Том йӧз да челядь (национальнӧй проект)
| Том йӧз да челядь (национальнӧй проект) | |
|---|---|
 | |
| Заводитчан кад | 2024 во |
| Помасян кад | 2036 во |
| Помка | «2030 воӧдз да перспективнӧя 2036 воӧдз Россия Федерация сӧвмӧдан национальнӧй могъяс йылысь» 309 №-а индӧд |
| Участвуйтысьяс | 50 млн |
| Бӧртас |
нуӧдӧма «Медводдзаяслӧн ӧтмунӧм», челядьлӧн ӧтмунӧм, серти 6942 мероприятие; |
| Видзӧм сьӧм | нацпроектлон ӧтувъя бюджетыс – 3,7 трлн шайт |
| Организаторъяс:
 Росгвардия | |
.svg){kind=small}
«Том йӧз да челядь» (рочӧн «Национальный проект «Молодёжь и дети») — Россияса шӧр национальнӧй проектъясысь ӧти, сійӧс дасьтӧма да заводитӧма збыльмӧдны «2030 воӧдз да перспективнӧя 2036 воӧдз Россия Федерация сӧвмӧдан национальнӧй могъяс йылысь» Россияса президент Владимир Путинлӧн 2024 во ода-кора тӧлысь 7-ӧд лунся 309 №-а индӧд серти[1]. Веськӧдӧма сувереннӧй велӧдан система лӧсьӧдӧм, колана инфраструктура лӧсьӧдӧм да патриотизм воспитайтӧм вылӧ[2][3]. Олӧмӧ пӧртӧм вӧсна кывкутӧны Велӧдан министерство, Росмолодёжь, Оборона министерство да Росгвардия[1]. Пырӧдчысь лыд — 50 миллион морт[4]. Ӧтувъя бюджетыс — 3,7 трлн шайт[4].
Могъяс
Россия Федерацияса Веськӧдлан котыр водзын Россияса президент сувтӧдӧма мог: 2030 во кежлӧ сетны став челядьлы, томуловлы да том йӧзлы отсӧг сӧвмӧдны налысь сямлунъяс да енби, а сідзжӧ сетны позянлун водз тӧдмасьны уджӧн[3]. Таысь кындзи, пасйӧма, мый том йӧзлӧн пайыс, кодъяс пырӧдчӧны уджсикас, ас мортӧс сӧвмӧдӧм да патриотическӧя воспитайтӧм вылӧ веськӧдӧм уджтасъясӧ, должен лоны 75,1 %; добровольческӧй да общественнӧй уджӧ пырӧдчысьяслӧн пайыс должен содны 45,8 %-ӧдз; том йӧзлӧн пайыс, кодъяс эскӧны Россияын ассьыныс кӧсйӧмъяссӧ олӧмӧ пӧртны позянлунӧ, содны 85 %-ӧдз; вылыс тшупӧда велӧдан россияса организацияясын да наука организацияясын вылыс тшупӧда велӧдан уджтасъяс серти велӧдчысь суйӧрсайса студентъяслӧн лыдыс содны 500 сюрс мортӧдз[3].
Веськӧдлан котырӧн веськӧдлысьӧс вежысь Дмитрий Чернышенко шуис:
«Том йӧз да челядь» национальнӧй проект шымыртӧ зэв уна йӧзӧс. Тайӧ 50 миллионысь унджык морт, либӧ миян странаын олысьяслӧн коймӧд юкӧныс, а тӧд вылӧ босьтӧмӧн тшӧтш и тӧждысьысьясӧс — бать-мамӧс, велӧдысьясӧс да наставникъясӧс — став гражданасьыс джынйыс.
Та дырйи пасйӧма, мый культура, искусство да йӧзкостса творчество юкӧнын 80 % став проектсӧ, кутшӧмъяс сӧвмӧдӧны да дорйӧны традиционнӧй россияса духовнӧй да нравственнӧй озырлунъяс, сьӧмӧн могмӧдӧ канму[3]. Нацпроект збыльмӧдӧм вылӧ 2025 воын урчитӧма 458 138,3 млн шайт, 2026 воын — 547 375,6 млн шайт, 2027 воын — 550 342,1 млн шайт[5]. 2025 воын вичмӧдӧма 458 миллион шайт.
