй
Иван Марков чужис Луздор районса Спаспоруб сиктын 1913 вося косму тӧлысь 11-ӧд лунӧ[1][2] (мӧд ӧшмӧсъяс серти сійӧ чужӧма сора тӧлысь 11-ӧд лунӧ[3][4][5]) гӧль коми кресьтяна уна челядя семьяын. Пётр Михеевичлӧн да Акулина Дмитриевналӧн вӧлі сизим челядь — квайт пи да ныв[6]. Велӧдчӧма Коми канмуса педагогика институтса рабфакын. 1935 воын Марковӧс босьтӧмаӧсь служитны Гӧрд Армияӧ. 1938 воын помалӧма Ленинградса I артиллерийскӧй училишӧ. Участвуйтіс Гӧрд Армиялӧн Польшаӧ пырӧмын[7].
Участвуйтіс сӧветско-финскӧй вӧйнаын, вӧлі Рытыв-Войвыв фронтса 7-ӧд армиялӧн 113-ӧд стрелкӧвӧй дивизияса 451-ӧд артиллерийскӧй полкса дивизионлӧн разведкаса начальникӧн. 1940 вося рака тӧлысь 8-ӧд лунӧ Туркинсаари ді (ӧні — Овчиннӧй) вӧсна тышын враглӧн ён би улын петіс водзӧ да корректируйтіс фин позицияяс кузя сӧветскӧй артиллериялысь бисӧ. Рака тӧлысь 9-ӧд лунӧ сы отсӧгӧн вӧлі бӧрыньтӧдӧма фин контратака. Тышлӧн медсьӧкыд здукас Марков ачыс кыпӧдіс пехотинечьясӧс атакаӧ[8].
СССР-са Медвылыс Сӧвет Президиумлӧн 1940 во косму тӧлысь 11-ӧд лунся Индӧдӧн «фин белогвардеечьяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да геройство петкӧдлӧмысь» лейтенант Иван Марковлы вӧлі сетӧма Сӧветскӧй Союзса Герой ним Ленин орденӧн да 422 №-а «Зарни Кодзув» медальӧн.
Ранитчӧм бӧрас Иван Петрович Марков веськалӧма бурдӧдчыны Крымӧ, а 1941 вося тӧвшӧр тӧлысьын воӧма отпускӧ чужанінас. Сэк кежлӧ сы йылысь, Коми АССР-ысь медводдза Герой йылысь, юӧрыс паськаліс нин республика пасьтала[6].
Сыктывкарын Иван Петрович Марковлы котыртлісны аддзысьлӧмъяс юркарса уджалысьяскӧд, а чужан Спаспоруб сиктӧ сійӧс колльӧдіс нималана коми гижысь Фёдоров Геннадий Александрович. Та йылысь Г. Фёдоров гижис очерк, кодӧс регыд печатайтісны «Ударник» журналын, а сэсся унаысь на йӧзӧдлісны комиӧн да рочӧн[6].
Участвуйтіс Айму вӧсна Ыджыд тышын. Пӧгибнитіс 1941 вося сора тӧлысьӧ Беларусьын тышкасигӧн.
Наградаяс
• Сӧветскӧй Союзса Герой ним (1940.04.11);
• Ленин орден (1940.04.11);
• «Зарни Кодзув» медаль (1940.04.11);
• «Отвагаысь» медаль.
Паметь
• И. П. Марков нимӧн шуӧма Сыктывкарын да Абъячойын улича да Спаспорубса школа.
• Сыктывкарын эм И. П. Марковӧс казьтылан пӧв;
• Сыктывкарын эм Коми пединститутын велӧдчӧм Сӧветскӧй Союзса Геройясӧс казьтылан пӧв;
• Спаспорубын сувтӧдӧма И. П. Марковлы обелиск;
• Спаспорубын пуктӧма И. П. Марковлы казьтылан плита;
• «Марков Иван Петрович»: Марков улича Сыктывкарын видеосюжет;
• «Герои. История подвига. Иван Марков» фильм.
Литература
• «Герои страны» проектын И. П. Марков йылысь
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Сердца и звезды. — 2-е изд., доп. — Сыктывкар, 1971.
• Книга памяти Республики Коми. Т. 8 / сост. В. М. Котельников, А. М. Калимова. — Сыктывкар, 1999.
• Книга памяти Республика Коми. Т. 10 / сост. В. М. Котельников, А. М. Калимова, А. А. Карпов. — Сыктывкар, 2004.
• Александров А. Н. Звезды отважных: Наши земляки — Герои Советского Союза и полные кавалеры ордена Славы. — Сыктывкар,1991.
• Александров А. Н. Семнадцать золотых звезд. — Сыктывкар, 1984.
• Связь времен. — Сыктывкар, 2000.
• Город Сыктывкар. Энциклопедия. — Сыктывкар, 2010.
• Фотолетопись Республики Коми. Книга первая. 1921—1970 годы. — Сыктывкар, 2011.
• Честь и слава героям. 1941—1945. — Сыктывкар, 2007.
Ыстӧгъяс
- ↑ 1 2 'Александров А. Марков Иван Петрович // Республика Коми. Энциклопедия. Том II. — Сыктывкар: Коми книжное издательство, 1999. — С. 254.
- ↑ Симакова С.А. Марков Иван Петрович // Город Сыктывкар. Энциклопедия.. — Сыктывкар, 2010. — С. 166.
- ↑ Владимиров Е. Апрель: Иван Марков. Первый Герой
- ↑ Чешский В. Первый Герой Советского Союза из Коми АССР
- ↑ Марков Иван Петрович
- ↑ 1 2 3 Репортаж 27. Наш Герой — старший лейтенант артиллерии Марков Иван Петрович
- ↑ Марков Иван Петрович (рус.). Сайт «Герои страны».
- ↑ Книга памяти Республики Коми. Марков Иван Петрович
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
- Персоналия анбурӧд
- Старшӧй лейтенантъяс (СССР)
- Сӧветскӧй Союзса геройяс
- Ленин ордена кавалеръяс
- Коми Республикаса Почёта гражданинъяс
- Персоналия анбур серти
- Гӧрд Армиялӧн Польшаӧ пырӧмын участвуйтысьяс (1939)
- Сӧветско-финскӧй вӧйнаын участвуйтысьяс (1939—1940)
- Айму вӧсна Ыджыд тышса артиллеристъяс
- Персоналия:Коми
- Айму вӧсна Ыджыд тыш вылӧ усьысьяс
- Комиын СССР-са геройяс
- Спаспоруб сикт овмӧдчӧмин
- Чужисны 1913 воын
- Кулісны 1941 воын