Трошева Юлия Ивановна
| Трошева Юлия Ивановна | |
|---|---|
 | |
| Чужан лун | 1916-ӧд вося ӧшым тӧлысь 7-ӧд лун |
| Чужанін |
|
| Кулан лун | 1988-ӧд вося урасьӧм тӧлысь 12-ӧд лун (71 ар) |
| Куланін | |
| Страна | |
| Мыйся уджыс | театрын ворсысь |
| Ошканпасъяс да премияяс |
  |
Трошева Юлия Ивановна (1916-ӧд вося ӧшым тӧлысь 7-ӧд лун, Помӧсдін, Коми Республика или Усть-Сысольск уезд, Вӧлӧгда губерния — 1988-ӧд вося урасьӧм тӧлысь 12-ӧд лун, Сыктывкар, Коми Автономнӧй Сӧветскӧй Социалистическӧй Республика) — нималана коми актриса.
Олантуй
Юлия Трошева чужис 1916 вося ӧшым тӧлысь 7-ӧд лунӧ (важ стильын — вӧльгым тӧлысь 24-ӧд лун) Вӧлӧгда губерняысь Усть-Сысольск уездса Помӧсдін сиктын (ӧні — Коми Республикаса Кулӧмдін районын).
1936 воын сійӧ петкӧдчис Сыктывкарын художественнӧй самодеятельносьтлӧн смотрын, мый бӧрын том нылӧс корисны уджавны Коми АССР-са Драма театрлӧн коми труппаӧ. 1939-1942 воясӧ велӧдчис А.В. Луначарский нима театр искусствоса канму институтлӧн (ГИТИС) коми студияын, босьтіс «Драма театрса да киноса актёр» специальносьт. 1942 восянь водзӧ уджаліс Коми Республикаса Драма театрса труппаын.
1943 восянь ВКП(б)-ӧ пырысь. Вӧлі Коми АССР-са Вылыс Сӧветын мӧд созывса депутатӧн.
Ю.И. Трошева куліс Сыктывкарын 1988 вося урасьӧм тӧлысь 12-ӧд лунӧ.
Театрын ворсӧм
Велӧдчӧм бӧрын Юлия Трошева ворсіс Драма театрын классика да ӧнія драматургияысь быдсикас рольяс. Сійӧ медводдзаӧн ворсіс Николай Дьяконовлӧн «Свадьба приданӧйӧн» пьесаысь Ольгаӧс (1950). Юлияӧс бура нимӧдіс Василий Лекановлӧн «Сиктса рытъяс» пьесаысь Дарья тьӧтлӧн серамбана рольыс.
А.Клейн серти, Юлия Трошевалӧн бура артмисны трагичнӧй рольяс: Катерина — А. Островскийлӧн «Грозаын», Анна — Иван Франколӧн «Украденное счастье» пьесаын, Лизавета — Алексей Писемскийлӧн «Горькая судьбина» пьесаын, Мурзавецкая — А.Островскийлӧн «Волки и овцы» пьесаын да с.в.[1].
Трошева лӧсьӧдіс коми национальнӧй репертуарын нывбабаяслысь аслыспӧлӧс образъяс: Павла — Геннадий Юшковлӧн «Бывают же такие» пьесаын, Анна — Пётр Шаховлӧн «Праздник души» пьесаын, Катерина — Александр Ларевлӧн «Льӧм пу дорын аддзыслӧмъяс» да мукӧд.
Ю.И. Трошевалӧн медтӧдчана рольяс[1]:
• Дуняша, Агафья Тихоновна — Николай Гогольлӧн «Женитьба»;
• Ольга — Николай Дьяконовлӧн «Свадьба приданӧйӧн» пьеса;
• Дарья тьӧтка — Василий Лекановлӧн «Сиктса рытъяс» пьеса;
• Наташа — Николай Вирталӧн «Земля» пьеса;
• Ольга Блудова — Николай Дьяконовлӧн «Домна Каликова» пьеса;
• Фроська — Валентин Катаевлӧн «Шел солдат с фронта» пьеса;
• Василиса — Максим Горькийлӧн «На дне»;
• Софья — Максим Горькийлӧн «Последние»;
• Варвара — Максим Горькийлӧн «Егор Булычев»;
• Фридль — «Продолжение следует»;
• Катерина — Александр Островскийлӧн «Гроза»;
• Ульяна Громова — Александр Фадеевлӧн «Молодая гвардия»;
• Анна — Иван Франколӧн «Украденное счастье»;
• Эмилия — Уильям Шекспирлӧн «Отелло»;
• Хозяйка Нискавуори — Хелла Вуолийокилӧн «Каменное гнездо»;
• Анна Ильинична Ульянова — Николай Погодинлӧн «Третья патетическая»;
• Кашкадамова — И. Поповлӧн «Семья»;
• Наташа — Виктор Гусевлӧн «Слава»;
• Лаура — Александр Пушкинлӧн «Каменный гость»;
• Анна — Василий Юхнинлӧн «Зарни кыв»;
• Лютоева — Степан Ермолин да Николай Дьяконовлӧн «В дни войны»;
• Аннушка — Василий Юхнинлӧн «Ключи богатства»;
• Люба — Геннадий Фёдоровлӧн «В предгорьях Тимана».
Наградаяс
• Коми АССР-са нимӧдана артистка (1945);
• Коми АССР-са нимйӧза артистка (1951);
• РСФСР-са нимӧдана артистка (1961.08.17);
• РСФСР-са нимйӧза артистка (1980);
• Коми АССР-са канму премия босьтысь (1974).
Паметь
• Актриса Ю. И. Трошевалӧн портрет — 1963 воын вӧчӧм скульптура. Авторыс — скульптор Владислав Мамченко[2].
Пасйӧдъяс
- ↑ 1 2 Клейн А. Трошева Юлия Ивановна // Республика Коми. Энциклопедия. Том III. — Сыктывкар: Коми книжное издательство, 2000. — С. 171.
- ↑ Скульптура Портрет актрисы Ю.И. Трошевой. Госкаталог. Шыӧдчан кадпас: 3 кӧч тӧлысь 2025.
Ыстӧгъяс
• Коми Республикаса Драма театрлӧн история
• «Коми-театр.ру» сайт