Нестерова Алёна Николаевна

Нестерова Алёна Николаевна
Нестерова Алёна Николаевна
Чужан лун	1985-ӧд вося вӧльгым тӧлысь 18-ӧд лун (38 арӧс)
Чужанін	Ыджыдвидз, Кӧрткерӧс район, Коми Республика, РСФСР[d], Сӧветскӧй Социалистическӧй Республикаяслӧн Союз;
Страна	Рочму;
Мыйся уджыс	поэтесса, менеджер, литературовед

Q5Нестерова Алёна Николаевна

Нестерова Алёна Николаевна (1985) — том коми гижысь. Нывдырся овыс — Старцева. Йӧзӧдчывлӧ «Алёна Старцева» гусяним улын.

Олан туй

Алёна Старцева чужӧма Кӧрткерӧс районса Ыджыдвидз сиктын 1985-ӧд вося вӧльгым тӧлысь 18-ӧд лунӧ. Помалӧма ыджыдвидзса школа, Сыктывкарса канму университетса фин-йӧгра факультет «национальнӧй филология» специальносьт серти. Уджавлӧма коми кыв велӧдысьӧн, С.Я. Маршак нима Коми Республикаса вужвойтырлӧн челядьлы небӧгаинын краеведение юкӧнса веськӧдлысьӧн. 2021-ӧд вося кӧч тӧлысь 1-дза лунсянь — челядьлы «Би кинь» журналса шеф-редактор.

Гижан удж

Медводдза кывбурыс петавлӧма 1996-ӧд воын «Би кинь» журналын. Алёна гижӧ кывбуръяс комиӧн и рочӧн; тэчӧ верлибръяс да рифмаа стихъяс. Кывбуръяссӧ йӧзӧдлывлісны «Разноцветные фантазии», «Край родной, ты дорог мне», «Небыдик ловшы», «Ме тэнӧ радейта…» альманахъясын, «Российский писатель» москваса газетын, «Войвыв кодзув» журналын.

Ас кадӧ сійӧ вӧлӧма том авторъяслӧн республикаса семинаръяс вылын, пырӧ литературнӧй котырӧ, мыйӧн веськӧдлӧ коми поэт Елена Афанасьева. 2011-ӧд воын Алёна Старцевалӧн петӧма «Лолыштӧм» кывбур чукӧр, 2015-ӧд воын — «Тувсов синва» кывбура небӧг.

2013-ӧд воын А. Старцевалы вичмӧма А. Лужиков нима премия.

Пырӧ Россияса гижысь котырӧ 2020-ӧд восянь.

Небӧгъяс

Старцева А. Лолыштӧм: [Кывбуръяс] / Ред. Е.Е. Афанасьева. — Сыктывкар: Коми Республикаса гижысь котыр, 2011. — 32 л.б. («Библиотека молодых» серия) (Тир. 200 экз.)
Старцева А. Тувсов синва. Кывбуръяс / Ред. Е.Е. Афанасьева. — Сыктывкар: Коми Республикаса гижысь котыр, 2015. — 32 л.б. (Тир. 850 экз.)

Ӧшмӧсъяс

Ыстӧдъяс