Сосновская Ольга Александровна

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Сосновский.
Ольга Сосновская
(ширина картинки, указывается только если стандартная ширина не подходит)px
Чужигӧн сетӧм ним Ольга Александровна Сосновская
Чужан лун 1962 вося ӧшым тӧлысь 17-ӧд лун
Чужанін Узловая, Тула обласьт, РСФСР, СССР
Уджсикас Опера сьылысь
Театр Коми Республикаса опера да балет театр
Наградаяс
Коми Республикаса нимйӧза артист, Коми Республикаса канму премияа лауреат, Сыктывкарса Почёта гражданин.
Логотип РУВИКИ.Медиа Медиафайлы на РУВИКИ.Медиа

Сосновская Ольга Александровна (1962 вося ӧшым тӧлысь 17-ӧд лун, Узловая, Тула обласьт, РСФСР, СССР) — россияса опера сьылысь (сопрано). Россия Федерацияса нимӧдана артист (2006), Коми Республикаса нимйӧза артист, Ставроссияса да войтыркостса вокалистъяслон конкурсъясын лауреат, Коми Республикаса канму премияа лауреат, наградитӧма «Коми Республика водзын торъя заслугаясысь» медальӧн, «Классика да ӧнія кад» войтыркостса культура фондса президент[1], Сыктывкарса Почёта гражданин[2].

Коми Республикаса опера да балет театрын сьылысь-вокалист. Велӧдӧ Коми Республикаса Юралысь бердын Ю. А. Спиридонов нима искусствояс гимназияын да искусствояс колледжын. Наградитӧма Москваса да став Россияса Патриарх Кириллӧн Патриаршӧй грамотаӧн.

Олантуй

[вежны | Вежны кодировкаын]

Ольга Сосновская чужис Тула обласьтса Узловая станцияын, мамыслӧн чужанінын. Батьыс чужлӧма-быдмылӧма Украинаын, Кировоград обласьтса Знаменкаын, кӧні Ольга ичӧтдырйиыс коллявлӧма быд гожӧм. Челядьдырыс да томдырыс колис Коми АССР-са Инта карын.

Школа помалӧм бӧрын Ольга Сосновская пырис велӧдчыны Сыктывкарын республикаса искусствояс училищелӧн вокальнӧй отделениеӧ Россияса культураын нимӧдана уджалысь, Коми Республикаса нимйӧза артист, Коми АССР-са нимӧдана велӧдысь Марков Сергей Павлович классӧ.

1988 восянь уджалӧ Коми Республикаса опера да балет театрын[3].

1989 воын помаліс Ленинградса консерваториялысь Петроской карса филиал. Стажируйтчис Гнесинъяс нима шылад академияын (Москва), «Комунале Театрын» (Флоренция, Италия), Мариинскӧй театрын (Петыркар)[4].


2022 вося моз тӧлысь 29-ӧд лунӧ лоис ыджыд неминуча — вӧрын сы вылӧ усис пу, таысь Сосновская ёна вӧлі доймалӧма и дыр бурдӧдчис[5].

• «Лучшие из лучших: Ольга Александровна Сосновская» видеосюжет.

Творчество

[вежны | Вежны кодировкаын]

Ольга Сосновскаялӧн репертуарын 280-ысь унджык произведение, на лыдын: • «Евгений Онегин» (Ларина);
• «Пиковая дама» (Гувернантка);
• «Севильский цирюльник» (Берта, Розина);
• «Царская невеста» (Домна Сабурова, Марфа);
• «Снегурочка» (Купава);
• «Иоланта» (Иоланта);
• «Травиата» (Виолетта Валери);
• «Риголетто» (Джильда);
• «Чио-Чио-сан» (Мадам Баттерфляй, Кэт);
• «Дон Паскуале» (Норина);
• «Волшебная флейта» (Медводдза дама);
• «Сказки Гофмана» (Джульетта, Стелла);
• «Принцесса цирка» (Каролина Бонвиль);
• «Жозефина и Наполеон» (Жозефина);
• «Сильва» (Сильва);
• «Марица» (Марица, цыганка Аза);
• «Летучая мышь» (Розалинда);
• «Весёлая вдова» (Ганна Главари);
• «Миллионерша» (Патрисия);
• «Призрак замка Кентервиль» (Леди Абигайль Кентервиль);
• «Цыганский барон» (Саффи);
• «Бабий бунт» (Настя);
• «Фиалка Монмартра» (Мадам Арно);
• «Алеко» (Земфира);
• «Куратов» (Сандра);
• «Трубадур» (Леонора);
• «Богема» (Мими);
• «Паяцы» (Недда);
• «Свадьба Фигаро» (Сюзанна);
• «Фаворитка» (Инесса);
• «Баядера» (Одетта Даримонд);
• «Герцогиня из Чикаго» (Мэри);
• «Цыган-премьер» (Юлишка);
• «Мадам Фавар» (Жюстина Фавар);
• «Перикола» (Фраскита);
• «Мышеловка» (Молли Рэлстон);
• «Холопка» (Виолетта);
• «Сорочинская ярмарка» (Парася) да с.в.