Нацпроект серти кӧсйӧны восьтыны енбиа челядьлы 12 ведущӧй школа, дзоньтавны 8 сюрсысь унджык школа, дасьтыны экономикалӧн медшӧр юкӧнъясын рабочӧй профессияяс кузя 2 миллионысь оз этшаджык том специалистӧс, лӧсьӧдны том йӧзлы 800 лаборатория да 50 водзмӧстчысь инженернӧй школа, кыпӧдны 25 университетса кампус да дзоньтавны 800 ӧтуволанін[6].
Федеральнӧй проектъяс
«Том йӧз да челядь» нацпроектӧ пыртӧмаӧсь татшӧм федеральнӧй проектъяс:
• «Россия – позянлунъяса страна»;
• «Ми ӧтлаын»;
• «Россия мирын»;
• «Медбурсӧ — челядьлы»;
• «Ведущӧй школаяс»;
• «Велӧдысьяс да наставникъяс»;
• «Ӧнія кадся кампусъяс стрӧитӧм»;
• «Лидеръясӧс дасьтан университетъяс»;
• «Профессионалитет»[3];
• «Приоритет-2030»[7].
Уджтас збыльмӧдӧм
2025 вося рака тӧлысь вылӧ «Том йӧз да челядь» нацпроект серти шедӧдӧма татшӧм бӧртасъяс:
• «Медводдзаяслӧн ӧтмунӧм» нуӧдӧма 6942 мероприятие;
• том йӧзлысь ставмирса фестиваль котыртӧмӧ кыскӧма 20 сюрс мортӧс;
• лӧсьӧдӧма «Вузӧ онлайн пырӧм» сервис подув вылын суйӧрсайса студентлысь ӧтувъя цифрӧвӧй профиль;
• Россия Федерацияса регионъясын лӧсьӧдӧма 12 передӧвӧй школа;
• лӧсьӧдӧма шӧр тшупӧда уджсикасӧ велӧдан да производство шӧринъяс;
• восьтӧма том йӧзлы 940 лаборатория[4];
• 7.500 велӧдысь босьтісны «Земскӧй велӧдысь» уджтас серти ӧтчыдысь компенсация;
• сетӧма классӧн веськӧдлӧмысь 800 сюрсысь унджык сьӧм[3].
Содтӧд юӧр
2025 вося лӧддза-номъя тӧлысь 5-ӧд лунӧ роч кывлы отсӧг сетӧмын канму политика олӧмӧ пӧртан сӧветлӧн чукӧртчӧм дырйи Россияса президент Владимир Путин вӧзйис «Пушкинскӧй карта» моз лӧсьӧдны «Челядьлы небӧг карта»[8].
Пасйӧдъяс
- ↑ 1 2 Национальный проект «Молодежь и дети». shkolababichevavykatnoj-r86.gosweb.gosuslugi.ru. Шыӧдчан кадпас: 21 рака тӧлысь 2025.
- ↑ Стали известны подробности национального проекта «Молодёжь и дети», skillbox.ru (20.03.2025). Шыӧдчан кадпас: 21 рака тӧлысь 2025.
- ↑ 1 2 3 4 5 6 Национальный проект «Молодёжь и дети» - Правительство России. government.ru. Шыӧдчан кадпас: 21 рака тӧлысь 2025.
- ↑ 1 2 3 Дмитрий Чернышенко обсудил с депутатами Государственной Думы национальный проект «Молодёжь и дети». government.ru (18 рака тӧлысь 2025). Шыӧдчан кадпас: 21 рака тӧлысь 2025.
- ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Шыӧдчан кадпас: 21 рака тӧлысь 2025.
- ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Шыӧдчан кадпас: 21 рака тӧлысь 2025.
- ↑ Вузы – участники программы «Приоритет-2030» оптимистично оценивают развитие науки в России. Минобрнауки РФ (28 рака тӧлысь 2025). Шыӧдчан кадпас: 27 ода-кора тӧлысь 2025.
- ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Шыӧдчан кадпас: 5 лӧддза-номъя тӧлысь 2025.
Россияын национальнӧй проектъяс | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||
