Матвеев Александр Михайлович
| Матвеев Александр Михайлович | |
|---|---|
 | |
| Чужан лун | 1919-ӧд вося вӧльгым тӧлысь 7-ӧд лун |
| Чужанін | |
| Кулан лун | 1981-ӧд вося йирым тӧлысь 21-ӧд лун (61 ар) |
| Куланін | |
| Страна | |
| Ошканпасъяс да премияяс |
 |
Матвеев Александр Михайлович (1919-ӧд вося вӧльгым тӧлысь 7-ӧд лун, Ипать (Сыктывдін район), Коми Республика — 1981-ӧд вося йирым тӧлысь 21-ӧд лун, Сыктывкар, Коми Автономнӧй Сӧветскӧй Социалистическӧй Республика) — коми велӧдысь да гижысь.
Олантуй
Александр Матвеев чужис Вӧлӧгда губерняысь Усть-Сысольск уездса Ипатьдорын (ӧні — Сыктывдін районса Ипать грезд) 1919 вося вӧльгым тӧлысь 7-ӧд лунӧ[1].
Помаліс Сыктывкарса педагогика училище да Коми канмуса педагогика институт, босьтіс история велӧдысьлысь специальносьт. Дорйис чужан му Айму вӧсна Ыджыд тыш дырйи, сьӧкыда ранитчыліс.
Войнабӧрся воясӧ уджаліс Паджгаса шӧр школаын, Коми АССР-са Госархивын, Коми Республикалӧн пытшкӧсса делӧяс министерствоын. 1951 восянь Сыктывкарын веськӧдліс «Вӧрлэдзысь», «Гöрд знамя», «Коми колхозник» газетъясын сатира юкӧнӧн. 1957—1979 воясӧ ӧтнасӧн дасьтіс «Чушканзі» журнал. 1979 восянь веськӧдліс шмонь радейтысьяслӧн «Чушканзі» журналӧн.
Куліс 1981 вося йирым тӧлысь 21-ӧд лунӧ.
Гижан удж
Гижан уджыс Александр Матвеевлӧн пансьӧ 1945-ӧд восянь. Медводз сійӧ гижис кывбуръяс, а сэсся босьтчис лӧсьӧдны шмонитана висьтъяс. Найӧ петавлісны республикаса газетъясын. Йӧзӧдлісны шмонитан висьтъяссӧ сідзжӧ роч («Крокодил» журналын), украина, грузин да мари кывъяс вылын.
А. М. Матвеевлӧн петавліс нёль небӧг: «Ме найӧс аддзылі» (1959), «Ма да гормӧг» (1964), «Сьӧлӧмыд абу кӧчамач» (1967), «Микол, Марья да мукӧдъяс» (1971).
Небӧгъяс
• Ме найӧс аддзылі. — Сыктывкар: Коми книжнӧй издательство, 1959.
• Ма да гормӧг. — Сыктывкар: Коми книжнӧй издательство, 1964.
• Сьӧлӧмыд абу кӧчамач. — Сыктывкар: Коми книжнӧй издательство, 1967.
• Микол, Марья да мукӧдъяс: Тешкодь висьтъяс / Ред. С. М. Морозов. — Сыктывкар: Коми книжнӧй издательство, 1971. — 87 л.б.
Наградаяс
• «Тышын заслугаясысь» медаль (1945);
• Коми АССР-са культураын нимӧдана уджалысь (1969);
• Коми АССР-са журналист котырлӧн В. А. Савин нима премияа лауреат.
Пасйӧдъяс
- ↑ Матвеев Александр Михайлович (рус.). Сыктывдинская ЦБС. Шыӧдчан кадпас: 7 вӧльгым тӧлысь 2025.
Литература
• Микол, Марья да мукӧдъяс: Тешкодь висьтъяс. — Сыктывкар, 1971. — Л.б. 2.
• Журналист, юморист, сатирик Матвеев Александр Михайлович : к 95-летию со дня рождения коми писателя : [буклет] / МБУК «Сыктывдинская ЦБС», Центральная б-ка, Методико-библиогр. отд. — Выльгорт, 2014.
• Матвеев Александр Михайлович (07.11.1919 — 21.10.1981) // Литературная летопись войны: писатели-фронтовики Сыктывдин. р-на : библиогр. пособие. Выльгорт, 2015. С. 12-13