Сьылӧ артистка роч, украина, коми, итальян, латин, англичан, немеч да француз кывъяс вылын.

1988 восянь артистка вӧлі гастрольясӧн 25 странаын: Австрияын, Беларусьын, Бельгияын, Венгрияын, Германияын, Голландияын, Замбияын, Индияын, Испанияын, Италияын, Китайын, Латвияын, Литваын, Норвегияын, Польшаын, Португалияын, Словакияын, Танзанияын, Украинаын, Финляндияын, Хорватияын, Чехияын, Швейцарияын, Шри-Ланкаын и Эстонияын[6].

Велӧдан удж

[вежны | Вежны кодировкаын]

2012 восянь Сосновская уджалӧ Республикаса искусствояс колледжын вокал кузя педагогӧн[7], но и таӧдз заводитіс уджавны (и водзӧ уджалӧ) кыдзи вокал серти консультант, сетӧ мастер-классъяс Коми Республикасса Юралысь бердын искусствояс гимназияын, велӧдӧ кыдзи асшӧр педагог.

1993 восянь медводз Интаын, кӧні быдмис сьылысь, сэсся Сыктывкарын, нуӧдӧны том вокалистъяслысь Ольга Сосновская нима приз вылӧ конкурс. Конкурсыс лои республикаса да весиг войтыркостса, сійӧ сідзжӧ муніс Красноярскын да Петроскойын[8][9].

Наградаяс

[вежны | Вежны кодировкаын]

• «Вося творческӧй морт» номинацияын «Вося морт» I республикаса конкурсын лауреат (1997).
• Коми Республикаса нимйӧза артист (1999).
• Классическӧй романс сьылысьяслӧн ставроссияса конкурсын II премияа лауреат (2001).
• «Сӧветскӧй композиторлысь произведение медбура ворсӧмысь» классическӧй романс сьылысьяслӧн ставроссияса конкурсын жюрилӧн торъя приз (2001).
• Изабелла Юрьева нима важ роч романс сьылысьяслӧн IV войтыркостса конкурсын I премияа лауреат (2003).
• Россия Федерацияса нимӧдана артист (2006)[10].
• «Коми Республикалы 95 во» казьтылан медаль (2016)[11].
• Драматургия да сценическӧй искусство, литература да культура юкӧнын Коми Республикаса Веськӧдлан котырлӧн премия (2019)[12].
• «Культураын да искусствоын бур вӧчӧмысь» орден (2024)[13].
• Сыктывкарса Почёта гражданин[14]

Дискография

[вежны | Вежны кодировкаын]

CD[вежны | Вежны кодировкаын]

• 1997 — «Арии, песни, романсы». Фортепиано партия — Елена Койдан. (С. Рахманинов, Ц. Кюи, А. Даргомыжский, Н. Римский-Корсаков, М. Мусоргский, П. Чайковский, Ипполитов-Иванов, А. Варламов, А. Власов, Дж. Пуччини, И. С. Бах, Дж. Каччини, Э. Григ, Ф. Шуберт, Л. Делиб)[15].
• 2001 — «Шедевры оперной классики». Ольга Сосновская, Александр Байрон (Папагено), Елена Максимова (Миловзор, Никлаус). Россия Федерацияса канму Академическӧй симфоническӧй оркестр. Дирижер — Феликс Коробов[16].
• 2003 — «Ольга Сосновская. Запись с благотворительного концерта». Фортепиано партия — Елена Койдан[17].
• 2006 — «Главное, ребята, сердцем не стареть!» тшӧтш Владимир Юрковскийкӧд[18].
• 2007 — «Пасхальный концерт с органом» Ольга Сосновская и Дарья Мееркова. CD/DVD, «Александровский Костел» орган да камернӧй шылад концерт зал[19].
• 2012 — Сергей Рахманинов: романсъяс; Борис Чайковский: «Пушкинлӧн лирика» вокал цикл[20].

DVD[вежны | Вежны кодировкаын]

• 2006 — «Trans-Opera». Ольга Сосновская да Коми Республикаса опера да балет театрса балет «Фаустина» спектакль-шоуын[18].
• 2007 — «Пасхальный концерт с органом». Ольга Сосновская и Дарья Мееркова. И. С. Бах, Г. Ф. Гендель, В. А. Моцарт, Дж. Каччини, Дж. Верди, В. Беллини, Ф.Мендельсон, С. Рахманинов, Н. Аренский[19].

Пасйӧдъяс

[вежны | Вежны кодировкаын]
  1. ↑ Паспорт Международного культурного фонда "Классика и Современность". Продюсерский центр Владимира Юрковского (8 сора тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 7 лӧддза-номъя тӧлысь 2020.
  2. ↑ Вьюхин В. Сосновская Ольга Александровна // Республика Коми. Энциклопедия. Том III. — Сыктывкар: Коми книжное издательство, 2000. — С. 70.
  3. ↑ Труппа. Ольга Сосновская
  4. ↑ Филиппова Т.П. Сосновская Ольга Александровна // Город Сыктывкар. Энциклопедия.. — Сыктывкар, 2010. — С. 267.
  5. ↑ «Самая сильная женщина»: любовь жителей Коми и почитателей помогает Ольге Сосновской восстановиться после страшной травмы
  6. ↑ 10 фактов об Ольге Сосновской, которые знают не все
  7. ↑ Сосновская Ольга Александровна
  8. ↑ Элита оперного пения собралась в Сыктывкаре для участия в XXII Международном конкурсе юных вокалистов на приз Ольги Сосновской
  9. ↑ Ольга Сосновская: «Главное для конкурсантов — затронуть наши души»
  10. ↑ Указ Президента Российской Федерации от 11.03.2006 г. № 198 // Президент России. — 2006. Архивировано 12 лӧддза-номъя тӧлысь 2018 года.
  11. ↑ Ряд жителей республики награждены памятными медалями «95 лет Республике Коми», Официальный портал Республики Коми (20 ӧшым тӧлысь 2016). Архивируйтӧма 1 тӧвшӧр тӧлысь 2017 вося. Шыӧдчан кадпас: 31 ода-кора тӧлысь 2020.
  12. ↑ Деятели культуры Республики Коми награждены правительственными премиями, Официальный портал Республики Коми (19 моз тӧлысь 2019). Архивируйтӧма 10 моз тӧлысь 2020 вося. Шыӧдчан кадпас: 31 ода-кора тӧлысь 2020.
  13. ↑ Указ Президента Российской Федерации от 22.07.2024 № 615 "О награждении государственными наградами Российской Федерации". Официальное опубликование правовых актов (22 сора тӧлысь 2024). Шыӧдчан кадпас: 23 сора тӧлысь 2024.
  14. ↑ Почетные граждане города Сыктывкара
  15. ↑ Дискогафия (1997). Продюсерский центр Владимира Юрковского (14 ода-кора тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
  16. ↑ Дискография (2001). Продюсерский центр Владимира Юрковского (2 рака тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
  17. ↑ Дискография (2003). Продюсерский центр Владимира Юрковского (2 рака тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
  18. ↑ 1 2 Дискография (2006). Продюсерский центр Владимира Юрковского (2 рака тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
  19. ↑ 1 2 Дискография (2007). Продюсерский центр Владимира Юрковского (14 ода-кора тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
  20. ↑ Дискография (2012). Продюсерский центр Владимира Юрковского (2 моз тӧлысь 2012). Шыӧдчан кадпас: 31 ода-кора тӧлысь 2020. Архивируйтӧма 8 тӧвшӧр тӧлысь 2020.
Босьтӧма "https://kv.ruwiki.ru/w/index.php?title=Сосновская_Ольга_Александровна&oldid=304150"-ысь